dëgjoni

Nuk mbeten as 9 muaj para hapjes së Lojërave Olimpike të Pekinit. Për të arritur rezultat të mirë në edicionin e ardhshëm të Lojërave Olimpike që do të zhvillohet në vendin e tyre, sportistët kinezë i kanë hyrë me entuziazëm stërvitjes.

Ditët e fundit, në Pekin funksionari i Drejtorisë Kombëtare të Fiskulturës dhe të Sporteve të Kinës njohu shtypin me gjendjen e përgatitjes së sportistëve kinezë për Lojërat Olimpike të Pekinit. Nënkryetari i kësaj drejtorie, z. Cui Dalin tha se tani është faza kyçe e punëve përgatitore për sportistët kinezë për pjesëmarrjen në Lojërat Olimpike të Pekinit dhe ata po hyjnë me radhë në stërvitjen e fundit dimrore para Lojërave Olimpike. Afro 1300 sportistë në 55 ekipe po bëjnë stërvitje në krahina të ndryshme të Kinës. Deri tani, 514 sportistë kinezë kanë fituar të drejta për pjesëmarrjen në këto lojëra. Z. Cui tha se sportistët kinezë do të vazhdojnë të përpiqen për të fituar të drejtën e pjesëmarrjes në disiplina të tjera sportive.

"Parashikohet se në Lojërat Olimpike të Pekinit do të marrin pjesë 550 deri 570 sportistë kinezë, shifër kjo do të jetë pjesëmarrje më e madhe për Kinën në Lojërat Olimpike."

Për perspektivën e sportistëve kinezë në Lojërat Olimpike të Pekinit, personalitete përkatëse të qarqeve sportive kineze kanë bërë parashikim shumë të matur. Cui Dalin shprehu mendimin se në Lojërat Olimpike të Pekinit, pavarësisht nga aventazhi i të qënorit vend organizator, delegacioni kinez ndodhet prapësëprapë midis sfidave serioze. Nga këndvështrimi i tij, Cui Dalin është i mendimit se delegacioni kinez nuk ka epërsi të dukshme në shumë disiplina sportive, ku Kina kishte epërsi në të kaluarën dhe madje, do të kërcënohet nga sportistë të huaj. Njëkohësisht, në fushën e vet, sportistët kinezë do të kenë shumë presion psikologjik.

Që nga Lojërat Olimpike të Athinës në vitin 2004, kur delegacioni kinez zuri vendin e dytë në listën e medaljeve të arta me numrin 32, duke kaluar delegacionin e Rusisë, shumë media parashikojnë se në Lojërat Olimpike 2008, si vend organizator, Kina do të zërë vendin e parë, në vend të SHBA-së. Për këtë, Cui Dalin iu përgjigj se në veprimtaritë e mëdha botërore të 3 vjetëve të fundit, SHBA-ja, Rusia dhe vende të tjera kanë treguar potencialin tepër të fuqishëm në disa disiplina sportive me epërsi. Në Lojërat Olimpike të Pekinit, nuk është një gjë e lehtë për Kinën që të kalojë këto dy vende të fuqishme tradicionale në sport.

"Mund të them se delegacioni amerikan ka potencialin më të madh. Në edicionet e fundit të Lojërave Olimpike, delegacioni amerikan është radhitur gjithmonë në vendin e parë. Gjatë këtyre 3 vjetëve të fundit, përsa i përket numrit të përgjithshëm të medaljeve të arta, që fituan SHBA-të në veprimtaritë e mëdha botërore, është shumë më i madh se ai i Kinës dhe distanca midis tyre është gjithnjë e më e madhe. Prandaj është vështirë të ndryshojë vendi i SHBA-së si i parë për numrin e medaljeve në Lojërat Olimpike të Peinit."

Për të përballuar sfidat nga sportistët e vendeve e rajoneve të ndryshme, tani sportistët po bëjnë aktivisht përgatitje. Gjatë intervistës për gazetarët, anëtari i ekipit kombëtar kinez të gjimnastikës, kampioni olimpik, Yang Wei u shpreh qartë se objektivi i ekipit të tij është fitimi i medaljeve të arta olimpike në vendin e vet vitin e ardhshëm. Për këtë, ekipi kinez po intensifikon stërvitjet që të përsosë në maksimum çdo lëvizje.

"Më e rëndësishmja është si të forcohet në maksimum potenciali jonë dhe të paraqitim të gjithë potencialet vitin e ardhshëm."

Sigurisht jo të gjitha ekipet kineze sportive kanë si objektiv fitimin e medaljeve të arta. Objektivi i ekipit të atletikës të Kinës në Lojërat Olimpike të Pekinit është që sa më shumë sportistë të hyjnë në 8 vendet e para. Kryetari i Qendrës administrative të atletikës, Luo Chaoyi u shpreh:

"Përveç një nurmi të vogël të disiplinave sportive, kemi vënë më shumë energji në mbi 10 disiplina atletike që kemi mundësi të hyjmë në 8 vendet e para."

Gjatë procesit të përgatitjes për Lojërat Olimpike 2008, ekipe kineze kanë ftuar edhe shumë trajnerë të huajë në ndihmë të sportistëve kinezë në ngritjen e nivelit. Z. Cui Dalin u shpreh:

"Qarqet sportive kineze nuk janë të mbyllura dhe kanë bërë përpjekje për shkrirjen në familjen e madhe sportive botërore. Gjatë kësaj faze për përgatitjen për Lojërat Olimpike të Pekinit, kemi ftuar 56 trajnerë të huajë në 21 disiplina sportive. Kemi kërkuar shkëmbimet midis kulturave sportive perëndimore dhe lindore, që të shkrihen mirë të dyja dhe që të nxiten ngritja e zhvillimi i nivelit të sportit të Kinës dhe madje të botës." (Wang Lei)