Kënga që ndoqët është kënga popullore e provincës Qinhai me titull "Qing Liuliuqing". Kjo është një këngë e gëzueshme dhe e shpejtë. Në këngë thuhet: "Qing Liuliuqing, frutat e pemëve të blerta janë të gjelbra. Frutat janë të shijshme, ndërsa pemët rriten ngadalë. Kur hamë fruta, mos i harrojmë kultivuesit e tyre."

Në programin e kaluar ju tregova se provinca Qinghai ndodhet në pjesën perëndimore të Kinës, ku jetojnë kombësia hane dhe mbi 10 pakica të tjera kombëtare, si tibetiane, hui, sala, tu etj., të cilat janë të afta të këndojnë dhe të vallëzojnë. Në këtë provincë janë të përhapura shumë këngë të bukura popullore të veçanta, ndër të cilat më të njohurat janë këngët malësore Huaer, që janë të përhapura për një kohë të gjatë në rrafshnaltë dhe në zona malore dhe kanë krijuar stilin e vet të lartë, krenar dhe të fuqishëm. Në të njëjtën kohë, zakonet e ndryshme të jetesës dhe pozita e ndryshme gjeografike të kombësive të ndryshme kanë bërë që këngët Huaer të kenë ndryshime të dukshme.

Tani le të shijojmë këngën malësore të përhapur në provincat Qinghai, Gansu etj. me titull "Ngjitem në mal të lartë për të parë fushën". Kjo është një këngë me zë të lartë, kuptimplotë dhe ka forcë imagjinuese. Në këngë thuhet: "Ngjitem në mal të lartë për të parë fushën, në fushë rritet lulja mudan, por është shumë e vështirë për ta këputur."

Më poshtë do të dëgjojmë këngën popullore të provincës Qinghai me titull "Fjalët që më tha në vesh". Kjo është një këngë dashurie e përhapur gjerësisht në Qinghai, e cila në mënyrë figurative shpreh kërkimin e dashurisë prej të rinjve. Në këngë thuhet: "Në malin Laza ka shumë mjegull, në lumin Yimamu ka shumë ujë. Fjalët që më tha në vesh i dashuri im, unë do t'i mbaj mend mirë."

Këngët popullore të shkurtra të provincës Qinghai janë të përhapura kryesisht në lindje të kësaj province. Në tokat pjellore në brigjet e Lumit të Verdhë dhe lumit Huangshui, me panorama të bukura jetojnë banorët punëtorë dhe të thjeshtë të kombësive të ndryshme. Ata kanë krijuar jo vetëm jetën e mirë, por edhe këngët popullore të bukura të shkurtra.

Kënga që ndoqët është kënga popullore e provincës Qinghai me titull "Kënga për të 4 stinët". Kjo këngë përshkruan lulet që çelin në stinë të ndryshme, duke shprehur dashurinë e vajzës ndaj të dashurit. Kjo këngë me melodi të bukur dhe me ritme të qarta e të shpejta ka stilin e këngës malësore huaer dhe karakteristika të valleve. Në vitet '50 të shekullit të kaluar, kjo këngë u përpunua në melodi valleje dhe u përhap gjerësisht.

Në fund të programit të sotëm, do të shijojmë së bashku këngën popullore "Qëndisja". Kjo këngë e gjallë dhe e shpejtë përshkruan një vajzë që është duke qëndisur dhe duke menduar për të ardhmen e bukur.

Në këngë thuhet: "Po qëndis mirë peizazhin e bukur të vendlindjes. Qëndis dy flutura që fluturojnë së bashku, qëndis ëndrrën e bukur që pashë natën ku i dashuri erdhi për të më parë, qëndis të nesërmen e bukur dhe dashurinë tonë të përjetshme."

Ju flet Radio e Jashtme e Kinës! Të dashur dëgjues, ndoqët një grup këngësh popullore të provincës Qinghai. Mirudëgjofshin të shtunën tjetër. Në mikrofon për ju, Pina.