dëgjoni

Vitet e fundit, provinca Shansi ka zbatuar strategjinë e zhvillimit të vazhdueshëm të industrisë së qymyrgurit, duke mbyllur një sërë minierash të qymyrgurit dhe ndërmarrjesh përkatëse me konsum të lartë të energjisë dhe me ndotje të rënda. Industria e energjisë ka pasur një prirje të paparë të zhvillimit të mirë.

Provinca Shansi është një provincë e madhe e qymyrgurit në Kinë. Rezerva e zbuluar e burimeve të qymyrgurit i kaloi 260 miliardë tonët dhe zë 1 të tratën e rezervës së përgjithshme të qymyrgurit të Kinës. Për një periudhë të gjatë, minierat e mëdha shtetërore të qymyrgurit në Shansi dhe shumë miniera të vogla dhe të mesme kanë zhvilluar revalitet të ashpër për nxjerrjen e burimeve të qymyrgurit, gjë që ka shkaktuar nxjerrje të tepërta të burimeve të qymyrgurit dhe ka shpërdoruar burimet e qymyrgurit. Në fillim të këtij shekulli, provinca Shansi ka parashtruar mendimin për mbylljen e minierave të vogla, transformimin e minierave të mesme të qymyrgurit dhe zhvillimin e minierave të mëdha të qymyrgurit. Në vitin 2001, u krijua ndërmarrja me përmasat më të mëdha të qymyrgurit në Kinë?Grupi i koksit dhe qymyrgurit i provincës Shansi.

Du Fuxini 59-vjeçar është drejtori i përgjithshëm i këtij grupi. Gjatë 6 vjetëve të fundit, ai ka punuar me të gjitha forcat me transformimin e minierave të mesme dhe të vogla vendore.

"Gjatë 3 ose 5 vjetëve të klauar, u realizuan në përgjithësi transformimi i pajisjeve, përmirësimi i sistemit të kontrollit dhe i infrastrukturës së sigurimit."

Vitet e fundit, provinca Shansi ka synuar aktivisht rrugën e zhvillimit të vazhdueshëm të nxjerrjes së qymyrgurit. Pas pastrimit të qymyrgurit, kanë mbetur shumë mbeturina, të cilat kanë zënë shumë toka dhe kanë shkaktuar ndotje të rënda. Sipas të dhënave statistikore, çdo vit mbeturinat i kanë kaluar 10 milionë tonët. Në vitin 1999, disa miniera qymyrguri në qytetin Gujiao kanë krijuar bashkërisht Grupin e qymyrgurit dhe të energjisë elektrike, duke zhvilluar shfrytëzimin kompleks për gazin dhe ujërat e pusit. Zv/drejtori i një centrali të energjisë elektrike, z. Zhang Lichun i tha gazetarit:

"Qëllimi i ndërtimit të këtij centrali është për t'i shfrytëzuar këto mbeturina në prodhimin e energjisë elektrike. Kështu që kjo mund të kursejë burime dhe të lehtësojë ndotjen e mjedisit."

Tani një sërë minierash të qymyrgurit dhe ndërmarrjesh përkatëse me pajisje të prapambetura dhe me ndotje të rënda u mbyllën. Pas transfomimit dhe përmirësimit të pajisjeve, ndërmarrjet e mëdha kanë siguruar sigurinë e minatorëve dhe kanë ngritur efektivitetin e prodhimit. Sekretari i Komitetit të Partisë Komuniste të Kinës për provincën Shansi Zhang Baoshun tha se provinca Shansi po vë në jetë konceptin e zhvillimit shkencor, në mynërë që banorët e provincës Shangsi të gëzojnë interesa të vërteta.

"Ne duhet të synojmë dhe të bëjmë si duhet zhvillimin e vazhdueshëm, duke përfshirë zhvillimin e ekonomisë qarkulluese, kursimin dhe mbarojtjen e burimeve, sistemimin e mjedisit, mbrojtjen e ekologjisë." (Sihai)