dëgjoni

Kina është vendi më i madh bujqësor në botë. Provinca Henan ka afro 100 milionë banorë dhe është provinca më e madhe bujqësore në Kinë. Fshatarët e provincës Henan kanë ndjenja të thella për tokën.

Megjithëse është koha e lirë e prodhimit bujqësor, 62-vjeçari Zhang Tiangui nuk pushon, ai përsëri shkon shpesh në tokat. Zhang Tiangui është shumë i gëzuar që në këta dy vjetët e fundit, të korrat janë të mira, njëkohësisht qeveria hoqi taksat bujqësore dhe i jep çdo vit subvencion për mbjelljen e kulturave bujqësore.

"Ha ha, familja ime është shumë e lumtur, kemi ushqime dhe para. Kemi mbjellë në tokë grurë, patate të ëmbël, pambuk, susam, misër etj."

Muaji i ardhshëm është koha e korrjes së grurit, Zhang Tiangui fillon të llogarisë kohën e kthimit të vajzës në vendlindje.

"Vajza ime punon në një fabrikë ushqimore në qytetin Guangzhou. Në kohën e ngarkuar të prodhimit bujqësor, ajo heq dorë nga 1800 juanë rrogë mujore dhe kthehet në shtëpi për ndihmë. Pas mbarimit të punës bujqësore, ajo ikën përsëri."

Kjo është një gjendje e zakonshme në Dengzhou. Fshatarët e rinj dhe të shëndoshë punojnë në qytet dhe kthehen në vendlindje për punë bujqësore në kohën e ngarkuar të prodhimit bujqësor. Sipas statistikave, tani më se 50% e fshatarëve të Dengzhout punojnë jashtë vendlindjes, në disa krahina kjo përqindje është madje më e lartë.

Çdo javë Zhang Tiangui shkon një herë në pazar për të shitur drithëra. Pazari ka rëndësi të madhe për fshatarët, sepse ata banojnë të veçuar, në pazar ata mund të bëjnë shumë gjëra.

"Toka na sjell para. Mund të shesim grurin e mbetur, edhe pambuku, susami, speci, soja, misri mund të shiten në treg. Prandaj unë them se toka na sjell para."

40-vjeçari Wang Dezheng e kupton thellë fjalinë "Toka sjell para". Për shkak që shumë fshatarë shkojnë jashtë për punë, janë lënë shumë toka të papunuara. Wang Dezheng vendosi të marrë me qira këto toka, por 6000 juanë qira për një vit u bë vështirësi e pakapërcyeshme për të. Duke kujtuar atë kohë të vështirë, Wang Dezheng derdhi lot.

"Shkova te të afërmit dhe miqtë për të huajtur para. Por ata nuk më besuan, sepse në atë kohë isha shumë i varfër. Hasa shumë vështirësi. Nuk dua ta kujtoj atë kohë."

Më në fund, Wang Dezheng i kapërceu vështirësitë nëpërmjet kredive. Në atë vit, të korrat e grurit të mbjellë nga ai ishin shumë të mira. Në vitin e dytë, ai mbolli susam dhe fitoi të ardhura më të shumta se nga gruri.

"Mbjellja e drithërave me përmasa të mëdha mund të sjellë patjetër para. Me mekanizimin, mbjellja e drithërave është e lehtë dhe kam aftësi të mbjell më shumë drithëra nëse ka tokë. Shes grurë në fabrikën e miellit dhe ushqej derrat me misër. Toka është dhuruesja ime."

(Mbjellja e drithërave, punësimi. Shkuarja në qytet, kthimi në vendlindje. Nga vijnë fondet e teknologjia? Si të kujdesen për të moshuarit dhe fëmijët? Kush merr vendim? Si të administrohet? Për të njohur gjendjen e jetesës së fshatarëve kinezë, ju ftojmë të dëgjoni njoftimet seriale "Fshatarët në Dengzhou".)

Në krahasim me Zhang Tianguin, heqja e taksave bujqësore nuk i ka sjellë Wang Dezhengut përfitime.

"Në fakt ky është një lajm më i keq për mua. Sepse shumë fshatarë më kërkojnë të marrin prapë tokë."

Me heqjen e taksave bujqësore, shumë fshatarë që punojnë në qytet kanë filluar të kthehen në vendlindje. Tokat e marrë me qira të Wang Dezhengut u pakësuan me 1/4. Por me fondet e grumbulluara në disa vitet e kaluara, ai fillon të investojë në ushqimin e derrave dhe në përpunimin e miellit.

"Kam guxim më të madh. Paratë e grumbulluara nga mbjellja e grurit janë investuar në ushqimin e derrave. Tani po bëj përpjekje për të ndërtuar një fermë derrash."

Vitin e kaluar, Wang Dezheng ndërtoi edhe një fabrikë mielli duke zgjidhur problemin e përpunimit të grurit. Biznesi i Wang Dezhengut është zgjeruar pandërprerë, ai thërriti dy djemtë që punojnë në qytet të kthehen në vendlindje për ta ndihmuar. Wang Dezheng shpreson se në të ardhmen ata do të qëndrojnë në fshat për zhvillim.

Për ta njohur në kohë gjendjen e tregut, Wang Dezheng bleu një kompjuter të lidhur me internetin. Megjithëse ai shkruan ngadalë, mendja punon shpejt.

"Në internet mund të njoh menjëherë gjendjen e tregut të derrave e të grurit të ndonjë province."

Në Dengzhou ka shumë fshatarë si Wang Dezheng që pasurohen në vendlindje. Edhe shumë fshatarë që shkojnë jashtë për punë kanë parë rastin e krijimit të biznesit të vet në vendlindje. Para 5 vjetëve, Li Weidong mbi 30-vjeçar përfundoi jetën e punësimit 10-vjeçar në qytet dhe u kthye në vendlindje. Me zotërimin e teknologjisë së përpunimit të ushqimeve dhe me paratë e grumbulluara, ai hapi disa fabrika biskotash.

"Pas daljes jashtë vendlindjes, pashë që zhvillimi i qyteteve është shumë i shpejtë. Isha i mendimit se kam aftësi të grumbulloj para. Tani vëllimi vjetor i prodhimit të fabrikave të mia ka arritur në mbi 10 milionë juanë, kam mbi 40 punonjës, fitimet vjetore kanë arritur në mbi 3 milionë juanë."

Dengzhou është një nga rajonet kryesore të prodhimit të drithërave të provincës Henan dhe të Kinës, ka kushte të mira të përpunimit të ushqimeve dhe burime të pasura të krahëve të punës. Tani përpunimi i ushqimeve është bërë një nga 6 sektorët shtyllë vendore.

Përgjegjësi i qeverisë vendore të Dengzhout Liu Chaorui tha se qeveria inkurajon fshatarët që punojnë në qytet të kthehen në vendlindje për punë duke marrë prapë teknologjinë dhe përvojën e administrimit për të nxitur zhvillimin e ekonomisë së vendlindjes.

"Afro 400 mijë fshatarë të Dengzhout punojnë jashtë vendlindjes. Disa prej tyre janë bërë administrues. Nëse ata kthehen në vendlindje për biznes, ne do t'u japim politika të favorshme dhe përkrahje financiare."

Megjithëse Li Weidong ka krijuar biznesin e vet në vendlindje, ai bleu banesë dhe veturë në qytet. Ai ka planin e vet.

"Jetesa dhe mjekimi në qytet janë më të volitshëm. Pas kthimit në shtëpi, anëtarët e familjes mund të bëjnë shëtitje në park dhe të bëjnë ushtrime fizike. Unë dhe miqtë mund të hamë darkë dhe të këndojmë në sallë këndimi. Jeta është shumë e bukur."

Tani Li Weidong punon në fshat dhe jeton në qytet.

Ju flet Radio e Jashtme e Kinës. Të dashur dëgjues, tregimet e sotme mbaruan. Nesër do t'ju flasim për problemin e parave që lidhet drejtpërdrejt me jetesën dhe prodhimin e fshatarëve të Dengzhout. (Fani)