dëgjoni

Që nga 10 deri më 18 nëntor, u zhvilluan në qytetin Guangzhou të Kinës jugore Lojërat e 8-ta Kombëtare të Sporteve Tradicionale të Pakicave Kombëtare të Kinës. Në programin e sotëm do të dëgjoni një reportazh lidhur me këtë.

Lojërat Kombëtare të Sporteve Tradicionale të Pakicave Kombëtare të Kinës, që zhvillohen një herë në 4 vjet, janë arena e demonstrimit të kulturës së sporteve tradicionale të pakicave kombëtare. Të gjitha disiplinat sportive të këtyre lojërave janë sporte tradicionale të pakicave kombëtare të Kinës dhe sportistët pjesëmarrës duhet të vijnë nga këto kombësi. Qëllimi kryesor i pjesëmarrjes së këtyre sportistëve e delegacioneve nuk është fitimi i medaljeve të arta, por zhvillimi i kulturës së sporteve tradicionale të pakicave kombëtare, si dhe forcimi i shkëmbimeve midis kombësive të ndryshme.

Në këto lojëra në Guangzhou, u vendosën 15 disiplina sportive, si gara me kuaj, lëkundja në shilarës etj., si dhe 149 disiplina të shfaqjes, që kanë karakteristika të veçanta nga ana sportive, teknike dhe për shikuesit. Këto sporte tradicionale kanë lindur gjatë praktikave të jetës dhe të prodhimit të banorëve të pakicave kombëtare të Kinës, prandaj lidhen ngushtë me jetën. Mbi 6000 sportistë nga 55 pakicat kombëtare kineze morën pjesë në këto lojëra, duke gëzuar interesin sportiv si dhe miqësinë midis kombësive.

Në këto lojëra, shumë sportistë e funksionarë u shprehën se gjatë viteve të fundit çështja vendase e sporteve tradicionale të pakicave kombëtare ka pasur përparim të madh. Nënkryetari i delegacionit të provincës Hubei, z. Hu Xianghua i tha korrespondentit të radios sonë:

"Administrata e provincës sonë Hubei i ka kushtuar rëndësi të madhe punës së sporteve të pakicave kombëtare dhe çdo vit investon 1 milion juanë në këtë drejtim. Në provincën tonë zhvillohet çdo 4 vjet një edicion i Lojërave të Sporteve të Pakicave Kombëtare dhe deri më sot janë zhvilluar 6 edicione, në secilin prej tyre kanë marrë pjesë 20 ekipe. Që nga 5 vjet më parë, filluam të krijojnë edhe baza të sporteve tradicionale të pakicave kombëtare. Tani kemi 8 baza komplekse si dhe 6 baza për sporte të veçanta. Në fakt kjo është punë themelore dhe e përhapjes së sporteve tradicionale."

Jo vetëm në provincën Hubei, po edhe në krahina të tjera ku janë të përqendruara pakicat kombëtare, vitet e fundit sportet tradicionale kanë pasur zhvillim të madh, ndërsa Lojërat e 8-ta Kombëtare të Sporteve Tradicionale janë demonstrimi i përgjithshëm i rezultatit të këtij zhvillimi. Drejtuesi i përgjithshëm i këtij edicioni, zoti Qi Wenxiang u shpreh:

"Lojërat e Sporteve Tradicionale të Pakicave Kombëtare janë organizuar gjithnjë e më mirë dhe kanë gjithnjë e më shumë risi. Veçanërisht ky edicion i 8-të, ka më shumë pjesëmarrës dhe disiplina sportive."

Vitet e fundit sektorët përkatës kinezë kanë punuar shumë edhe në zbulimin e disiplinave tradicionale të pakicave kombëtare, gjë që ka luajtur rol nxitës për studimin, mbrojtjen dhe përhapjen e kulturës sportive tradicionale të kombësive të ndryshme kineze. Z. Qi Wenxiang u shpreh:

"Tani çdo kombësi e vendit tonë ka sportet e veta tradicionale. Qeveria i ka kushtuar gjithnjë e më shumë rëndësi kësaj çështjeje. Komiteti Kombëtar i Punëve të Kombësive i Kinës dhe Drejtoria e Përgjithshme Kombëtare të Fizkulturës dhe e Sporteve e Kinës kanë punonjës të posaçëm studimorë për këtë. Ata studiojnë sportet tradicionale të çdo kombësie dhe nëse këto sporte mund të kthehen në gara zyrtare sportive. Tani në Lojërat e Sporteve Tradicionale, disiplinat sportive zënë vetëm një përqindje të vogël, ndërsa disiplinat e shfaqjes zënë peshë të madhe specifike. Synimi ynë është që sa më shumë shfaqje të shndërrohen në disiplina sportive."

Lidhur me këtë, funksionarja e Komitetit Kombëtar të Punëve të Kombësive të Kinës, zj. Wang Ju u shpreh se çështja e sporteve të pakicave kombëtare në fakt është një nga punët e kombësive. Nga rëndësia që i është kushtuar nga qeveria çështjes së sporteve të pakicave kombëtare, mund të shohim edhe rëndësinë që u është kushtuar nga qeveria kineze punëve të kombësive. Ajo tha:

"Pas shpalljes së Kinës së re, filluam zbulimin, studimin dhe përsosjen e sporteve tradicionale të pakicave kombëtare. Deri tani, kemi hartuar tekste mësimore për shkollat e larta, të mesme dhe fillore. Në këtë bazë, vitet e fundit sportet e pakicave kombëtare kanë pasur zhvillim të mbarë dhe të standardizuar dhe janë përhapur më gjerësisht. Krahas shkollës, edhe në lagjet e qytetit janë zhvilluar gjithashtu sportet tradicionale të pakicave kombëtare për kalitjen fizike." (Wang Lei)