dëgjoni

Veprat artistike të shfaqura në këtë festival janë ripërpunuar dhe zbukuruar në bazë të operave tradicionale vendore, duke treguar synimin e autorëve dhe producentëve të këtyre operave për të fituar sa më shumë shikues të rinj dhe për t'u përshtatur me zhvillimin e kohës.

Opera Chu, me një histori 150-vjeçare, është një opera kryesore e provincës Hubei. Shfaqjet e operës Chu, që është një operë e krijuar në bazë të jetës, karakterizohen nga thjeshtësia dhe përshkrimi i gjallë i personazheve. Teatri i operës Chu të Wuhanit të provincës Hubei krijoi në bazë të shijeve të të rinjve një operë të re me titull "Aroma e këndshme e çajit".

Në këtë operë përshkruhet një vajzë fshatare e viteve '30-' 40 të shekullit të kaluar që u largua nga vendlindja në Wuhan, duke mbajtur një shportë me çaj për të kërkuar të dashurin e saj Tiencheng, dhe për t'u martuar me të. Por, pasi e gjeti të dashurin e saj Tiencheng, ky u bë një "tregtar" me dinjitet të humbur, që synonte vetëm pozitë e para.

Regjisorja e kësaj opere, Chen Wei, tha se karakteristika e theksuar lokale, muzika e bukur dhe ngjarjet tërheqëse bashkëkohore janë faktorët kryesorë të suksesit të kësaj opere. "Nga ana e tregimeve, në këtë operë janë mishëruar me mjeshtëri artistike karakteristikat e qytetit të vjetër Hankou. Spektatorët mund të shikojnë në skenë karakteristikat e theksuara të rrugës 'Hanzheng' të qytetit të vjetër, si dhe vaporët e skeletet etj. të këtij qyteti. Kurse nga ana e interpretimit, ai ka një ngjyrë bashkëkohore. Në të janë futur edhe disa mjete të dramës muzikore, prandaj duket shumë e bukur në skenë."

Chen Wei tha se disa talente të reja të krijimit të kësaj opere në bazë të shijes së shikuesve e kanë transformuar këtë operë tradicionale, kjo është një rrugë e re e krijimit të operave tradicionale lokale kineze. Gjatë kompozimit të muzikës së operës "Aroma e këndshme e çajit", kompozitori 70-vjeçar Hu Xin i ka kushtuar rëndësi njëkohësisht ruajtjes së karakteristikave të operës tradicionale Chu dhe marrjes së anëve të mira të muzikave të tjera. Ai është i mendimit se opera tradicionale duhet të ruajë karakteristikat e veta, por njëkohësisht duhet të përputhet edhe me ndryshimet e kohës dhe me shijet e prirjet e spektatorëve. "Në qoftë se do të ruajmë vetëm gjërat primitive e origjinale, nuk do të kemi grupe të rinj shikuesish. Në kemi marrë shumë gjëra të reja, si duetin, trion, pjesët korale, duke ruajtur tonin kryesor të kësaj opere. Prandaj opera është mirëpritur nga shikuesit."

Demonstrimi i kulturave shumëngjyrëshe të krahinave të ndryshme të Kinës dhe nxitja e risive të trupave të ndryshme artistike janë objektivi i festivalit artistik të Kinës. Në festivalin e 8-të artistik kinez, vepra të ndryshme artistike, si drama, opera lokale, drama muzikore, opera evropiane dhe vepra të formave të tjera artistike kanë shpërfaqur forcën e tyre të veçantë tërheqëse.

Drama muzikore "Mysafirët e ardhur në malin e akullt", e përpunuar në bazë të filmit artistik me të njëjtin titull nga teatri i operës i Rajonit Autonom të Sinkiang-Ujgurit në fund të vitit 2004, me këngët e njohura "Pse këto lule janë kaq të kuqe", "Kujtimet për bashkëluftëtarin tim" dhe me vallet e bukura të kombësive ka gjetur jehonë të madhe te shikuesit. Qysh nga vënia e saj në skenë, kjo operë është shfaqur me se njëqind herë dhe është vlerësuar gjerësisht nga spektatorët.

 Drejtori i teatrit Nusile Wajidi tha se drama muzikore kineze duhet të ketë karakteristikat e veta."Drama jonë muzikore është ndryshe nga dramat muzikore të vendeve të huaja, është e ndryshme nga 'Të mjerët', 'Katedralja e Parisit' dhe 'Macja'. Këto drama muzikore janë krijuar në bazë të estetikës së Evropës Perëndimore, kurse ne e realizojmë këtë dramë muzikore në bazë të estetikës kineze, d.m.th. me muzikë të kuptueshme popullore. Ne duhet të ecim në rrugën tonë".

Drejtori Nusilet Wajidi tha se, ndryshe nga opera tradicionale, drama muzikore është më bashkëkohore dhe përputhet më mirë me synimet estetike të shikuesve. Prandaj dramat e reja muzikore të përpunuara në bazë të veprave të shquara tradicionale kanë treg të gjerë. ( Zhai)