Kina, Japonia dhe Koreja e Jugut si vende fqinje të Azisë lindore, kanë histori të gjatë të shkëmbimeve kulturore. Vitet e fundit, krahas zhvillimit të shkëmbimeve ekonomike kino-japoneze dhe kino-jugkoreane, edhe shkëmbimi dhe bashkëpunimi kulturor kanë marrë një zhvillim të shpejtë. Janë shtuar shumë bashkëpunimi dypalësh në fushat kinematografike e televizive, artistike, të akrobacisë dhe të guzhinave. Shkëmbimet kulturore të organizuara në të kaluarën më të shumtën nga palët qeverritare po kthehen në aktivitete të ndërgjegjeshme të institucioneve tregtare dhe të organizatave popullore.

Pjesa që po dëgjoni është marrë nga shfaqja me daulle e trupës Changgeuk të Koresë së Jugut. Regjisori i kësaj trupe z. Kim Jong Hee tha se ata kishin filluar bashkëpunimin me Kinën dhe Japoninë qysh para më se 10 vjetëve.

" Shkëmbimet kulturore midis të tre vendeve tona kanë filluar qysh më parë se 10 vjetë. Unë kam marrë pjesë në shumë shfaqje. Unë personalisht përgjigjem për shfaqjet e dramave dhe artistike. Unë dua që në të ardhmen të zhvillojmë më shumë shkëmbime me Kinën dhe Japoninë dhe të organizojmë së bashku shfaqje të dramave dhe shfaqje artistike me këngë e valle.

Për arsye të trashëgimisë kulturore historike të vendeve fqinje, kulturat e tre vendeve të Kinës, Japonisë dhe Koresë së Jugut kanë lidhje të ngushta dhe kanë gjuhë të përbashkët. Gjatë 20 vjetëve të fundit këto shkëmbime janë bërë më të shumëllojshme, përveç shfaqjeve të trupave të këngëve dhe valleve, shkëmbimet janë zgjeruar edhe në fushat kinematografike dhe televizive.

Në vitet 80-të të shekullit të kaluar, filmi televiziv me shumë seri i importuar nga Japonia " Ngrirja e gjakut" pati një jehonë të madhe në Kinë duke ndryshuar konceptin e një brezi teleshikuesish kinezë për filmat televizive japoneze. Kurse vitet e fundit, një numër i madh filmash televizivë jugkoreane janë transmetuar në ekranet e Kinës. Filmi televiziv me shumë seri Dae Jang Geum ( Jeëel in the Palace) pati rekordin e përqindjes së ndjekjes nga teleshikuesit.

Filmat televizive të xhiruar së bashku nga Kina dhe Koreja e Jugut dhe nga Kina dhe Japonia si " Pekini, dashuria ime" , " Shangai i natës" etj jo vetëm janë transmetuar në televizionin qendror të Kinës dhe janë shfaqur në kinema të krahinave të ndryshme të Kinës, por kanë hyrë edhe në tregun e Koresë së Jugut dhe të Japonisë.

Regjisori i grupit të mediave Wenguang të Shangait z. Teng Junjie tha se duke ndërmarrë inisiativa për bashkëpunim, do të gjejë më shumë raste dhe do të nxitet zhvillimi i përbashkët. .

" Japonia dhe Koreja e Jugut duke folur për bashkëpunimin midis nesh, në fillim ishte blerja nga Kina e filmave seriale televizive. Për arsye se tregu po zgjerohet gjithnjë e më shumë, ata kërkuan të xhirojmë së bashku filma televizivë, si me tema të kohës së lashtë, ashtu edhe ato me tema bashkëkohore. Prandaj, sipas mendimit tim, gjatë shkëmbimeve kulturore, kush merr inisiativën, ai do të fitojë më shumë".

Regjisori Teng Junjie ka kryesuar shumë herë trupa për shfaqje në Japoni dhe në Korenë e Jugut. Ai i tha korrespondentit se për arsyen e burimeve kulturore, kultura dhe arti tradicional kinez është i mirëpritur shumë në Japoni dhe në Korenë e Jugut. ( Zhai)