Grupi "Sygong" u krijua në vitin 1989. Në vitet e para të krijimit, të ardhurat vjetore të biznesit të tij ishin vetëm 300 milionë juanë, por tani kjo shifër ka mundësi t'i kalojë 30 miliardë juanët. Tani ky grup është bërë ndërmarrja më e madhe e shfrytëzimit e prodhimit dhe e eksportit të makinerive në Kinë. Duke folur për sukseset e sotme të arritura nga Grupi "Sygong", drejtori i përgjithshëm i këtij grupi Wang Min u tha gazetarëve se suksesi i sotëm i shkëlqyer i Grupit "Sygong" është i pandarë nga krijimi i markave të pavarura.

"Marka është pasqyrë e aftësisë së një shoqërie, cilësisë së produkteve, nivelit të shërbimeve e kulturës së ndërmarrjes, ndërsa ndërmarrjet duhet të ngrenë potencialin konkurrues të produkteve për të hyrë në tregun ndërkombëtar."

Ai shpjegoi se thelbi i markave të Grupit "Sygong" është sigurimi i cilësisë së produkteve, duke përfshirë teknologjitë e përparuara, sistemin e garantimit të cilësisë serioze, shërbimet e mira pas shitjes së produkteve, strategjinë e suksesshme të shitjes etj.

Në fakt, sasia e prodhimit dhe e shitjes së produkteve të Shoqërisë me përgjegjësi të kufizuar të makinerive të rënda "Sygong" për vitin 2004 zuri vendin e parë në botë. Por drejtori i përgjithshëm i këtij grupi Wang Min është i mendimit se për t'i bërë produktet e Grupit "Sygong" markat të njohura ndërkombëtare, këtij Grupi i duhet një kohë e gjatë

"Në radhë të parë, produktet e prodhuara nga Grupi "Sygong" duhet të përputhen me kërkesat e tregut ndërkombëtar dhe të përdoruesve ndërkombëtarë. Së dyti, ne duhet të krijojmë qendrat e studimeve dhe të shfrytëzimit jashtë vendit për të qenë në një hap me teknologjitë më të larta ndërkombëtare të makinerive. Së treti, ndërmarrjet duhet të shkojnë jashtë vendit për të zhvilluar markat e pavarura."

Për këtë, Grupi "Sygong" ka hartuar strategjinë e zhvillimit global. Thelbi i kësaj strategjie është zhvillimi i tregut në vendet në zhvillim dhe në vendet fqinje, pastaj në vendet e zhvilluara. Grupi "Sygong" ka vendosur lidhjet e bashkëpunimit me tregtarët e shitjes së produkteve të tij jashtë vendit, duke zgjeruar eksportin e produkteve.

Vitet e fundit, Grupi "Sygong" i ka eksportuar produktet e veta në shumë ekspozita ndërkombëtare të makinerive të veprës në SHBA, Gjermani dhe në Afrikën e Jugut. Përfaqësuesit e shoqërive shumëkombëshe të SHBA-së, Gjermanisë dhe Koresë së Jugut kanë ardhur në Kinë që të zhvillojnë diskutime për bashkëpunimin me Grupin "Sygong", për të shfrytëzuar bashkërisht tregun ndërkombëtar. Tani, Grupi "Sygong" ka krijuar së bashku me shoqëritë shumëkombëshe, "Katerpillar", "Liebherr" dhe "Tisenkrup" disa dhjetëra ndërmarrje me investime të përbashkëta. Produktet e Grupit "Sygong" janë shitur në mbi 80 vende ose rajone të botës

Grupi "Sygong" është i mendimit se ai ka diferenca të përshtatshme me disa shoqëri shumëkombëshe në studimin dhe shfrytëzimin e produkteve.

Për të hyrë në tregun ndërkombëtar dhe për të marrë pjesë në konkurrencën ndërkombëtare, Grupi "Sygong" duhet të përgatitet si duhet.

"Ne duhet të ngulim këmbë në reformën e hapjen dhe të shfrytëzojmë mirë teknologjitë e shoqërive shumëkombëshe. Njëkohësisht ne duhet të ruajmë aftësinë e biznesit të pavarur dhe markat e pavarura." (Sihai)