dëgjoni

Kina prodhon tani më se 300 filma në vit. Përveç filmave të sipërpërmendur të prodhuar me fondet e qeverisë, ka edhe filma të prodhuar me fondet private dhe fonde të huaja. Drejtori i përgjithshëm për përhapjen e kinematografisë kineze në botë, z. Yang Puting, tha ..3.. "Kinema të reja po shtohen dita-ditës, filmat e prodhuar dhe të shfaqur në mënyrë digjitale janë bërë forcë e re nxitëse e zhvillimit të kinematografisë kineze.

Kjo ka luajtur një rol shumë të rëndësishëm në hapjen e tregut të kinematografisë në fshat. Nismat e prodhimit shoqëror të filmave po shtohen gjithnjë e më shumë. Nisma private vendase dhe ajo e huaj, së bashku me fondet qeveritare, kanë bërë që prodhimi i filmave të realizohet me shumëllojshmëri investimesh dhe është bërë strukturë e re ekonomike për prodhimin e filmave në Kinë. Shteti ynë i ka kushtuar një rëndësi të madhe edhe ndërtimit të bazave të kinematografisë, duke investuar fonde të mëdha për ndërtimin e bazave kinematografike, për blerjen e pajisjeve të reja dhe për importimin e teknologjive të reja."

Qysh nga fillimi i këtij shekulli, Kina filloi zbatimin e reformës së sistemit kinematografik, duke zbatuar qarkullimin e filmave me anën e kinemave të niveleve të ndryshme, gjë që ka nxitur prodhimin e filmave tregtarë. Një numër regjisorësh me potencial dolën gjatë konkurrimit për shitjen e biletave të filmave, si regjisorët Zhang Yimou, Feng Xiaogang etj., të cilët kanë prodhuar njëri pas tjetrit filma të suksesshëm si brenda, ashtu edhe jashtë vendit. Filmat e drejtuar vitet e fundit nga regjisori Zhang Yimou, si "Heronjtë", "Shtëpia e kamave fluturuese", " Mallkimi i luleve të arta" etj. kanë hapur tregun botëror dhe kanë fituar nder për filmat kinezë. Kurse regjisori Feng Xiaogang, që është i njohur me filmat e xhiruar për Vitin e Ri, d.m.th filmat që shfaqen me rastin e Festës së Pranverës, festës më të rëndësishme tradicionale të Kinës, ka arritur suksese të mëdha në prodhimin e filmave tregtarë kinezë. Filmat e drejtuar prej tij, si "Pala A dhe Pala B", "Funerali i njeriut të madh", "Një botë pa hajdutë", "Banketi" etj., në saje të përshtatjes me interesimin e shikuesve kinezë, kanë nxjerrë shumë fitime tregtare për investuesit kinezë dhe të huaj të këtyre filmave.

Personalitetet e qarqeve kinematografike të Kinës janë të mendimit se për zhvillimin e vazhdueshëm të kinematografisë kineze duhet të përgatiten sa më shumë talente. Tani një numër regjisorësh të rinj kanë filluar të shfaqin talentin e tyre, si regjisori i ri Ning Hao, i cili u bë menjëherë i njohur me drejtimin e filmit humoristik "Guri i tërbuar" . Ky film, me një investim shumë të vogël, ka fituar të ardhura të shumta nga shitja e biletave në kinematë e vendit, gjë që ka tërhequr vëmendjen e investuesve për regjisorët e rinj. Ky film është mirëpritur jo vetëm nga shikuesit kinezë, por është kuptuar mirë edhe nga shikuesit e huaj.

Analisti amerikan me përvojë, z, Willmar Anderson, tha :  "Unë i kam ndjekur me kënaqësi filmat e drejtuar nga regjisori Ning Hao. Atë e njoha para disa vjetësh, është një gjë interesante që ai mund të xhirojë vepra me një stil krejt ndryshe nga filmat e kaluara kinezë. Unë u mahnita nga kjo. Filmi është prodhuar më cilësi të lartë, ka një bazë shumë të mirë nga ana e skenarit dhe një strukturë të mirë rrëfimtare. Pra, të gjithë faktorët janë shumë të rëndësishëm."

Tregu i kinematografisë kineze po zhvillohet në drejtimin e shumëllojshmërisë. Por krahas sukseseve të arritura, përpara këtij tregu ndodhen edhe probleme të reja, si p. sh., një numër i vogël regjisorësh të njohur mund të gjejnë investime të mëdha, kurse shumë regjisorë të rinj kanë që janë në rritje kanë vështirësi të gjejnë investimet dhe nuk do të kenë mundësi të tregojnë talentin e tyre. Drejtori i përgjithshëm i përhapjes së kinematografisë kineze jashtë vendit, z. Yang Puting, tha :"Mund të themi se kinematografia kineze është plot me vitalitet dhe ndodhet në një periudhë shumë të mirë zhvillimi. Krahas sukseseve të arritura, ne vëmë re se kemi akoma dallime të mëdha me vendet e zhvilluara, prandaj ne duhet të gjejmë dhe të zgjerojmë tregun brenda e jashtë vendit ".

Për të përkrahur rritjen e regjisorëve të rinj, grupi i kinematografisë kineze ka shpallur një program që quhet "Plani i grupit kinematografik kinez për përkrahjen e regjisorëve të rinj", ku janë përfshirë 15 regjisorë të rinj. Grupi i kinematografisë kineze ka bërë përgatitje të mjaftueshme nga ana e skenarëve, fondeve dhe e qarkullimit të filmave, në mënyrë që këta regjisorë të rinj të kenë mundësi të drejtojnë filma të rinj. Personalitetet përkatëse janë të bindur se këta regjisorë të rinj do të nxisin më tej zhvillimin e kinematografisë kineze. ( Zhai) ( Artan)