Ju flet Radio e Jashtme e Kinës! Të dashur dëgjues, unë jam Pina, ju përshëndes përsëri nga Pekini. Në programin e sotëm të këngëve popullore kineze do të vazhdoj t'ju paraqit disa këngë popullore kineze të intepretuara nga këngëtari i njohur kinez Yan Weiwen.

(????????)

Kjo që ndoqët ë

shtë një këngë popullore e provincës Guizhou me titull "Lulet e mira janë të

 kuqe", kënduar nga Yan Weiweni. Provinca Guizhou ndodhet në jugperëndim të Kinës, në të jetojnë kombësia hane dhe pakica të tjera kombëtare, si buyi, miao etj., dhe janë të përhapura shumë këngë të bukura popullore. "Lulet e mira janë të kuqe" është një këngë malësore e përhapur gjerësisht në këtë provincë. Kjo këngë ka melodi të bukur e elegante dhe tekst të thjeshtë me domethënie të thellë. Në këngë thuhet: "Lulet e mira janë të kuqe, lulet që drejtohen nga dielli janë të kuqe. Kam një kohë të gjatë që s'kam ardhur në këtë vis, ku kanë çelur kudo lule të freskëta. Lulet e thara do të rriten përsëri, dashuria e ikur nuk do të vijë më."

(??3?15?)

Në programin e kaluar ju tregova se Yan Weiweni është një këngëtar i njohur i Ansamblit të këngëve dhe valleve të Drejtorisë së Përgjithshme Politike të Ushtrisë Popullore Çlirimtare Kineze, ai ka diapazon të gjerë, timbër të ëmbël, këndon me ndjenja të përzemërta dhe me forcë të pasur shprehëse artistike. Gjatë më shumë se 20 vjetëve, Yan Weiweni, me artin e tij të pjekur të interpretimit dhe me figurën e vet të dashur dhe energjike në skenë, ka prekur shumë dëgjues.

(????????????)

Kënga që ndoqët është një këngë popullore e kombësisë gelao të provincës Guizhou me titull "Vajza e dashuruar lan rrobat buzë lumit", kënduar nga Yan Weiweni. Kombësia gelao me pak popullsi është një nga pakicat kombëtare të Kinës jugperëndimore. Si burrat e gratë, ashtu edhe pleqtë e fëmijët e kësaj kombësie duan të këndojnë, çdo familje ka partiturë dhe çdo fshat ka këngëtarë të talentuar. Kënga "Vajza e dashuruar lan rrobat buzë lumit" është një këngë popullore shumë interesante, e cila përshkruan tablonë e gëzueshme ku luajnë një vajzë dhe një djalë buzë lumit. Këtë këngë Yan Weiweni e këndon me zë të bukur dhe me forcë prekëse. Në këngë thuhet: "Vajza e dashuruar po lan rroba buzë lumit, duke ndenjur në një shkëmb. Ajo godit rroba me shkop, por sytë i drejton djaloshit. Shkopi e goditi vajzën në pulqerin, por i dhëmb djalit në zemër."

Vitet e fundit, Yan Weiweni ka nxjerrë albumet e tij me këngë popullore "Këngët e dashurisë nga Kina perëndimore", "Këngët e dashurisë nga Dheu i Verdhë", "Këngët e dashurisë nga Dheu i Kuq" etj. Tani le të shijojmë këngën popullore të provincës Guizhou me titull "Këngët fluturojnë". Kjo është një këngë popullore e kombësisë miao, e cila ka melodi krenare dhe karakteristike. Këtë këngë Yan Weiwen e këndon me zë të lartë e kumbues që ka forcë të madhe shpuese.

(??????4?28?)

Në fund të programit të sotëm ju ftoj të dëgjoni këngën "Dielli ndriçon shkëmbinj të bardhë".

(????????????)

Të dashur dëgjues, kënga që ndoqët është një këngë e dashurisë e kombësisë hane, e cila shpreh ndjenjat e përzemërta të dashurisë midis vajzave e djemve. Në këngë thuhet: "Dielli ndriçon shkëmbinj të bardhë, bien lulet e arta dhe të argjendta. Nuk i dua këto lule, por e dashroj vetëm vajzën e talentuar. Kur kemi dashurinë ndaj njeri tjetrit, do të martohemi me siguri."

(??3?45?)

Ju flet Radio e Jashtme e Kinës! Të dashur dëgjues, ndoqët një grup këngësh popullore kineze të interpretuara nga këngëtari i njohur Yan Weiwen. Mirudëgjofshim të shtunën tjetër. Në mikrofon për ju, Pina.