Dëgjoni

Në krahasim me Lojërat Olimpike, që ndriçojnë gjithë botën, shumë njerëz nuk i njohin mirë Lojërat Paralimpike. Mirëpo në fakt, Lojërat Paralimpike kanë absolutisht të njëjtën vlerë me ato Olimpike dhe madje, nga ndonjë këndvështrim, pjesëmarrësit në Lojërat Paralimpike meritojnë të fitojnë më shumë respekt nga ne. Edicioni i parë i Lojërave Paralimpike u zhvillua në Romë në vitin 1960. Që nga viti 1988 këto lojëra zhvillohen në të njëjtin vit dhe qytet me Lojërat Olimpike. Para disa vjetëve Komiteti Olimpik Ndërkombëtar përcaktoi se qytetet që fitojnë të drejtën e organizimit të Lojërave Olimpike kanë detyrim që të zhvillojnë njëkohësisht edhe Lojërat Paralimpike. Në këto rrethana, Pekini, që do të zhvillojë Lojërat e 29-ta Olimpike Verore si dhe Lojërat e 13-ta Paralimpike Verore paraqiti edhe parullën "Dy Olimpiada, njësoj emocionuese", e cila është gjithashtu dëshira e zotit Filip Kraven, kryetar i Komitetit Paralimpik Ndërkombëtar për Lojërat Paralimpike të Pekinit.

Në nëntor të këtij viti, do të fillojnë të shiten biletat e Lojërave Paralimpike. Ditët e fundit, kryetari i Komitetit Paralimpik Ndërkombëtar, z. Filip Kraven u bëri thirrje shikuesve kinezë të shkojnë sa më shumë në terrenet e veprimtarive të Lojërave Paralimpike.

"Çmimi i biletave është shumë i ulët dhe për studentët ka edhe çmim të veçantë. Gjatë Lojërave Paralimpike, më kritikuan shumë, që 'A duhet të mbushen stadiumet nga studentët?' Mirëpo mua më duhet të them se që të ndryshojë koncept i njerëzve, duhet nisur nga fëmijët e të rinjtë. Sigurisht, shpresojmë se personat e moshave të ndryshme do të shikojnë ndeshjet paralimpike në terren, prandaj në përcaktimin e çmimit të biletave të Lojërave Paralimpike të Pekinit, do të marrim parasysh aftësinë pranuese të shikuesve në moshë të ndryshme."

Krahas çmimit të ulët, ka edhe elemente të tjera që do të tërheqin njerëzit të provojnë atmosferën e ngrohtë të Lojërave Paralimpike në terren. Z. Kraven theksoi gjithashtu se shumë ndeshje paralimpike kanë konkurrencë të ashpër dhe tërheqëse, që ashtu si Lojërat Olimpike janë ndeshjet e garat sportive të nivelit më të lartë në botë. Ai mori si shembull që një vrapues me aftësi të kufizuar fizike mund të kryejë 200 metra brenda 22 sekondash, gjë që tregon plotësisht nivelin e lartë të Lojërave Paralimpike. Përveç garave të atletikës, ka edhe shumë ndeshje e gara të tjera të mrekullueshme, të cilat e meritojnë interesimin e shikuesve.

"Dua të rekomandoj futbollin e të verbërve me 5 veta. Kjo disiplinë sportive ka rregulla të tilla: 5 veta për secilin ekip, përdorin një lloji top me një zile brenda, nëpërmjet tingujve të ziles në top, futbollistët kontrollojnë top më këmbë, ndërsa i vetmi lojtar që sheh në ekip është portieri. Në vitin 2004, futbolli i të verbërve me 5 veta u përfshi zyrtarisht në Lojërat Paralimpike. Kur e pashë këtë lloj sporti, më mahniti! Kështu u ndje edhe kryetari i Komitetit Olimpik Ndërkombëtar Zhak Rog. Një ditë, kur po hanim së bashku mëngjesin, dëgjova që ai i tha Samarançit, 'Shikoni pa tjetër futbollin e të verbërve, një mrekulli!'"

E njëjta mrekulli e Lojërave Paralimpike me ato Olimpike vjen edhe nga fryma e jashtëzakonshme këmbëngulëse të sportistëve me aftësi të kufizuar fizike. Z. Kraven vuri në dukje se kjo frymë do të tërheqë shikuesit të shkojnë në terrenin e ndeshjeve e garave dhe t'u ngrejnë moralin sportistëve këmbëngulës.

Mirëpo, baza për garantimin e realizimit të parullës "Dy Olimpiada njësoj emocionuese" është puna e organizatorëve. Për punët përgatitore për Lojërat Paralimpike 2008 gjatë 6 vjetëve të kaluar , z. Kraven, në emër të Komitetit Paralimpik Ndërkombëtar, përgëzoi Komisionin Organizativ të Lojërave Olimpike të Pekinit, që përgjigjet për punët përgatitore për këto Lojëra Paralimpike.

"Në prill të këtij viti vizitova një konvikt në Fshatin e sportistëve të Lojërave Paralimpike, i cili është instalimi më i mirë i fshatit olimpik që kam parë. Në një apartament ka 8 shtretër dhe 3 banja. Të gjitha banjat mund të përdoren nga sportistët me karrocë invalidësh. Nga kjo hollësi mund të shihet kujdesi i projektuesve."

Përsëri lidhur me hollësirat, z. Kraven vuri në dukje se prapësëprapë mbeten mbi 10 muaj nga ceremoninë e hapjes së Lojërave Paralimpike dhe organizatorët kanë shumë punë për të bërë, ndërsa në këtë kohë, hollësirat vendosin rezultatet.

"Do të bashkëpunojmë ngushtë me Komisionin Organizativ të Lojërave Olimpike të Pekinit dhe do të zgjidhim këto probleme të hollësishme, që të sigurojmë që sportistët të kenë një përvojë të mrekullueshme në Pekin, sepse ndjenjat, përvoja dhe paraqitja e sportistëve janë rezultatet më të rëndësishme të Lojërave Paralimpike. Në këtë drejtim, kemi ende një rrugë të gjatë për të përshkuar." (Wang Lei)