dëgjoni

Pak kohë më parë, poeti francez 83-vjeç Yves Bonefov fitoi çmimin "Franz Kafka" për vitin 2007, çmimin më të lartë të letërsisë në Evropë. Pasi mori vesh këtë lajm, përkthyesi dhe poeti kinez Shu Cai është shumë i gëzuar sepse para disa vjetëve, ai i njohu lëxuesit kinezë me vepra të Yves Bonefovit.

42-vjeçari Shu Cai është një nga studiuesit e Institutit Studimor të Letërsisë së Huaj të Akademisë së Shkencave Shoqërore të Kinës. Para se të bëhej studiues, ai ishte një diplomat kinez në vende afrikane dhe administrues i lartë i një kompanie. Për shkak të dëshirës për poemë, Shu Cai zgjodhi më në fund punën e studiuesit. Ai tha:

"Qysh nga shkolla e mesme, filloi të më pëlqejnë poemat moderne duke provuar të shkruaj vetë poema. Pas hyrjes në universitet, unë dhe bashkëstudentë krijuam një shoqatë letërsie duke botuar revistën e shoqatës me emrin 'Test'."

Vendlindja e Shu Cait është provinca Fujian e Kinës jugore. Në vitin 1983, ai u pranua në fakultetin e gjuhës franceze të Universitetit të Gjuhëve të Huaja të Pekinit. Atë kohë kur sapo filluan reforma dhe hapja me botën e jashtme në Kinë, lindën shumë talente e vepra të shquara letrare. Edhe në universitet, letërsia shkollore kishte lulëzuar shumë. Pikërisht në universitet, Shu Cai filloi të botojë poema:

"Në vitin 1986 botova disa poema. Në vitin 1987, Universiteti Pedagogjik i Pekinit botoi 'Poemat e zgjedhura të poetëve modernë në universitet' ku u zgjodh poema ime 'Dy zogj'. Jam i mendimit se kjo poemë është vepra e pjekur ime."

Pas diplomimit nga universiteti, Shu Cai punoi në Ministrinë e Tregtisë së Jashtme të Kinës. Në vitin 1990, ai u dërgua në Senegal dhe u bë diplomati i ambasadës së Kinës në këtë vend. Kjo eksperiencë ndikoi thellë jetën e krijimtarinë letrare të ardhshme të Shu Cait:

"Para se të shkoja në Afrikë, isha i mendimit se Afrika është shumë e prapambetur. Por pasi punova atje, zbulova se Afrika është një kontinent shumë natyror me kulturë të lashtë dhe të pasur. Natyra optimiste e afrikanëve më preku thellë."

Pas punës 4-vjeçare në Senegal, në vitin 1994, Shu Cai u kthye në atdhe dhe botoi përmbledhjen e poemave "Njeriu i vetëm". Në këtë libër përmblidhen 150 poema të autorit të krijuara gjatë 10 vjetëve. Shu Cai u shpreh se emri i librit "Njeriu i vetëm" vjen nga ai vetë, ai është një njeri i tillë.

Pas kthimit në atdhe, Shu Cai hyri në një kompani dhe u bë administruesi i lartë i saj. Për shkak të dëshirës për poemë, në vitin 2000, ai dha dorëheqje nga kompania dhe hyri në Institutin Studimor të Letërsisë së Huaj të Kinës dhe merret me krijimtarinë e poemave dhe përkthimin e veprave të huaja. Deri sot, Shu Cai ka botuar dy përmbledhje poemash dhe ka përkthyer e botuar vepra të poetëve të rëndësishëm modernë francezë si "Përmbledhja e poemave të Yves Bonefovit", "Përmbledhja e poemave të Rene Sharit", "Përmbledhja e poemave të Pierre Reverdit" etj. Shu Cai u shpreh se në vepra të poetëve francezë, ai ka gjetur shumë gjëra në lidhje me shpirtin e tij:

"Përkthej vepra të poetëve francezë për t'i njohur lexuesit kinezë me poema franceze. Njëkohësisht nëpërmjet përkthimit mund të mësoj shumë nga këto vepra."

Krahas krijimtarisë e përkthimit, Shu Cai është i ngarkuar të merret me veprimtarinë letrare. Pak kohë më parë, ai përfaqësoi poetët kinezë dhe mori pjesë në festivalin ndërkomëbtar të poemave. Ai është një nga organizatorët e festivalit ndërkombëtare të poemave të Qinghait të Kinës. Ai ka ftuar shumë herë poetë të huaj të bëjnë vizitë në Kinë për shkëmbime. Shu Cai u shpreh se nëpërmjet poemës, ai ka krijuar miqësi me poetë nga mbarë bota. (Fani)