dëgjoni

Sipas marrëveshjes së mëparshme të Komitetit Olimpik Ndërkombëtar, në vitin 1928 Olimpiada e 9-të do të organizohej nga Amsterdami, i cili ia kishte dhënë Parisit të drejtën e organizimit 4 vjet më parë. Megjithëse e gjithë Holanda kishte të njëjtën dëshirë për organizimin e Lojërave Olimpike para katër vjetësh, dolën zëra kundërshtarë brenda vendit kur filloi puna përgatitore për Olimpiadën e 9-të.

Disa deputetë të Holandës vunë në dyshim në parlament nëse ishte e drejtë që të zhvillohej olimpiada në Amsterdam. Ata denoncuan se qeveria holandeze e atëhershme nuk u kushtonte vëmendje problemeve urgjente të nivelit të jetesës së banorëve, si përmirësimit të kushteve të banimit, problemit të trafikut, por dëshironte të harxhonte miliona guldenë holandezë për organizimin e Lojërave Olimpike, dhe kjo është sigurisht një gjë e gabuar. Edhe disa kundërshtarë të tjerë dënuan se mania për lojërat sportive ua kishte hequr femrave elegancën dhe fisnikërinë e duhur dhe për më tepër lejimi i pjesëmarrjes së femrave në Lojërat Olimpike ishte një gjë e dëmshme për moralin shoqëror.

Për shkak të kundërshtimit të disa deputetëve, parlamenti holandez hodhi poshtë më në fund propozimin që qeveria holandeze të ofronte fond për organizimin e Olimpiadës. Hedhja poshtë e këtij propozimi i vuri punët përgatitore të Olimpiadës së Amsterdamit në një krizë të rëndë financiare. Me ngarkesë të jashtëzakonshme, kryetari i Komitetit Organizativ Olimpik të Amsterdamit u detyrua të jepte dorëheqjen, kështu punët përgatitore të organizimit të Lojërave Olimpike ngelën në vend. Këto gjëra të ndodhura shkaktuan vëmendje masive në të gjithë Holandën dhe pjesa dërrmuese e banorëve mbanin një qëndrim pro për organizimin e Lojërave Olimpike në Amsterdam.

Në një gjendje aq të vështirë, Komiteti Organizativ Olimpik i Amsterdamit ndjeu qëndrimin e banorëve holandezë dhe e pa atë si një dritë në errësirë. Nën mbështetjen e mediave holandez, Komiteti Organizativ Olimpik i Amsterdamit u bëri të gjithë banorëve të vendit një propozim për dhurime ndaj Olimpiadës. Për të garantuar zhvillimin normal të Lojërave Olimpike të vitit 1928, banorët entuziastë të Holandës treguan një bujari të madhe dhe pas vetëm dy javësh Komiteti Organizativ Olimpik i Amsterdamit mblodhi një fond prej 1 milion e gjysmë guldenësh holandezë, shifër kjo 500 mijë më e madhe se ajo të buxhetit të mëhershëm të komitetit. Për të mos zhgënjyer banorët e vendit, qeveria holandeze ndërtoi një stadium që mund të nxinte 40 mijë spektatorë. Në këtë stadium, u ndërtua në qendër edhe një fushë futbolli dhe rreth saj korsi për atletikën. Në atë kohë, ky ishte absolutisht stadiumi me nivelin më të lartë në botë.

Më 28 korrik të vitit 1928, u zhvillua një ceremoni e madhe e hapjes së Olimpiadës së 9-të. Në qiell, ndriçuan fishekzjarrë të larmishëm dhe ekipi i shfaqjes së posaçme me avion dha një shfaqje të mrekullueshme. Olimpistët dhe funksionarët nga 46 vende e rajone që morën pjesë në ceremoninë e hapjes vlerësuan lart punët që kishte bërë komiteti organizativ. Por faktikisht, banorët entuziastë të Holandës që dhanë një milion e gjysmë guldenë janë heronjtë e vërtetë për suksesin e Olimpiadës së 9-të. (Jiang Lei)