Në programin e sotëm do të vazhdoj t'ju paraqit një grup këngësh popullore të kombësisë mongole të kënduara nga këngëtarja mongole Wurenna, kushtuar 60 vjetorit të krijimit të Rajonit Autonom të Mongolisë së Brendshme të Kinës. Së pari ju ftoj të ndiqni këngën "Bayanhangai".

Kjo këngë popullore tradicionale me melodi melankolike përshkruan hidhërimin e mongolëve kur kanë humbur mikun e tyre të ngushtë, kalin. Në këngë thuhet: "Në shpatin verior të malit Bayanhangai ka lindur ky kalë. Dua të luftoj i hipur në këtë kalë. Kudo në mal mund të shihet hija e tij. Kush ma ka vjedhur kalin tim ?"

Të dashur dëgjues, në programin e kaluar ju tregova se këngëtarja e kombësisë mongole Wurenna ka mësuar që në vogli qindra këngë popullore mongole nga prindërit. Më vonë, ajo shkoi në qytetin e madh të Kinës lindore Shangai për të mësuar veglën muzikore yangqin, e pastaj ajo u njoh me burrin e saj, një muzikant gjerman. Ata krijuan një orkestër për të dhënë shfaqje në vende të ndryshme të botës, zëri kumbues e interpretimi i Wurennas, duke kaluar pengesat e gjuhës dhe kulturës, i bën dëgjuesit të imagjinojnë dhe të mos e harrojnë kurrë stepën e madhe dhe jetën e mongolëve.

Kënga që ndoqët titullohet "Në kodrën Chabaga". Kjo është një këngë popullore e lashtë mongole. Sipas gojëdhënës, në një takim, një princ i ri e dashuroi princeshën e një vendi tjetër. Kjo vajzë pa marrë parasysh kundërshtimin e të atit, shkoi fshehurazi së bashku me të dashrurin. Por pas pak kohësh, vajzën e kapën shërbëtorët e të atit. Gjatë rrugës së hidhur të kthimit, princi e shoqëroi vajzën deri në kodrën Chabaga. Princi këndoi i vetmuar: "Jashtë kodrës Chabaga, ishim shumë të gëzuar së bashku. Oh, Sarlai im, ti je më e pastër se burimi i maleve, më elegante se shelgu, më e tejdukshme se ujë i shenjtë dhe më e këndshme se fidani."

Krahas rrënjëzimit në muzikën tradicionale të vendlindjes, Wurenna e zhvillon pandërprerë muzikën e saj në drejtim të ri, në mënyrë që ajo të ketë karakter të theksuar ndërkombëtar. Në verë të vitit 2003, Wurenna u nderua me titullin "Artistja më e mirë ndërkombëtare", shumë muzikantë evropianë e konsiderojnë atë përfaqësuese të qarqeve botërore. Ajo është e aftë që duke kombinuar instrumentet muzikore me mënyrën e këndimit tradicional mongol, me instrumentin zheng të Bavarisë, shengun e Kinës dhe me violonçelin e perëndimit të krijojë melodi të reja mongole.

Në fund të programit të sotëm, le të shijojmë së bashku këngën "Të 4 stinët", kënduar nga Wurenna. Kjo këngë popullore tradicionale, nëpërmjet përshkrimit të 4 stinëve, shpreh ndjenjat e mongolëve për natyrën dhe urimet e tyre për të afërmit. Në këngë thuhet: "Ka ardhur pranvera, fryn ende erë e ftohtë. Uroj vëllezërit e mi të dashur që ndodhen në vend të largët, shëndet e gëzim të përjetshëm."

Të dashur dëgjues, ndoqët një grup këngësh popullore të kombësisë mongole, të kënduara nga këngëtarja mongole Wurenna. Mirudëgjofshim të shtunën tjetër. Në mikrofon për ju, Pina.