dëgjoni

Ditët e fundit u mbyll në provincën Hubei të Kinës qendrore Festivali i 8-të artistik i Kinës, që organizohet një herë në 3 vjet. Ky festival kombëtar ka qenë gjithmonë një shans i mirë për demonstrimin e rezultateve të krijimtarisë së artit skenik të Kinës.

Qysh nga dhjetëditëshi i parë i nëntorit, në më se 30 teatro të 6 qyteteve të provincës Hubei, trupat artistike të ardhura nga krahina të ndryshme të mbarë vendit filluan shfaqjen e veprave të tyre skenike për të konkurruar për çmimin "Venhua", çmimi më i lartë i artit skenik në Kinë.

Opera Chuan është një operë vendore e parapëlqyer në provincën Sichuan të Kinës perëndimore. Për këtë festival artistik, teatri i operës Chuan i qytetit Chengdu përpunoi një dramë të huaj në operën Chuan me titull "Dallgët lakmuese", ku shtjellohet historia e një familjeje të pasur në kohën e lashtë në Kinë. Plaku lakmues e konsideroi të birin si punëtor të tij për një kohë të gjatë, duke mbledhur një pasuri të madhe, pastaj u martua me një grua të re dhe të bukur, duke u orvatur që biri i tij i ardhshëm të trashëgonte pasurinë e tij.

Në këtë operë janë pasqyruar në mënyrë të saktë konfliktet dhe lufta e hapur dhe e fshehtë e anëtarëve të familjes rreth pasurisë së kësaj familjeje. Megjithëse ngjarja ka ndodhur në lashtësi, të tilla ngjarje të ngjashme gjen edhe në shoqërinë e sotme, prandaj kjo vepër është mirëpritur shumë nga shikuesit. Studenti nga provinca Hënan Qin Zhao, që ndiqte për herë të parë operën Chuan, tha se kjo operë është e ndryshme nga opera e vendlindjes së tij, opera Yu, prandaj i krijoi atij një përshtypje krejt të re. Si libreti i operës, ashtu edhe interpretimi skenik, janë shumë interesantë dhe i bënë shikuesit të përgjigjen me një qeshje të hidhur me lot....

"Ngjarjet e zhvilluara në këtë operë janë plot zigzage dhe me shumë humor. Në fillim ato i bënë njerëzit të qeshin, me një gaz të papërmbajtur, por, ajo është një tragjedi, që i bëri spektatorët të derdhin lot në fund. Ngjarjet zhvillohen në mënyrë të papritur, me të shtuar edhe shpjegimet, efektet e bubullimave, dritave në skenë dhe shumë mjete të reja të teknologjisë të lartë, të gjitha këto e bëjnë këtë operë shumë tërheqëse dhe tronditëse."

Qin Zhao tha se gjatë këtij festivali, ai ka parë disa opera të ndryshme, që të gjitha janë me aktorë shumë të mirë, me kostume dhe drita shumë të bukura skenike, që ndryshojnë krejtësisht nga ato opera tradicionale që ka përfytyruar ai më parë.

Veprat artistike të shfaqura në këtë festival janë ripërpunuar dhe zbukuruar në bazë të operave tradicionale vendore, duke treguar synimin e autorëve dhe producentëve të këtyre operave për të fituar sa më shumë shikues të rinj dhe për t'u përshtatur me zhvillimin e kohës.

Opera Chu, me një histori 150-vjeçare, është një opera kryesore e provincës Hubei. Shfaqjet e operës Chu, që është një operë e krijuar në bazë të jetës, karakterizohen nga thjeshtësia dhe përshkrimi i gjallë i personazheve.

Teatri i operës Chu të Wuhanit të provincës Hubei krijoi në bazë të shijeve të të rinjve një operë të re me titull "Aroma e këndshme e çajit". Në këtë operë përshkruhet një vajzë fshatare e viteve '30 ? '40 të shekullit të kaluar që u largua nga vendlindja në Wuhan, duke mbajtur një shportë me çaj për të kërkuar të dashurin e saj Tiencheng, dhe për t'u martuar me të. Por, pasi e gjeti të dashurin e saj Tiencheng, ky u bë një "tregtar" me dinjitet të humbur, që synonte vetëm pozitë e para. Regjisorja e kësaj opere, Chen Wei, tha se karakteristika e theksuar lokale, muzika e bukur dhe ngjarjet tërheqëse bashkëkohore janë faktorët kryesorë të suksesit të kësaj opere. "Nga ana e tregimeve, në këtë operë janë mishëruar me mjeshtëri artistike karakteristikat e qytetit të vjetër Hankou. Spektatorët mund të shikojnë në skenë karakteristikat e theksuara të rrugës 'Hanzheng' të qytetit të vjetër, si dhe vaporët e skeletet etj. të këtij qyteti. Kurse nga ana e interpretimit, ai ka një ngjyrë bashkëkohore. Në të janë futur edhe disa mjete të dramës muzikore, prandaj duket shumë e bukur në skenë."

Chen Wei tha se disa talente të reja të krijimit të kësaj opere në bazë të shijes së shikuesve e kanë transformuar këtë operë tradicionale, kjo është një rrugë e re e krijimit të operave tradicionale lokale kineze.

Gjatë kompozimit të muzikës së operës "Aroma e këndshme e çajit", kompozitori 70-vjeçar Hu Xin i ka kushtuar rëndësi njëkohësisht ruajtjes së karakteristikave të operës tradicionale Chu dhe marrjes së anëve të mira të muzikave të tjera. Ai është i mendimit se opera tradicionale duhet të ruajë karakteristikat e veta, por njëkohësisht duhet të përputhet edhe me ndryshimet e kohës dhe me shijet e prirjet e spektatorëve.."Në qoftë se do të ruajmë vetëm gjërat primitive e origjinale, nuk do të kemi grupe të rinj shikuesish. Në kemi marrë shumë gjëra të reja, si duetin, trion, pjesët korale, duke ruajtur tonin kryesor të kësaj opere. Prandaj opera është mirëpritur nga shikuesit."(Zhai)