Lufta e Parë Botërore, që zgjati 4 vjet, prishi jetën e qetë të Evropës. Në luftë, u vranë mijëra njerëz dhe u shkatërruan qytete të panumërta. Pas luftës, i tëri kontinenti evropian ndodhej në një gjendje ringjalljeje. Edhe ndaj lojërave olimpike ndikimi i luftës ishte i stërmadh. Për shkak të zgjatjes së luftës, selia e komitetit olimpik ndërkombëtar ishte lëvizur nga Parisi në Lazanë, edhe Lojërat Olimpike të Berlinit ishin anuluar. Në këtë gjendje, shumë njerëz dyshuan për vazhdimësinë e lojërave olimpike. Por Antverpi i Belgjikës, i cili sapo kishte kaluar luftën, dha një përgjigje pozitive me veprimet e tij.

Në vitin 1918, kur Komiteti Olimpik Ndërkombëtar shpalli organizimin e Lojërave të 7-ta Olimpike, 3 qytete kishin paraqitur lutje për organizimin e tyre. Më në fund, komiteti olimpik vendosi që qyteti belgjian i diamantit, Antverpi, ta organizonte këtë edicion. Gjatë Luftës së Parë Botërore, pushtimi i ushtrisë gjermane i kishte sjellë këtij qyteti dëme të mëdha, si rrënimin e shumë shtëpive, fabrikave etj, të cilat shkaktuan përqindje të lartë të papunësisë. Në këtë gjendje, organizimi i lojërave olimpike ishte shumë i vështirë. Komiteti Olimpik Ndërkombëtar nuk kishte shpresë të madhe për këtë edicion. Megjithatë, qeveria dhe populli i Antverpit bënë përpjekjet më të mëdha dhe ndërtuan në gërmadhën e luftës një stadium sportiv që mund të zinte 30 mijë spektatorë. Në të njëjtën kohë, ishin ndërtuar instalime dhe fusha të tjera të nevojshme. Mund të thuhet që kjo ishte një mrekulli në historinë e organizimit të lojërave olimpike.

Për shkak se nuk ishin shëruar plagët e sjella nga Lufta e Parë Botërore, Komiteti Olimpik i Antverpit nuk ftoi Gjermaninë dhe vende të tjera të Fuqive të Boshtit. Prandaj, ky edicion i lojërave olimpike nuk ishte i plotë. Por në fakt, në këtë edicion morën pjesë mbi 2500 sportistë të 29 vendeve. Këto shifra ishin më të mëdha se ato të edicioneve të mëparshme. Përveç kësaj, në këtë edicion ishin shtuar disiplinat e sportive, duke përfshirë edhe mundjen e lirë, boksin, polon, futbollin amerikan, peshëngritjen etj. Është shumë interesante që në këtë edicion të lojërave olimpike, u shfaqën edhe patinazhi artistik e hokeji në akull.

Për shkak të gjendjes së veçantë ekonomike shumë të vështirë, fondet e dhëna nga qeveria e Belgjikës për lojërat olimpike ishin shumë të pakta, vetëm 150 mijë franga belge, shifër shumë më e ulët se buxheti i paraqitur më parë, 3 milionë e 700 mijë franga belge. Përballë kësaj gjendjeje kaq të vështirë, shumë vende pjesëmarrëse dhanë ndihmë ekonomike. SHBA-ja ofroi një kontingjent mallrash ushtarake për të ndihmuar organizimin. Holanda dërgoi një anijë gjigante në port si vend banimi për sportistët gjatë periudhës së lojërave olimpike.

Duke marrë parasysh vështirësitë ekonomike të vendit organizator, shumë sportistë pjesëmarrës morën ushqime me vete. Madje disa sportistë anglezë morën orkestrat e tyre për të festuar rihapjen e Lojërave të 7-ta Olimpike pas luftës. (Shy Guan)