dëgjoni

Para 20 vjetëve, kur kinezët shqetësoheshin edhe për bukë dhe veshmbathje, shumica dërrmuese prej tyre bënin një jetë monotone dhe në kohën e lirë vetëm qëndronin në shtëpi, duke lexuar libra, dëgjuar radio ose luajtur shah me miqtë. Me thellimin e reformës dhe hapjes, ekonomia kineze ka pasur një zhvillim të shpejtë e edhe jeta e kinezëve në kohën e lirë është bërë gjithnjë e më e pasur dhe gjithashtu ka zënë një vend më të rëndësishëm në jetën personale. Shumë njerëz zbulojnë objektivin e ri të jetës nga aktivitetet në kohën e lirë dhe rikuptojnë vlerën e vet.

33 vjeçari Ly Tongzhou punon në një redaksi reviste. Që nga fëmijëria, së bashku me prindërit, ai bënte shumë turizëm dhe ishte "turisti i vogël" me horizont të gjerë. Kanë kaluar mbi 20 vjet?ai ka ndier nga afër ndryshimin e "turizmit".

"Në të kaluarën kushtet ishin të prapambetura. S'kishte autostrada dhe nuk kishim para të paguanim për një vend me shtrat në aeroplan ose në tren, udhëtonim vetëm me tren me ndenjëse. Mirëpo tani në drejtim të komunikacionit nuk kemi problem. Edhe ndërgjegjshmëria e kinezëve për turizmin ka ndryshuar gradualisht. Neve na pëlqen më shumë turizmi i vetëshërbimit dhe me karakteristika, pa u rregulluar nga agjencitë e turizmit."

Tani turizmit i jepen më shumë përmbajtje dhe rëndësi. Ly Tongzhou është i dhënë pas sporteve ekstreme në kushte të vështira, si alpinizmi, përshkimi i shkretëtirave, ngjitja e akullnajave etj., si dhe turizmi më këmbë.

"Fillova të merrem me sportet në natyrë që nga viti 2002. Ngjita vetë 5 male me dëborë, 3 janë mbi 6000 metra dhe 1 mbi 5000 metra. Më 9 korrik të këtij viti, u ngjita në majën Muztagata, 7546 metra babanë e akullnajës mbi nivelin e detit. Me këtë lartësi mund të arrij në shkallën e sportistit të nivelit të parë kombëtar."

Këto vite me këtë interes në kohën e lirë, Ly Tongzhou ka ndryshuar shumë edhe kuptimin ndaj turizmit. Para 4 vjetëve, kur ai vizitoi më këmbë zonën e varfër malore në jugperëndimin e Kinës, pa gjendjen e prapambetur dhe të varfër në këtë zonë. Ai, i befasuar shumë nga kjo gjendje, nisi në internet aktivitetin e dhurimit për shkollat fillore të zonës malore dhe gjeti përgjigje aktive nga krahina të ndryshme të vendit. Në fund dërgoi libra për mbi 200 shkolla të kësaj zone. Më vonë, ai ka organizuar shpesh dashamirës të turizmit të shkojnë në zona të varfra, duke gërshetuar turizmin në natyrë me aktivitete bamirëse. Ai u bën thirrje turistëve, nëpërmjet uebsajtit, të mbrojnë mjedisin gjatë turizmit. Duke folur për këto veprimtari, Ly Tongzhou mendon se jeta e tij në kohën e lirë kalon me rëndësi dhe realizon vlerën e vet.

"Nga turizmi në sportet në natyrë dhe deri në aktivitetet bamirëse dhe të mbrojtjes së mjedisit, mendoj se u ngrita në një nivel të ri shpirtëror më të lartë."

Ndryshe nga Ly Tongzhou, që ka pasion sportet në natyrë, Wang Qiqi, që punon në një ndërmarrje të madhe me pronësi shtetërore ia kushton pothuajse të gjithë kohën e lirë mësimit. 26 vjeçarja Wang Qiqi me natyrë të urtë u diplomua nga një shkollë të lartë të gjuhëve të huaja. Para një muaji ajo u regjistrua edhe në një kurs fundjave të frëngjishtes. Disa shokë në këtë klasë janë të moshuar, por të gjithë mësojnë me seriozitet.

Në fakt në punën e përditshme Wang Qiqi ka rast të rrallë të përdorë frëngjishten. Nga këndvështrimi i saj, mësimi është gjithashtu interesi i jetës.

"Më pëlqen shumë kultura franceze dhe shpresoj të marr më shumë njohuri në këtë drejtim nëpërmjet mësimit të frëngjishtes. Në të kaluarën, shumë njerëz mësonin gjuhë të huaja për të studiuar jashtë ose për punë; ndërsa tani njerëzit mësojnë në kohë të lirë jo nga presioni, por për të plotësuar interesat e veta, për të pasur njohuri dhe për të ngritur cilësinë e tyre."

Ashtu siç tha Qiqi, jeta e banorëve të thjeshtë kinezë ka hyrë nga faza e plotësimit të nevojës për ushqim dhe veshmbathje në nivelin komod. Me pasurimin material, kinezët kanë filluar t'u kushtojnë rëndësi përmirësimit të cilësisë së jetesës dhe ngritjes së aftësive. Ka gjithnjë e më shumë njerëz si Qiqi që marr pjesë në kurse mësimore në kohën e lirë dhe më shumë shkolla kanë hapur kurse të ndryshme, si të gjuhëve të huaja, interpretimit të veglave muzikore, bërjes së fotografive, vallëzimit, jogës etj. Në fakt, para më shumë 20 vjetëve, në fillimin e reformës dhe të hapjes, u duk një hov i mësimit në kohën e lirë, por atëherë njerëzit kishin qëllim kryesisht për ngritjen e aftësive profesional, që të gjenin një punë ideale, të fitonin më shumë para dhe të ngrinin nivelin e jetesës.

Shumë njerëz gëzojnë jetën në kohën e lirë dhe disa të tjetë i shërbejnë shoqërisë në kohën e lirë. 37-vjeçari Li Yongfeng, që banon në lagjen "Lugu" në pjesën perëndimore të Pekinit, punon si vullnetar në kohën e lirë, fill pasi u krijua në gusht të vitit 2004 Qendra e shërbimeve të punëtorëve vullnetarë e lagjes Lugu. Për shkak që punon në sektorin juridik dhe ka njohuri profesional në fushën e drejtësisë, Li Yongfeng u emërua si shefi i grupit të popullarizimit të ligjeve të lagjes.

"Në prill të këtij viti zhvilluam disa aktivitete në shkollë, për të përhapur disa njohuri ligjore rreth Olimpiadës, komunikacionit, parandalimit të zjarrit dhe për mbrojtjen e interesave të ligjshme vetjake. Kundrejt problemeve të shfaqura gjatë procesit të rritjes së të rinjve, dhamë edhe leksione të posaçme."

Pak kohë më parë, një çift të moshuarish mbi 80 vjeçë, që banon në këtë lagje, kërkoi ndihmë në këtë qendër për zënien e banesës së tyre nga të afërmit, por ata nuk dinë si t'i mbrojnë të drejtat e veta. Li Yongfeng kështu filloi hetimet ligjore në kohën e tij të lirë dhe nëpërmjet rrugës ligjore e mori banesën për çiftin e moshuar. Nga kjo ngjarje Li Yongfeng ndjeu nga afër vlerën e vet dhe mori më shumë forca për të punuar si vullnetar. Nën ndikimin e tij, shumë persona rreth tij po hyjnë në radhët e punëtorëve vullnetarë. Tani në lagjen "Lugu" jenë regjistruar mbi 600 punëtorë vullnetarë. Krahas 5 a 6 aktiviteteve të mëdha komunale në vit, në ditët e zakonshme këta vullnetarë i shërbejnë lagjes me iniciativë në kohën e lirë.

Duke iu kujtuar përvoja e vet 3-vjeçare si punëtor vullnetar, Li Yongfeng shprehu krenari.

"Ndryshe nga të tjerët, unë punoj si vullnetar në kohën e lirë. Ndihem shumë i gëzuar dhe i plotësuar në jetë. Tani Kina ndodhet në periudhën e zhvillimit të vrullshëm të sistemit ligjor. Me veprimet e mia, do të jap edhe unë ndihmesë për ndërtimin e sistemit ligjor të vendit."

Sapo përmenda disa protagonistë, që janë përmbledhja e miliona kinezëve. Në krahasim me punën, kinezët kanë planifikime më personale për kohën e lirë. Këto pasione amatore dhe mënyra e jetesës në kohën e lirë jo vetëm kanë zbutur presionin nga zhvillimi i shpejtë ekonomik, por edhe e kanë bërë më të pasur dhe më harmonike jetën e banorëve të thjeshtë kinezë. (Wang Lei)