dëgjoni

Krahas zhvillimit me shpejtësi të ekonomisë kineze, edhe kinematografia kineze ka hyrë në fazën e zhvillimit të shpejtë. Në nënrubrikën e sotme "Kultura në fokus" do t'ju njohim me zhvillimet e fundit të kinematografisë kineze.

Pjesa që po dëgjoni është incizuar nga filmi i ri i realizuar nga kineastët kinezë, "Linja Qinhai-Tibet", ku me ndërtimin e hekurudhës Qinhai-Tibet si sfond, përshkruhet një tregim mbi ndërtimin e kësaj hekurudhe në rrafshnaltën 4000 metra mbi nivelin e detit nga ndërtuesit e hekurudhave të tre brezave qysh nga vitet '50 të shekullit të kaluar, të cilët kapërcyen tre vështirësi të mëdha në shkallë botërore: mungesën e oksigjenit në ftohtësinë e madhe, dheun e ngrirë dhe dobësinë ekologjike.

Filmi vuri edhe një herë përkrah kërkimet e vështira dhe këmbëngulëse dhe sakrificat e mëdha të ndërtuesve të 3 brezave për realizimin e ëndrrës së vënies në shfrytëzim të linjës hekurudhore Qinhai-Tibet. Të gjitha pamjet e filmit janë xhiruar në realitet, përveç panoramës së bukur madhështore të rrafshnaltës me dëborë, prodhuesit, duke përdorur një sasi të madhe teknikash speciale, vunë në ekran edhe pamje të fatkeqësive gjeologjike, si të rrëshqitjeve të maleve, të tërmetit etj., duke e kthyer këtë film në një film poetik madhështor.

Kineastët kinezë prodhojnë çdo vit një numër filmash me tema të rëndësishme, që pasqyrojnë ngjarje të rëndësishme historike ose heronj të mëdhenj, si filmat "Linja Qinhai-Tibet" dhe "Zhang Side" etj., që janë xhiruar me fondet e qeverisë kineze dhe që pasqyrojnë nga këndvështrime të ndryshme shpirtin e kombit kinez. Vitet e fundit, këta filma u kanë kushtuar një rëndësi gjithnjë e më të madhe paraqitjes artistike për të tërhequr sa më shumë shikues në kinema.

Filmi "Linja Qinhai-Tibet" është pikërisht një film shumë prekës. Regjisori i këtij filmi Fen Xiaoning tha :  "Nga të gjithë spektatorët që e kanë parë deri tani këtë film, asnjë nuk ka mbetur pa u prekur dhe u përlotur. Nga kjo pikëpamje, unë e arrita objektivin tim themelor që filmi të jetë i bukur. Në këtë film nuk kishte ato gjëra monotone që gjen zakonisht në filmat me tema të mëdha, tregimet janë shkrirë në fatet e njerëzve. Ai, si një poemë historike, përshkuan fatet e njerëzve të disa brezave, kjo është një pikë tërheqëse e këtij filmi."

Kina prodhon tani më se 300 filma në vit. Përveç filmave të sipërpërmendur të prodhuar me fondet e qeverisë, ka edhe filma të prodhuar me fondet private dhe fonde të huaja. Drejtori i përgjithshëm për përhapjen e kinematografisë kineze në botë, z. Yang Puting, tha  "Kinema të reja po shtohen dita-ditës, filmat e prodhuar dhe të shfaqur në mënyrë digjitale janë bërë forcë e re nxitëse e zhvillimit të kinematografisë kineze. Kjo ka luajtur një rol shumë të rëndësishëm në hapjen e tregut të kinematografisë në fshat. Nismat e prodhimit shoqëror të filmave po shtohen gjithnjë e më shumë. Nisma private vendase dhe ajo e huaj, së bashku me fondet qeveritare, kanë bërë që prodhimi i filmave të realizohet me shumëllojshmëri investimesh dhe është bërë strukturë e re ekonomike për prodhimin e filmave në Kinë. Shteti ynë i ka kushtuar një rëndësi të madhe edhe ndërtimit të bazave të kinematografisë, duke investuar fonde të mëdha për ndërtimin e bazave kinematografike, për blerjen e pajisjeve të reja dhe për importimin e teknologjive të reja." ( Zhahi) ( Artian)