Ju flet Radio e Jashtme e Kinës. Të dashur dëgjues, në rubrikën e sotme"Shkenca, arsimi dhe shëndetësia" do të japim reportazhin "Ndërtimi kino-amerikan i struktures me fibra optike në fund të oqeanit Paqësor".

Në fund të vitit 2006, tërmeti i fuqishëm që ra në ujërat jugore të rajonit Tajvan të Kinës shkaktoi demtimin e 14 fibrave optike në fund të detit. Si rrjedhim, u dërprenë një numër i madh linjash të telekomunikacionit ndërkombëtar nga pjesa kontinentale e Kinës si dhe rajonet e saj Hong Kongu, Makao dhe Tajvani e deri në SHBA, Evropë dhe Azinë Juglindore, gjë që ndikoi rëndë në cilësinë e shërbimit të intenetit. Para disa kohësh, tri shoqëritë e mëdha kineze në këtë fushë, Shoqëria Aksionare Kineze e Telekomunikacionit me Internet, Shoqëria Kineze e Postë-telekomunikacionit dhe Shoqëria e Bashkuar Aksionare Kineze e Telekomunikacionit, në bashkëpunim me disa kompni përkatëse të rajonit Tajvan, SHBA-së dhe të Koresë së Jugut, filluan punimet e shtrimit të kabllove të drejtpërdrejta optike kino-amerikane në fund të oqeanin Paqësor. Pas përfundimit të këtyre punimeve, do të rritet dukshëm kapaciteti i telekomunikacionit ndërkombëtar në rajonet përkatëse dhe do të ofrohet shërbim i transmetimit të sinjaleve televizive me qartësi të lartë gjatë Lojërave Olimpike të Pekinit në vitin 2008.

Vepra e fibrave optike kino-amerikane në fund të oqeanit Paqësor quhet shkurtimisht vepra TPE. Ceremonia e fillimit të punimeve të saj u organizua para disa kohësh në qytetin bregdetar Qingdao të Kinës. Gjatësia e përgjithshme e fibrave që do të shtrohen në fazën e parë do të jetë 18000 kilometra. Këto fibra do të lidhin drejtpërdrejt pjesën kontinentale të Kinës me SHBA-në. Pikat e lidhjes së tyre në Kinë do të jenë në qytetin Qingdao dhe në distriktin Çongming në periferi të Shangait dhe pika e lidhjes së tyre në SHBA do të jetë në plazhin Nedona që ndodhet në bregdetin perëndimor të SHBA-së.

Pas përurimit të kësaj vepre, shpejtësia më e madhe e transmetimit të sinjaleve të telekomunikacionit do të rritet 32 herë në krahasim me transmetimin nëpërmjet linjës ekzistuese të fibrave optike në fund të detit midis Kinës dhe SHBA. Sipas projektit, nëpërmjet kësaj linje të re të kabllove optike, 40 milionë vetë mund të komunikojnë njëkohësisht me telefon midis Kinës dhe SHBA.

Vepra TPE do të përurohet në vitin 2008, në prag të Lojërave Olimpike të Pekinit. Zv-kryetari i bashkisë së qytetit Qingdao, zoti Vang Siulin thotë se, siç parashikohet, në vitin 2008, 5 miliardë vetë nga popujt e botës do të shikojnë në televizoion Lojërat Olimpike të Pekinit. Me përurimin e kësaj vepre, do të plotësohen kërkesat e mëdha të telekomunikacionit gjatë këtyre lojërave olimpike.

"Vepra TPE do të marrë përsipër detyrat e shërbimit të telekomunikacionit dhe të sigurimit gjatë Lojërave Olimpike të Pekinit në vitin2008 dhe gjatë Panairit Botëror të Shangait në vitin 2010. Me përurimin e kësaj vepre, do të ngrihet në mënyrë të dukshme cilësia e bandës së gjerë të transmetimit të sinjaleve, që përshkon oqeanin Paqësor, dhe do të plotësohen kërkesat për transmetimin e drejtpërdrejtë të programeve televizive me qartësi të lartë dhe për shërbimin e eksplorimit të video-frekuencës me bandën e gjerë të internetit."

Hëpërhë kabllot e telekomunikacionit në fund të detit midis Kinës dhe SHBA shkojnë tërthor nëpër Japoni, Tajvanin e Kinës dhe vende e rajone të tjera. Por kjo shkakton vonesën e transmetimit. Përveç kësaj, për shkak të pamjaftueshmërisë së kapacitetit dhe të fatkeqësive të shumta natyrore, si të tërmetit dhe cunamit, nganjëherë interneti nuk funksionon mirë, madje ndërpritet. Prandaj, më 18 dhjetor të vitit 2006, 6 kompani të postë-telekomunikacionit të Kinës, SHBA dhe të Koresë së Jugut nënshkruan në Pekin një marrëveshje, sipas së cilës tri vendet do të investojnë bashkarisht 500 milionë dollarë amerikanë për ndërtimin e veprës së fibrave optike kino-amerikane në fund të oqeanin Paqësor, me qytetin Qingdao të Kinës si pikënisje. Drejtori i përgjithshëm për rajonin Azi-Paqësori Shoqërisë amerikane TYCO, një nga ndërmarrjet e ndërtimit të kësaj vepre, zoti Matuliç Rusell, thotë se shtrimi i kabllove të reja do të luajë një rol shtytës për shkëmbimet midis Kinës dhe SHBA.

"Me ndërtimin e veprës së kabllove të drejtpërdrejta optike kino-amerikane në fund të oqeanit Paqësor, që është një mrekulli moderne, do të rritet kapaciteti i telekomunikacionit të drejtpërdrejtë midis SHBA-së dhe Kinës dhe do të ndërtohet një urë e re midis dy vendeve, e cila do të zgjerojë më tej marrëdhëniet strategjike dhe tregtare, do të shtojë lidhjet e ngushta, që tashmë ekzistojnë midis dy vendeve, dhe do të hedhë një bazë të shëndoshë për ndihmë në ndërtimin e një shoqërie plot me harmoni." (Zheng)