Ju flet Radio e Jashtme e Kinës. Të dashur dëgjues, në rubrikën e sotme "Shkenca, arsimi dhe shëndetësia" do të japim reportazhin me titull "Jeta e gëzuar e një mësuesi të verbuar", ku do të flasim për jetën dhe veprimtarinë e zotit Guo Hong-gji, mësues i kategorisë së lartë i Teknikumit të Arsimit të Veçantë të provincës Shansi, i cili jo vetëm që, me përpjekjet e tij këmbëngulëse, e ka pasuruar botën e vet shpirtërore, por edhe përpqet që, po me këtë frymë të brumosë nxënësit e tij, që gjithashtu janë të verbuar.

Guo Hong-gji humbi dritën e syve qysh në fëmijëri, por ai asnjëherë nuk ka humbur dashurinë për dije. Për të përvetësuar dijen dhe për të njohur botën, ai ka shfrytëzuar në maksimum organet e shqisave të të dëgjuarit dhe të prekurit. Prirja e tij më e madhe është ndjekja e programeve radiofonike. Duke kujtuar jetën e tij në fëmijëri, ai thotë se sa herë që dëgjonte program për një gjë të panjohur, ai mundohej ta prekte me dorë, me qëllim që të merrte përshtypje të drejtpërdrejta.

Një ditë, duke ndjekur një program radiofonik, dëgjova togfjalëshin 'punonjësit e hekurudhave'. Por unë nuk dija se si është hekurudha, prandaj një ditë, kur po ecja me babanë tim pranë hekurudhës, u ula galiç për të prekur me dorë shinat e hekurudhës. Por babai im më ngriti menjëherë dhe më pyeti se çfarë po bëja. Unë thasha se nuk dija se mbi çfarë ecin treni, prandaj preka me dorë shinat dhe e kuptova arsyen pse ky mjet transporti quhet 'hekurudha'. Kudo dhe kurdoherë unë mësoj gjërat në këtë mënyrë.

Dija i solli atij fat të mirë. Në vitin 1984, ai u diplomua me suksese të shkëlqyeshme në Teknikumin e Arsimit të Veçantë të provincës Shansi dhe u mbajt për mësimdhënie në këtë shkollë. Që nga ajo kohë, ai është bërë gradualisht një mësues me mend dhe i aftë për mësimdhënie

Ai jo vetëm u mëson nxënësve shkronjat Braile për të verbuarit dhe metodën e masazhit, por edhe u mëson se si të jetojnë dhe si tu vihen ballë për ballë vështirësive në jetë. Ai ka fituar prestigj me punën e vet. Në shumë raste, kur ai takohet dhe flet me ndonjë njeri të panjohur, njerëzit që rrinë pranë dhe shikojnë për kureshtje, ndryshojnë shpejt qëndrimin e tyre pasi dëgjojnë sugjerimet e tij. Në ato raste, njerëzit e ndryshojnë qëndrimin e tyre nga keqardhja në respekt

Për të ngritur më tej nivelin e vet të punës, në vitin 1993, ai studioi për specializim afatshkurtër në Universitetin e Mjekësi-farmaceutikës Kineze të Nankinit. Për të ndihmuar nxënësit në kapërcimin e pengesave psikologjike, në vitin 2004 ai studioi në një kurs të konsultave psikologjike të Pekinit. Vitet e fundit, ai përvetësoi në mënyrë autodidakte edhe njohuri të kompjuterit, madje është bërë ekspert në këtë fushë, gjë që është e rrallë në mes të njerëzve të verbër.

Kompjuteri është një dritare e re për mua. Sa herë që hap atë, ndiej sikur po hyj në një botë tjetër krejt të re. Me të, unë mund të lexoj libra dhe gazeta. Ah, janë realizuar gjërat që nuk i përfytyroja më parë.

Guo Hong-gji është edhe një njeri me talent artistik. Ai di mirë ti bjerë fizarmonikës dhe instrumentit popullor kinez Erhu. Interpretimi i tij në solo për fizarmonikë u transmetua nga Televizioni i provincës Shansi. Ai fitoi dikur çmimin e artistit të shquar në festivalin artistik të provincës. Të organizuar nga ai, nxënësit e tij përgatitën programe të shumta artistike, disa prej të cilave u morën në rubrikat e Televizionit të provincës. Ai organizoi edhe Korin e shkollës dhe sa herë që nxënësit bëjnë provë, ai merr fizarmonkën dhe shkon për të shoqëruar. Programet artistike të përgatitura nën drejtimin e tij 8 herë fituan çmim të nivelit qytetor, 3 herë fituan çmim të nivelit provincial dhe një herë fituan çmim të nivelit kombëtar.

Me vullnetin e tij të fortë, Guo Hong-gji e ka shndërruar veten e tij në një burrë të fortë. Ai u thotë shpesh nxënësve të tij, "Humbja e dritës së zyve na hidhëtoi aq shumë saqë deshëm të vdiqnim. Por ka shumë gjëra plot me domethënie në jetë që vlejnë ti kërkojmë. Ka edhe shumë gëzime në jetë që vlejnë ti synojmë." Fuqia tërheqëse e karakterit të tij ka prekur nxënësit. Pikërisht për këtë arsye, ai bashkon rreth vetes nxënësit me vetëbesim dhe me karakter të hapur.

Nxënësi A: "Të gjithë thonë se unë jam simpatik. Kush beson se edhe një njeri i verbuar ndien gëzim kaq të madh."Me punën e mësuesit Guo, ne jemi shndërruar nga analfabetët e verbuar në njerëz të kulturuar.

Shkrimtari i verbuar amerikan, Keller shkruante se "Edhe pse trupi im nuk është i lirë, zemra ime është i lirë. Më lini të shkoj te tufat e njerëzve, të zhytem në mes të gëzimit dhe të krijoj jetën e gëzuar të njeriut." Me këto fjalë, mund të përshkruhet edhe portreti i mësuesit Guo Hong-ji, i cili në mes të errësirës ka bërë përpjekje të dyfishta në krahasim me njerëzit e shëndetshëm, ka krijuar jetën e gëzuar të njeriut dhe i jep gëzimin edhe nxënësve të tij, në mënyrë që edhe ata të hyjnë në rrugë plot me rreze dielli. (Zheng)