dëgjoni

Duke folur për shkakun e regjistrimit të saj si vullnetare, mësuesja Wang tha:

"Në korrik të këtij viti, në lagjen tonë u publikua një reklamë për pranimin e vullnetarëve të qytetit, në shërbim të Lojërave Olimpike. Mendoj se vullnetarët janë shumë të dobishëm për Lojërat Olimpike dhe për mua është nder i madh që të marr pjesë në këtë armatë. Pak kohë pas regjistrimit, qendra e vullnetarëve të lagjes më lajmëroi nëpërmjet mesazhit në celular t'i shërbeja turneut të tenisit 'China Open', që u zhvillua në një stadium afër shtëpisë sime."

Qendra e vullnetarëve të lagjes, të cilën mësuesja Wang sapo përmendi, është nivel bazë në sistemin e vullnetarëve të Kinës. Në vitin 2004, qendra e parë e vullnetarëve të lagjes u krijua në lagjen "Xiangchanglu" pranë zyrës së nëndistriktit "Tianqiao" të Pekinit. Një përgjegjës i zyrës së nëndistriktit "Tianqiao" për çështjet e vullnetarëve, z. Li Chunli, tha se qendra e vullnetarëve të lagjes është një institucion me organizim.

"Tani në mbarë Kinën është zbatuar sistemi i vullnetarëve me 4 nivele, që do të thotë niveli i qytetit, ai i distriktit, i nëndistriktit dhe i lagjes. P. sh. nëndistrikti 'Tianqiao' i përket distriktit 'Xuanëu' të qytetit të Pekinit, ndërkohë pranë nëndistriktit ka edhe 9 lagje dhe çdo lagje ka një qendër vullnetarësh. Prandaj sistemi i vullnetarëve në Kinë është një sistem me organizim, administrim dhe me kritere."

Në çdo qendër vullnetarësh ka 11 punonjës, që merren me formimin e armatës së vullnetarëve të lagjes, përgatitjen e vullnetarëve, aktivitetet e shkëmbimeve teknike e të shërbimeve dhe funksionimin e fondit të bamirësisë, në mënyrë që ky institucion bazë të tërheqë vullnetarë me talente e teknikë dhe t'u ofrojë shërbime të mira banorëve të lagjes.

Gjyshi 74-vjeçar Dong Hengji është një vullnetar i tillë. Para daljes në pension, ai ishte karpentier në Fabrikën e Prodhimeve të Drurit të Pekinit dhe është shumë i aftë në punët me dorë. Gjatë mbi 10 vjetëve të fundit, ai ka ngulur këmbë në shërbimet falas ndaj fqinjëve të lagjes, si riparimin e mobilieve, pastrimin e gjirizeve dhe të shkallëve të godinës etj. Për banorët e lagjes "Yonganlu", gjyshi Dong është një bamirës i njohur. Në vitin 2004, pasi u krijua në lagje qendra e vullnetarëve, edhe ai mori pjesë në këtë qendër dhe është bërë një vullnetar i regjistruar.

"Punoj pikërisht për t'u shërbyer banorëve! Është nder i madh!"

Shumë bamirës të njohur në nëndistriktin "Tianqiao" u përfshinë në qendrat e vullnetarëve të lagjes, që t'u shërbejnë më mirë banorëve. Përgjegjësi i zyrës së nëndistriktit "Tianqiao" Li Chunli tha:

"Që nga viti 2004, kur u krijua qendra e vullnetarëve të lagjes, të gjithë vullnetarët u përfshinë me iniciativë në këtë sistem të standardizuar të vullnetarëve. Tani në nëndistriktin 'Tianqiao' janë regjistruar mbi 3000 vullnetarë."

Krahas regjistrimit të vullnetarëve, nëpërmjet uebsajtit të posaçëm qendrat e vullnetarëve të lagjes administrojnë vullnetarët me licencë unike, në kategori të ndryshme, me llogaritjen e kohës dhe me vlerësimin e cilësisë së shërbimeve.

Tani koha e përgjithshme e shërbimit si vullnetar e gjyshit Dong Hengji, me të cilin sapo ju njoha, i kalon 1500 orët. Në vitin 2005 ai u vlerësua si "Ylli i vullnetarëve të lagjes të Pekinit". Me këto orë të llogaritura shërbimi si vullnetar, në të ardhmen gjyshi Dong do të gëzojë shërbime falas edhe nga vullnetarët e tjerë të rinj.

Tani për tani gjyshi Dong gëzon shëndet të mirë dhe s'ka nevojë për shërbime nga vullnetarë të tjerë, por ai ka ambicie të madhe.

"Jam 74 vjeç, por kam edhe një mision i madh. Jam kandidat për të marrë pjesë në stafetën e pishtarit olimpik!"

Duke folur për këtë, gjyshi u shpreh me ton misterioz. Ai tha se po përgatitet aktivisht për konkurrim dhe stërvitet çdo ditë.

I urojmë gjyshit Dong të realizojë dëshirën e tij!(Wang Lei)