dëgjoni

Këtë vit, 42-vjeçari Qi Ren është shumë i ngarkuar. Para disa ditëve, ai priti një delegacion poetësh të Republikës së Koresë, më pas atij i duhet të shkojë në një qytet në jug të Kinës për të organizuar aktivitetin e poemave. Por para kësaj, Qi Ren organizoi me sukses Festivalin Ndërkombëtar të Poemave të Qinghait. Në këtë festival, poetët e ardhur nga 34 vende u takuan buzë liqenit Qinghai dhe lavdëruan natyrën e bukur nëpërmjet poemave.

Qi Ren lindi në një familje fshatarësh në kontenë Rong të provincës Sicuan të Kinës jugperëndimore. Vendlindja e tij është një fshat shumë i bukur, Qi Ren u shpreh në këtë mjedis të bukur, shkrimi i poemave është një gjë e natyrshme:

"Kam lindur në një fshat me panorama të bukura natyrore. Qysh nga mosha 10-vjeçare, fillova të shkruaj poema. Në mes të viteve '80 të shekullit të kaluar, shkrova disa poema që përshkruajnë vendlindjen time dhe i dërgova në radion e provincës Sicuan për botim. Radio transmetoi këto poema duke më inkurajuar shumë për krijimin e poemave. Pas kësaj, shkrova më shumë poema dhe botova një gazetë poemash."

Qi Ren u diplomua nga Universiteti Pedagogjik i Sicuanit. Pas diplomimit, ai punoi me radhë në organin qeveritar, institucionin e shtypit etj. Ai vazhdon të merret me krijimin e poemave. Poema "Dera e fatit" e botuar në vitin 1991 i solli Qi Renit famë të madhe. Qi Ren u shpreh se fati i ngjan një poeme, një poet ka përgjegjësi të shfaqë mendime të vërteta në poemë:

"Jam i mendimit se ndjenjat e vërteta mund të prekin njerëzit. Një poemë e mirë duhet t'u sjellë lexuesve peshim."

Në vitin 1993, Qi Ren erdhi në Pekin dhe filloi punën në Institutin e Poemave të Kinës. Pas punës, ai ka krijuar shumë poema, njëkohësisht ka organizuar shumë aktivitete të poemave. Ai drejtoi konkursin e poemave të mbarë vendit në internet, ky është konkursi i parë i poemave në internet. Në vitin 2003 kur përhapej në Kinë epidemia e Sarsit, Qi Ren organizoi koncertin e poemave me titull "Në emër të Nightingales" për të nderuar mjekët e infermierët. Ai organizoi edhe veprimtarinë "Vizita e poetëve në mbarë vendin" për të zbuluar bukurinë e atdheut. Qi Ren është i mendimit se tani zhvillimi i poemave kineze po kalon një etapë shumë të mirë:

"Poemat mund të japin kontribut për zhvillimin shoqëror. Poemat mund t'i ndihmojnë njerëzit të shohin që krahas zhvillimit ekonomik, edhe zhvillimi kulturor ka rëndësi të madhe për progresin e njerëzimit."

Deri tani Qi Ren ka botuar antologjinë e poemave "Dera e fatit", "Panoramet në dorë" etj. Kritikët u shprehën se në veprat e Qi Renit nuk mund të hasen fjali të komplikuara, ai është i aftë të pasqyrojë jetën e natyrën me fjali të thjeshta.

Tani Qi Ren është zv-sekretari i përhershëm i përgjithshëm i Institutit të Poemave të Kinës dhe është mjaft i ngarkuar me pritjen e poetëve të huaj, prapë ai nuk heq dorë nga krijimi i poemave. Në vitin e kaluar, Qi Ren botoi në gazetën "Renminribao" poemën "Nefriti Hetian" që lavdëron dashurinë e nënës. Kritikët janë të mendimit se kjo poemë lidh dashurinë e nënës me nefritin që simbolizon virtyt në Kinë dhe është një poemë e mirë. Qi Ren u shpreh se ai nuk shkruan poema për fitimin e lavdërimeve, por shkrimi i poemave i sjell lumturi atij:

"Nuk kam humbur aspak dashurinë për poemën. Ideali im është që të kaloj jetën e lumtur si përshkrimet në poema."

Në kohën e sotme të shumëllojshme, njerëzit kanë interesa të ndryshme si turizmi, muzika etj. Qi Ren e konsideron poemën si pjesë e jetës, kjo është çështja e përjetëshme e tij. (Fani)