Ju flet Radio e Jashtme e Kinës! Të dashur dëgjues, unë jam Pina? ju përshëndes përsëri nga Pekini. Në programin e sotëm të këngëve popullore kineze do t'ju paraqit një grup këngësh ujgure me karakteristika të theksuara të kombësisë.

Së pari ju ftoj të shijoni këngën popullore të kombësisë ujgure "Alamuhan". Alamuhani është emri i një vajze ujgure. Kjo këngë me melodi të gjallë dhe të gëzueshme dhe me tekstin interesant e humoristik i këndon Alamuhanit të bukur si lule dhe shpreh dashurinë për të.

Kombësia ujgure e talentuar për të kënduar e vallëzuar jeton e përqendruar në Sinjiang të Kinës veriperëndimore të Kinës. Kombësia ujgure ka traditat e lashta muzikore dhe kulturore, këngët e saj popullore karakterizohen nga përmbajtjet e pasura, format e shumëllojshme, ritmet e shpejta dhe të gjalla dhe atmosfera e theksuar jetësore. Tani le të shijojmë së bashku këngën tjetër popullore ujgure me titull " Kashigeer i bukur".

Kashigeer është emri i plotë i qytetit Kashi me karakteristika ujgure që ndodhet në perëndim të Sinjiangut. Para më se 2 mijë vjetësh, Kashi ka qenë një qytet tregtar ndërkombëtar, ku vinin tregtarët nga Roma, Persia dhe India për të bërë biznes. Kjo këngë përshkruan dashrunë e banorëve ujgurë për vendlindjen dhe këndohet në gjuhën ujgure. Në këngë thuhet: "Shegët në Kashigeer janë të famshme përreth, frutat e ëmbla rriten në plantacionet tona. Qielli në Kashigeer është gjithmonë i kaltër si në pranverë, bijit e bijat punëtore marshojnë gjithmonë përpara."

Ndër këngët popullore ujgure, janë më shumë këngët e dashurisë, të cilat shprehin besnikërinë e pakufishme dhe kërkimin e zjarrtë të të rinjve dhe të rejave ujgure për dashurinë. Disa këngë u këndojnë të dashurve, disa i këndojnë besnikërisë ndaj dashurisë, disa të tjera përshkruajnë pikëllimin e humbjes së dashurisë. Tani le të dëgjojmë këngën e njohur ujgure të dashurisë me titull "A ka hënë apo jo në qiellin tënd ?" Kjo këngë me melodi elegante shpreh dashurinë e thellë midis të dashurve.

Banorët ujgurë janë optimistë dhe të çiltër dhe kanë ndjenja të zjarrta dhe të hapura. Dashuria e zjarrtë midis të rinjve shprehet shpesh në mënyrë metaforike, tekstet e këngëve janë të hapura e drejtëpërdrejta dhe kanë ndjenja të zjarrta, prandaj ato kanë forcë të veçantë artistike. Kur një vajzë dashuron një djalë, ajo i jep djalit një brez të bukur me lule, ndërsa djali ujgur i talentuar këndon menjëherë, duke i rënë veglës muzikore tradicionale ujgure dutar, për të shprehur dashurinë për vajzën. Kënga "Aixinajiang" që do të dëgjojmë më poshtë është pikërisht një këngë e tillë, e cila shpreh dashurinë e pakufishme të një djali për vajzën e zemrës Aixinajiang.

Kjo këngë këndohet në gjuhën ujgure. Në këngë thuhet :"Erdha unë buzë burimit të kulluar, uji pastër i burimit po rrjedh, Aixinajinag, fytyra jote e bukur është si lule e sapoçelur të mollës. Duke ecur nën rrezet e ndritura të hënës, vajza e bukur e zemërmirë Aixinajiang më ke ndezur zemrën time të flakët."

Ju flet Radio e Jashtme e Kinës! Të dashur dëgjues, ndoqët një grup këngësh popullore të kombësisë ujgure. Mirudëgjofshim të shtunën tjetër. Në mikrofon për ju, Pina.