dëgjoni

Në moshën 23-vjeçare Wang Xi u bë kryetarja e vogël e komisionit të banorëve. Ajo punon çdo ditë me entuziazëm të madh.

Puna në komisionin e banorëve i ka sjellë asaj gëzime edhe mundime. Nganjëherë ajo e ndien veten si thesi i banorëve.

Pas 7 vjetëve, a ka mendime të reja për punën në komisionin e banorëve?

Ju flet Radio e Jashtme e Kinës. Të dashur dëgjues, do të dëgjoni korrespondencën e njoftimeve seriale "Shënimet për banorët kinezë" me titull: Gëzimet dhe mundimet e një kryetareje të komisionit të banorëve.

Në një komision banorësh të një lagjeje në distriktin Dongcheng të Pekinit po zhvillohet mbledhja e banorëve që gëzojnë sigurimin e nivelit më të ulët të jetesës. Kjo mbledhje zhvillohet një herë në muaj. Krahas dhënies së parave banorëve që gëzojnë sigurimin e nivelit më të ulët të jetesës, në mbledhje kumtohen edhe disa politika të reja dhe informacione punësimi. Në qytetet e qytezat kineze ka afro 80 mijë komisione të tilla të banorëve.

Puna kryesore e komisionit të banorëve është trajtimi i çështjeve publike të banorëve si për shembull dhënia e parave të sigurimit të nivelit më të ulët të jetesës, ndërmjetësimi i mosmarrëveshjeve midis banorëve, ndihma ndaj policisë për mbrojtjen e sigurisë shoqërore etj. Për shkak që puna e komisionit të banorëve është shumë e ndërlikuar dhe kërkon shkëmbime me njerëzit e ndryshëm, prandaj kryetari i komisionit të banorëve është zakonisht një i moshuar me përvojë të pasur jetësore. Por sot do t'ju flasim për një kryetare të re të komisionit të banorëve Wang Xi. Sivjet ajo është 30 vjeçe dhe është prej 7 vjetësh kryetare e komisionit të banorëve. Njëkohësisht Wang Xi është anëtare e Partisë Komuniste të Kinës.

Në verë të vitit 2000, Wang Xi u lirua nga ushtria dhe u regjistrua për të marrë pjesë në zgjedhjet e kuadrove të lagjeve të organizuara nga bashkia e qytetit Pekin. Nëpërmjet përpjekjeve, 23-vjeçarja Wang Xi u zgjodh ndër 90 kandidatët kryetarja më e re e komisionit të banorëve në Pekin. Duke kujtuar kohën kur sapo filloi punën, Wang Xi tha:

"Kur sapo erdha në postin e kryetares, kisha entuziazëm të madh dhe prisja çdo ditë banorët në zyrë për zgjidhjen e problemeve."

Por një ngjarje e mëvonshme ndryshoi mendimin e Wang Xi-së për postin e kryetares së komisionit të banorëve:

"Një herë, një banor i inatosur më hodhi një gotë ujë në trup. Derdha shumë lot."

Lagjja "Dongsiwutiao" e distriktit Dongcheng të Pekinit ku punon Wang Xi është një lagje e vjetër ku banojnë shumë familje me të ardhura të ulëta dhe shumë persona pa punë. Për shkak të moskuptimit të ndonjë politike shtetërore, disa banorë shkuan në komisionin e banorëve dhe shprehën pakënaqësinë e tyre ndaj Wang Xi-së. Megjithëse keqkuptimet u sqaruan më në fund, kjo ngjarje e ndihmoi Wang Xi-në të njohë më tej punën e saj:

"Nganjëherë jemi thesi i banorëve. Kjo është një karakteristikë e punës."

Puna në komisionin e banorëve ka edhe shumë vështirësi të tjera. Zv-drejtori 43-vjeçar i komisionit të banorëve Si Yaping filloi punën në vitin 2000 së bashku me Wang Xi-në. Ai kujton:

"Kur sapo filloi punën, Wang Xi hasi shumë vështirësi. Në këtë lagje banojnë njerëz të ndryshëm dhe ka probleme të ndryshme. Disa banorë vijnë të inatosur në komisionin e banorëve për zgjidhjen e problemeve, ne duhet të bëjmë përpjekje për të zgjidhur pakënaqësitë e tyre."

Wang Xi ka qarë shumë herë pas mbarimit të punës, por ajo nuk heq dorë nga përpjekjet. Lidhur me gjendjen aktuale në lagjen e saj, Wang Xi vendosi t'i ndihmojë banorët e varfër të shkëputen nga varfëria duke krijuar marrëdhëniet harmonike të fqinjësisë. Dashuria dhe përkujdesja e komisionit të banorëve u kanë sjellë banorëve me vështirësi ngrohtësi.

Feng Liyuan është banore e lagjes "Dongsiwutiao". Pas zgjidhjes së martesës, ajo mban vetë vajzën në shkollë dhe nënën e sëmurë, barra e jetesës është shumë e rëndë. Njëkohësisht ajo nuk ka punë të qëndrueshme:

"Mbaj vetë vajzën, nëna ime është mbi 70 vjeçe. Kam vështirësi të madhe ekonomike."

Nëpërmjet vizitës në shtëpinë e zonjës Feng, Wang Xi njohu gjendjen e vështirë të familjes së saj dhe e ndihmoi të fitojë të drejtën e sigurimit të nivelit më të ulët të jetesës. Njëkohësisht Wang Xi e ndihmoi vajzën e zonjës Feng të marrë subvencion mësimor. Me ndihmën e komisionit të banorëve, familja e zonjës Feng kapërceu vështirësinë e jetesës. Feng Liyuan vlerësoi:

"Kryetarja e komisionit të banorëve të lagjes sonë është një njeri shumë i mirë. Ajo na sjell ngrohtësi."

Për t'i ndihmuar banorët e papunë në lagje të gjejnë punë, Wang Xi mban kontakte me disa ndërmarrje duke kërkuar informacione të ndryshme punësimi. Me ndihmën e komisionit të banorëve, 42-vjeçari Yang Hongbo gjeti një punë të kënaqshme. Ai tha:

"Wang Xi na ka dhënë shumë informacione punësimi duke na ndihmuar të gjejmë punën e përshtatshme."

Pas gjetjes së punës, Yang Hongbo fitoi përsëri besimin për jetën:

"Ndiej se shoqëria nuk më ka braktisur. Kam besim për të ardhshmen."

Yang Hongbo shprehu ndjenjat e tij të veçanta për Wang Xi-në dhe komisionin e banorëve:

"Jam i mendimit se Wang Xi dhe komisioni i banorëve janë të afërmit e mi."

Krahas zgjidhjes së vështirësive reale të banorëve, Wang Xi është e mendimit se duhet të kujdeset më tej për ta në anën shpirtërore për të pasuruar jetën e tyre. Prandaj ajo ka organizuar shumë aktivitete argëtuese për banorët si për shembull drejtimi i tyre për të bërë ushtrime fizike, zhvillimi i ekspozitës së fotografive, organizimi i turizmit të të moshuarve të lagjes etj. Këto aktivitete kanë krijuar një mjedis harmonik të jetës duke fituar përshëndetjen e banorëve.

Gjatë intervistës, korrespondenti pa që disa banore po mësonin thurjen. Duke folur për Wang Xi-në, zonja Wei qeshi:

"Ajo është një kryetare e gjallë dhe e aftë. Shpresojmë që ajo të punojë gjithmonë në komisionin e banorëve."

Puna e kryetares së komisionit të banorëve i ka sjellë Wang Xi-së mundime edhe gëzime:

"Jam shumë e gëzuar kur nxënës në lagje pranohen në unversitet, kur banorë të papunë gjejnë punë. Ndiej se kam bërë gjëra me rëndësi."

Pas disa vjetëve, Wang Xi e ka kuptuar më thellë punën e saj:

"Jam e mendimit se ne jemi miq të ngushtë të banorëve. Punonjësit e komisionit të banorëve duhet të dëgjojnë seriozisht mendimet e tyre për t'i ndihmuar të zgjidhin problemet."

Me zhvillimin e qytetit, përmbajtja e punës në lagje është shtuar më tej, njëkohësisht kryetarët e komisioneve të banorëve janë bërë më të zënë me punë. Në fakt, jeta e tanishme ka dallime me idealin e mëparshëm të Wang Xi-së, por Wang Xi u shpreh se ajo është mësuar të dëgjojë titullin "kryetare e vogël" me të cilin e thërresin banorët dhe nuk dëshiron të largohet nga këta banorë që i sjellin mundime edhe gëzime. (Fani)