Në shkurt të këtij viti, Lao Lang-u, që nuk kishte publikuar ndonjë album gjatë 4 vjetëve, nxori albumin e tretë me titull "Dimri i Pekinit". Shumë muzikantë të shkëlqyer si p.sh. Li Yanfei, Zhong Lifeng etj kanë marrë pjesë në zgjedhjen e melodive dhe regjistrimin e këtij albumi.

Po dëgjoni tani këngën me titull "Dimri i Pekinit". Në këtë këngë thuhet "Në mëngjesin e ftohtë, ka mbetur në rrugë drita qiellore e vetmuar. Kur kalova s'mund ta zbuloj pamjen tënde, por imagjinova takimin tonë. Në dimër fluturon dëbora e bardhë. S'mund ta refuzoj kohën e kaluar."  dëgjoni

I kënduari i Lao Lang-ut tani nuk ka ndjenja të dëshpëruara për shkak të zërit të ngrohtë të tij. Me elemente muzikore të ndryshme, këngët e Lao Lang-ut janë shumë popullore.

Lao Lang-u u shpreh se ishte një gjë e lumtur dhe e vështirë për të zgjedhur këngët për këtë album. Çdo njëra prej tyre është shumë tërheqëse. Numri i këngëve të albumit është i kufizuar, megjithatë ai ka zgjedhur 10 këngët më të shkëlqyera për t'i regjistruar. Ndër to, janë këngët "Dimri i Pekinit", "S'mund të arratisem", "Fantazia e zogjve" etj.

Po dëgjoni tani këngën me titull "Vështirësia e të dashurit". Këtë këngë e ka kënduar vitin 1998 këngëtarja Ye Pei, duke e përfshirë në albumin "Koha naive". Në atë kohë ky album u quajt "S'mund të arratisem". Ye Pei ishte një këngëtare e re që sapo ishte futur në qarqet muzikore. Zëri i saj nuk ishte perfekt, megjithatë tërhoqi shumë të rinj që e duan muzikën shkollore. Tani kur dëgjojmë zërin e ngjirur të Lao Lang-ut, kjo këngë ende na sjell ndjenja të bukura.  dëgjoni

Në këtë këngë thuhet "Më kujtohet viti kur u ndamë. Kur u largove, e dija që me ty s'mund të arratisem. Ato ditë kanë humbur, megjithatë kujtimet më ndjekin."

Në albumin "Dimri i Pekinit", përveç këngëve të stilit kombëtar, ka edhe muzikë të stilit rok, bosa nova, reggae, bluz, latin etj. Do të dëgjoni tani këngën e stilit bosa nova "Si ashtu". Me ritmin e gëzuar dhe tekstin lirik, kjo këngë na sjell ndjenja të lirshme.  dëgjoni

Në këtë këngë thuhet "Të dua. Çdo herë kur të shoh jam i gëzuar. Kur kam lajme nga ti, vij menjëherë të të bëjë shoqëri."

Lao Lang-u është i lirshëm në jetë, vetëm kur merret me muzikë, ai është serioz. Ai ka kërkesa të larta për tekstet dhe meloditë e çdo kënge. Procesi 4 vjeçar i krijimit të këngëve na paraqet seriozitetin e Lao Lang-ut në muzikë.

Po dëgjoni tani këngën me titull "Stacioni i gabuar". Me zërin e kitarës, kjo këngë na paraqet ndjenjat e vendeve të huaja.  dëgjoni

Në albumin e ri të Lao Lang-ut, këngët e reja dhe të vjetra na tregojnë sinqeritetin e tij në muzikë. Në fund të programit të sotëm do të dëgjoni këngën e stilit Reggae me titull "Fantazia e zogjve".

Në këtë këngë thuhet "Më në fund kam fluturuar në diell. Një zog i vërtetë fluturon shumë shpejt. Jam arratisur nga nata e zezë dhe fluturoj përpara."  dëgjoni (U Sen)