Në gusht të këtij viti, këngëtarja tajvaneze A Mei publikoi albumin e parë "Star" që u krijua pas regjistrimit të saj në kompaninë e disqeve EMI.

Po dëgjoni këngën elektronike klasike "Sekreti i Viktorias". Me zë tërheqës, A Mei paraqet sekretin në zemrat e femrave.

Në këtë këngë thuhet "A është pëllëmba e tij pak e palatuar? Plaga në gushë ngjan si një pikëpyetje. Çfarë ndodh kur përqafohemi? Dua të dëgjoj rrahjet e zemrës së tij. Ku janë sekreti i Viktorias dhe ngushtësia e dëshiruar?"

Kur ishte e vogël, A Mei pëlqente yjet. Ajo shpesh herë mendonte se yjet kanë fuqi magjike, kështu që ka gdhendur një yll në këmbën e djathtë. Pastaj kur ishte e dëshpëruar, ajo e shikonte këtë yll dhe ndiente kënaqësi. Kështu që ky album quhet "Star".

Kënga që po ndiqni titullohet "Nëse edhe ti ke dëgjuar" dhe është prodhuar nga talenti muzikor Jay Chou. Kjo këngë përshkruan dëshpërimin pas ndarjes së të dashurve. Në këtë këngë thuhet "Ka shumë tema bisedimesh lidhur me mua që nuk i kam dëgjuar. Dëshiroj të ruaj heshtjen dhe të mos sqaroj asnjë gjë. Nëse edhe ti ke dëgjuar, mua më ke kujtuar? Kam shumë fjalë të të them."

Sivjet, A Mei ka ftuar shumë muzikantë të dalluar në qarqet muzikore në gjuhën kineze të prodhojnë këngë për të, si Jay Chou, Cao Ge, Albert Lin etj. Tani le të shijojmë këngën "Big City". Në këtë këngë thuhet "Kaloj një derë dhe largohem nga një burrë. Pi një cigare për të kujtuar të gjitha ato që kanë ndodhur. Do të pres atë që më kupton. Dashuria ime ende ekziston."

Ndër të gjitha këngët e këtij albumi, A Mei tha se ajo pëlqen më shumë këngën "Dy funde", të cilën e këndon së bashku me këngëtarin tibetian Pu Bajia. Ky i fundit tha se e respekton shumë A Mein, zëri i saj është shumë i veçantë. Kur dëgjon këngët e saj, ai ndien kënaqësi. Tani le ta shijojmë këtë këngë.

Në këtë këngë thuhet "Kam dëgjuar zërin e largët, që transferohet në erën e natës. Nuk jemi takuar, por jemi të dashuruar. Kur mbyll sytë e mi, ti je afër meje."

Po dëgjoni tani këngën lirike "Ti më do". Meloditë e pianos dhe të veglave muzikore me harqe kanë krijuar një mjedis dëshpërimi. Në këtë këngë thuhet "Sqaroj me 10 mijë përgjigje largësinë midis nesh, por më në fund zbulova që jam i gabuar. Besoj se ti më do." (U Sen)