F.I.R është grupi muzikor i tipit krijues më i dalluar në Tajvan. Këngëtarja Faye, kitaristi A Çin dhe tastieri Chen Jianning janë anëtarë me karakter të posaçëm të mirëpritur nga adhuruesit. Në mars të këtij viti, kitaristi A Çin nxori albumin e parë "Veshi i majtë i Van Gogut" që ka tërhequr vëmendjen e shumë adhuruesve. Gjatë disa javëve, ky album u rendit në vendin e parë të disa listave muzikore në Kinë. Këto të gjitha kanë treguar aftësinë muzikore të A Çin-it. Së pari, do të dëgjoni këngën "Veshi i majtë i Van Gogut", e cila ka ngjyrë klasike. (Vinsent Van Gog, 1853-1890, mjeshtër holandez i impresionizmit)

Në këtë album, të gjitha meloditë dhe pjesa dërrmuese e teksteve janë krijuar nga A Çini. Përveç këngëve pop rok, ka edhe këngë të stileve R&B dhe lirike.

Po dëgjoni tani këngën "Më kujtohet dashuria" të kënduar nga A Çini dhe këngëtari koreanojugor Li Jiuzhe. Në këtë këngë thuhet "Unë dua një njeri dhe dëshiroj të kthehemi në të kaluarën. Ndoshta ndjenjat e dhimbjes vërtetojnë thellësinë e dashurisë, ndryshe pse nuk tërhiqem? Më kujtohen dashuria dhe lumturia."

Tani do të dëgjoni dy këngë të vjetra të kënduara nga këngëtarja tajvaneze Rene Liu, me tituj "Mundja dhe madhështia ime" dhe "Edhe ti je këtu". Me zë të bukur, Rene Liu na paraqet procesin e vet të rritjes.

Në këtë këngë thuhet "Pse, të dua, por ti nuk kupton dhe më në fund do të largosh. Kuptoj që mundja ime është që dashuria ime është madhështore. Disa herë dashuria do të mundet. Të gjitha dashuritë e vërteta janë madhështore."

Gjatë 10 vjetëve, Rene Liu ka nxjerrë 10 albume. Përveç këndimit, ajo ka marrë pjesë edhe në regjistrimin e operave televizive, kështu që është bërë yll i filmit, televizionit dhe i këngës.

Po dëgjoni tani këngën "Edhe ti je këtu". Kjo këngë paraqet vendosmërinë dhe besimin për etjen për dashuri: "Apo ai njeri ekziston vetëm në ëndërr? Nëse nuk ka sytë e tu të etur për dashuri, nuk do të takohemi në malet. Edhe ti je këtu."

Në fund të programit të sotëm do të dëgjoni këngën "I Believe" të kënduar nga këngëtari tajvanez Fan Yichen.

Në këtë këngë thuhet "Nuk më vjen keq nëse nuk merr dorën time. Më thuaj 'I Believe do të ketë rezultat'. Unë do të jem njeriu që do të mbetet afër teje." (U Sen)