dëgjoni

Ju flet Radio e Jashtme e Kinës! Të dashur dëgjues, unë jam Pina, ju përshëndes përs

ëri nga Pekini. Në programin e sotëm të muzikës kineze do t'ju paraqit disa këngë popullore të provincës Qinghai, të përhapura gjerësisht në veriperëndim të Kinës. Së pari ju ftoj të dëgjoni këngën "Në atë vend të largët".

"Në atë vend të largët jeton një vajzë e mirë, kur njerëzit kalojnë pranë çadrës së saj, e kthejnë patjetër kokën për ta parë. Fytyra e saj e bukur me buzëqeshje është si dielli i kuq, sytë e saj të shkruar, të gjallë dhe të shkathët janë si hëna e ndritur e natës. Dëshiroj të braktis të gjithë pasurinë time që të kullot dhentë së bashku me të, duke parë përditë fytyrën e saj të buzëqeshur

dhe rrobat e saj të bukura. Dëshiroj të jem një qengj që rri pranë saj, që ajo e rreh me kamxhik të hollë."

Kjo këngë popullore e provincës Qinghai, e mbledhur dhe e sistemuar nga kompozitori i njohur kinez Wang Luobin, është e përhapur gjerësisht, dhe thuhet se "aty ku jetojnë kinezë, dëgjohet me siguri kjo këngë". Prandaj kjo këngë është përfshirë në "Pjesët muzikore klasike kineze të shekullit të 20-të", si përfaqësuese e veprave muzikore kineze.

Kënga e bukur lirike "Në atë vend të bukur" ju ka çuar në provincën Qinghai të Kinës veriperëndimore. Provinca Qinghai është vendburimi i lumenjve më të mëdhenj të Kinës: Jance, Lumit të Verdhë dhe Lanchang. Pjesa më e madhe e kësaj province ndodhet në çatinë e botës, rrafshnaltën Qinghai-Tibet, ku ka male të larta, lugina, ultësira dhe jetojnë kombësitë hane, tibetiane, hui, sala, tu dhe mbi 10 pakica të tjera kombëtare, të cilat janë të afta për të kënduar dhe vallëzuar, prandaj këtu janë të përhapura shumë këngë popullore të bukura dhe të veçanta. Tani le të shijojmë së bashku këngën popullore "Koha e rinisë është më e mira".

Kjo është një këngë malësore Huaer. Kjo këngë e gëzueshme, e lehtë dhe e zjarrtë shpreh dashurinë e zjarrtë të djemve për vajzat e zemrës, vetëbesimin e tyre, si dhe shpresën për jetën e ardhshme. Në këngë thuhet: "Mali më i mirë është mali Taizi, lugina më e mirë është lugina Qin, lulja më e mirë është Mudani dhe koha e rinisë është më e mira."

Këngët malësore Huaer janë të përhapura në provincat Qinghai e Gansu, në Rajonin Autonom të Ningxia-Huit dhe në një pjesë të Rajonit Autonom të Singjiang-Ujgurit. Këngët malësore Huaer, që kanë lloje dhe përmbajtje të pasura pëlqehen shumë nga banorët e kombësive hui, hane, tu, sala, dungxiang, baoan, yugu etj. Tekstet e këngëve mund të hartohen në çast nga banorët e thjeshtë, madje analfabetë. Tani le të dëgjojmë këngën popullore të provincës Qinghai "Çelin lulet Shandan të vajzave". Kjo këngë interesante dhe humoristike përshkruan emocionet dhe gëzimin e djemve kur shkojnë për të takuar vajzat e zemrës.

Në fund të programit të sotëm, ju ftoj të shijoni këngën "Më merr mua". Kjo këngë e shtruar dhe melankolike përshkruan pikëllimin e një vajze që nuk dëshiron të ndahet nga i dashuri i saj.

Ju flet Radio e Jashtme e Kinës! Të dashur dëgjues, ndoqët disa këngë popullore të provincës Qinghai. Mirudëgjofshim të shtunën tjetër. Në mikrofon për ju, Pina.