dëgjoni

Ju flet Radio e Jashtme e Kinës! Të dashur dëgjues, jam Shy Guan! Ju përshëndes përsëri nga Pekini. Ju ftoj të dëgjoni "Tregime olimpike", ku do t'ju flas për dritën e yjeve sportive në Lojërat Olimpike të Parisit.

Në Lojërat e 8-ta Olimpike të Parisit në vitin 1924, u dukën një numër sportistësh të shkëlqyer, si Paavo Nurmi, Erik Lidëll, Johny Weismuller, të cilët u bënë yje sportive në historinë olimpike. Paavo Nurmi nga Finlanda është një nga vrapuesit më të mirë në historinë olimpike. Gjatë jetës së lavdishme sportive të tij, ai theu mrekullisht 29 herë rekordin botëror. Ai mori pjesë me radhë në 3 edicione të lojërave olimpike verore në vitin 1920, 1924 dhe 1928, duke fituar gjithsej 9 medalje. Në Lojërat Olimpike të Parisit në vitin 1924, ai bëri një mrekulli, duke fituar me radhë brenda 45 minutave, dy tituj kampionë në 1500 metra dhe 5000 metra. Pas dy ditësh, Nurmi mori pjesë edhe në garën e vrapimit të 10 mijë metrave, duke fituar përsëri dy medalje të arta si individ dhe me ekipin. Përveç kësaj, ai fitoi edhe medalje në garën ekipore të 3000 metrave. Forca fizike dhe vullneti i tij i fortë lanë përshtypje të thella. Kur u kthye në Finlandë me 5 medalje të arta olimpike, ai u prit si heroi i tërë vendit.

Në Lojërat Olimpike të Parisit të vitit 1924, u shfaq edhe një hero olimpik që ka lidhje me Kinën. Ai është atleti anglez Erik Lidëll, i cili lindi në një familje misionare skoceze në qytetin Tiencin të Kinës. Kur u kthye në Angli për studime universitare, ai paraqiti talent mahnitës në vrapimin e distancave të shkurtra. Në Lojërat Olimpike të Parisit, ai korri medaljen e artë në garën e 400 metrave, duke thyer edhe rekordin botëror. Në garën e mëvonshme të 200 metrave, ai fitoi një medalje të bronztë. Pas lojërave olimpike, ai u kthye në Kinë me dy medalje olimpike dhe u martua me një infermiere finlandeze. Nga dashuria për Kinën, pas shpërthimit të luftës kundër pushtuesve japonezë, Lidël e çoi në radhë të parë të shoqen në Kanada, pastaj u kthye me vendosmëri në Kinë dhe bëri shumë punë gjatë luftës kundër pushtuesve japonezë. Pas rënies së Hong-Kongut, Lidel u arrestua nga ushtarët japonezë dhe u çua në kampin e përqendrimit të qytetit Veifang të Kinës. Në atë kamp, ai filloi punën e përkujdesjes për mbi 60 djem. Në vitin 1945, Lidël vdiq në atë kamp nga një sëmundjeje e tumorit në tru. Për ta përkujtuar këtë hero, në vitin 1981, në Angli u xhirua një film shumë i njohur "Koçia e luftëtarit nën zjarr", ku u paraqit jeta e tij e ndritur dhe prekëse.

Përveç heronjve olimpikë në pistat e atletikës, dolën edhe shumë sportistë të shkëlqyeshëm në pishinat e notit në këtë edicion. Ndër ta, më i njohuri është notari amerikan Johny Weismuler, i cili fitoi 3 medalje të arta olimpike. Në garën e 100 metrave stil i lirë, ai shënoi një rekord botërore, 59 sekonda, që u mbajt për 10 vjet.

Në Lojërat e 8-ta Olimpike të Parisit, u dukën shumë sportistë yjet, të cilët lanë mbresa të thella. (Shy Guan)