dëgjoni

Gjatë shumë vjetëve të fundit, nëpërmjet zbatimit të politikës së hapjes me jashtë dhe importimit të investimeve të huaja, Shangai ka ruajtur një zhvillim të vazhdueshëm e të shpejtë të ekonomisë dhe shoqërisë. Vëllimi i prodhimit të përgjithshëm vjetor të industrisë zë një të dhjetat e mbarë vendit. Me kërkesën e zhvillimit përpjesëtimor të ekonomisë rajonale, koordinimi i strukturës industriale dhe ndryshimi i mënyrës së zhvillimit ekonomik janë bërë detara e rëndësishme e Shangait. Për këtë, Shangai ka ndërmarrë politika për shpejtimin e zhvillimit të sektorëve të shërbimeve moderne për të tërhequr ndërmarrjet e njohura të shërbimeve moderne në botë që të vijnë në Shangai për investime dhe për të inkurajuar ndërmarrjet vendore të industrisë së prodhimit që të kthehen në sektorët e shërbimeve.

Shoqëria me përgjegjësi të kufizuar Pharmatech që ndodhet në zonën industriale Zhangjiang në rajonin e ri Pudong të Shangait, është një shoqëri tipike për shërbime. Ajo ka për qëllim t'u japë ndërmarrjeve të prodhimit të ilaçeve të mbarë botës shërbimet për shfrytëzimin dhe prodhimin e ilaçeve, të ndihmojë ndërmarrjet e prodhimit të ilaçeve që të zvogëlojnë cikëlin e shfrytëzimit të ilaçeve të reja dhe të pakësojnë koston në shfrytëzimin e ilaçeve të reja. Drejtori i përgjithshëm i kësaj shoqërie, z. Li tha se në ndërmarrjet e prodhimit të ilaçeve që radhiten në 20 vendet e para të botës, 19 prej tyre janë përdorues të kësaj shoqërie. Vëllimi i biznesit vjetor i kësaj shoqërie arriti në një miliard juanë.

"Ne jemi një shoqëri e tipit shërbyes. Në fakt, ne nuk shfrytëzojmë produktet e veta. Ne ndihmojmë përdoruesit të zvogëlojnë kohën e hyrjes së ilaçeve të reja në treg për të ngritur përqindjen e suksesshme të shfrytëzimit të ilaçeve të reja dhe për të ulur koston e shfrytëzimit të këtyre ilaçeve."

Duke përkrahur zhvillimin e ndërmarrjeve të tipit shërbyes, Sgangai planifikoi të krijojë zonën e përqëndrimit të sektorëve të shërbimeve moderne. Zona e përpunimit të produkteve të eksportit Jinqiao është zona tipike e përpunimit të produkteve të industrisë së shkencave dhe të teknologjive të larta në Shangai. Vëllimi i prodhimit vjetor në një kilometër katror i kaloi të 10 miliardë juanët. Zv/drejtori i përgjithshëm i kësaj zone, z. Shen Weiguo tha se kohët e fundit, ne po planifikojmë të krijojmë një zonë të posaçme për t'u shërbyer ndërmarrjeve të tipit shërbyes.

"Ne po përgatitemi të krijojmë një zonë shërbimesh moderne në zonën e përpunimit të produkteve të industrisë së shkencave dhe të teknologjive të larta. Kohët e fundit po bisedohen disa objekte të mëdha importimi. Pas krijimit të kësaj zone, kjo do të luajë një rol shumë të rëndësishëm për zhvillimin e industrive të vendit bile për përbërjen e qendrës industriale të rajonit të Azisë dhe të Paqësorit."

Si rezultati i këtyre masave aktive, tani zhvillimi i sektorëve të shërbimeve moderne të Shangait ka krijuar një prirje të kënaqshme. Zv/drejtori i Zyrës së planit kompleks pranë Komisionit të zhvillimit dhe të reformës të Shangait, z. Guo Yu tha se tani përqindja e sektorëve të shërbimeve në sasinë e përgjithshme të ekonomisë së Shangait është shtuar pandërprerë. Për shkak të ngritjes së përditshme të kostos së tokave dhe të krahëve të punës, industria e prodhimit me efektivitet të ulët ekonomik filloi të shpërngulet në periferi të Shangait dhe të riformohet.

"Në fillim të këtij viti, Këshilli i Shtetit i Kinës publikoi disa mendime për nxitjen e zhvillimit të sektorëve të shërbimeve dhe kërkoi që deri në vitin 2010, ritmi i rritjes së industrisë së 3-të me sektorët e shërbimeve si kryesore të qyteteve të mëdha dhe të mesme me kushte të mira do ta kalojë ritmin e rritjes së GDP-së. Në fakt, ritmi i rritjes së industrisë së 3-të e kaloi ritmin e rritjes së GDP-së." (Sihai)