dëgjoni

Ju flet Radio e Jashtme e Kinës. Të dashur dëgjues, jam Shy Guan! Ju përshëndes përsëri nga Pekini! Ju ftoj të dëgjoni "Tregime Olimpike", ku do t'ju flas për flamurin i 5 rrathve, pishtarin dhe betimin e sportistit.

Në Lojërat Olimpike të Antverpit, panë dritën për herë të parë shumë veprime të lojërave olimpike moderne. Këto veprime u trashëguan dhe zhvilluan në përgjithësi në lojërat e mëvonshme olimpike. Atëherë, le t'i njohim ato.

Së pari, në ceremoninë e hapjes së këtij edicioni u ngrit flamuri i 5 rrathëve. Simboli i 5 rrathëve ishte krijuar më parë sipas sugjerimit të Kubertanit. Në vitin 1914, në mbledhjen plenare përkujtimore të Komitetit Olimpik Ndërkombëtar për 20 vjetorin e ringjalljes së lojërave olimpike, Kubertani shpjegoi kuptimin e 5 rrathëve me ngjyrë: blu, të verdhë, jeshile, të kuqe dhe të zezë, të cilat simbolizonin 5 kontinentet e botës që pranuan sportet olimpike dhe u përgatitën për të marrë pjesë në to. Ngjyra e 6-të është e bardha, ngjyra e sfondit, e cila simbolizon që të gjitha vendet mund të marrin pjesë në ndeshje e gara nën flamurin olimpik.

Duke filluar nga Lojërat e 7-ta Olimpike të Antverpit në vitin 1920, 5 rrathët me ngjyrë blu, të verdhë, të zezë, jeshile e të kuqe u bënë simbolet e 5 kontinenteve: Evropës, Azisë, Afrikës, Australi-Oqeanisë dhe Amerikës. Me kalimin e kohës dhe ndryshimin e sporteve olimpike, edhe kuptimi i 5 rrathëve olimpikë ndryshoi. Sipas shpjegimit të kartës më të re olimpike, flamuri olimpik dhe 5 rrathët simbolizojnë jo vetëm bashkimin e 5 kontinenteve, por edhe që të gjithë sportistët duhet të marrin pjesë në fushat sportive në frymën e drejtësisë dhe të ndershmërisë.

Në ceremoninë e mbylljes së Lojërave Olimpike të Antverpit në vitin 1920, komiteti olimpik i Belgjikës e uli flamurin e 5 rrathëve dhe ia dhuroi Komitetit Olimpik Ndërkombëtar për ta mbajtur përgjithmonë.

Risja tjetër në këtë edicion ishte kjo: në ceremoninë e hapjes së tij, u ndez një zjarr i bukur për të përkujtuar ushtarët e vendeve të Antantës së vrarë gjatë Luftës së Parë Botërore. Ky veprim mund të konsiderohet si prejardhja e ndezjes së pishtarit në lojërat olimpike. Në vitin 1928, Komiteti Olimpik vendosi që në ceremoninë e hapjes të organizohet ceremonia e ndezjes së pishtarit dhe të mos lejohet shuarja e tij. Edhe shkëndija e zjarrit duhet të merret nga Olimpiada dhe të transferohet nga një vend në vendin tjetër.

Në Lojërat Olimpike të Antverpit, kishte një ceremoni tjetër shumë të rëndësishme, e cila është betimi i sportistëve në ceremoninë e hapjes. Në këtë edicion, një skermist belgjian bëri betimin në emër të të gjithë sportistëve. Ai lexoi fjalët e betimit: "Unë përfaqësoj të gjithë sportistët në betim, për nderin e sportit, për nderin e ekipit tonë, ne do të marrim pjesë me frymën e vërtetë sportive në këtë edicion të lojërave olimpike, do të respektojmë dhe zbatojmë rregullat." Betimi i sportistëve ishte i nevojshëm sepse në lojërat olimpike të atëkohshme ishin shfaqur veprime mashtruese të sportistëve. Prandaj, Kubertani shpresonte që veprimi i betimit mund të pastronte zemrën e sportistit.

Ngritja e flamurit i 5 rrathëve, ndezja e pishtarit, betimi i sportistëve, këto 3 veprime të reja të Lojërave Olimpike të Antverpit përdoren deri më sot, dhe kanë hedhur bazë për lojërat olimpike të mëvonshme. (Shy Guan)