Në vitin 2006, një vajzë e quajtur "Princesha Chang E" publikoi fotografitë e saj në internet, pastaj shprehu mendimet e veta mbi disa tema bisedash dhe u bë fokusi i internetit. Kjo vajzë është jo vetëm e pashme, por edhe këndon mirë. Ajo ka kënduar disa këngë moderne të Faye Uangut dhe të Stefëni Sunit, si "Rrotulla prej druri", "Takohemi" etj. Emri i kësaj vajze është Sun Yijing. Tani ajo është regjistruar nga kompania e disqeve "Flauti magjik" dhe nxori albumin e parë në janar të këtij viti me titull "Chang E".

Po dëgjoni tani këngën "Chang E" të kënduar nga Sun Yijing. Hyrja e stilit flamengo i çon adhuruesit te bota muzikore e gëzuar. Melodia e refrenit të kësaj kënge është e thjeshtë dhe prek zemrat e adhuruesve. Teksti i kësaj kënge është i mbushur me ndjenja klasike dhe paraqet vetminë e njerëzve nëpërmjet përshkrimit të hënës. Në këtë këngë thuhet "Banoj vetëm në pallatin Guang Han dhe vallëzoj vetëm. Kush më kupton?"

Sun Yijing ka pamje të bukur, familje të pasur dhe arsim të mirë. Shumë njerëz e kanë zili edhe për zërin e saj. Ajo mund të këndojë lehtësisht këngët e shpejta dhe të ngadalta. Le të admirojmë këngën "Nëse mund të luaj kung fu".

Në këtë këngë thuhet "Shpesh herë imagjinoj që kam hyrë në malet dhe kam marrë një libër të kung fu-së, pastaj do të mësoj për disa vjet. Nëse mund të luaj kung fu, do të ndihmoj të dobit."

Këngëtari i pashëm Jiang Liçi nxori albumin e dytë në tetor të vitit 2006 me titull "Kush nuk nxjerr lot?" Ky album ka kryesisht këngë lirike dhe ka ndërthurur stilet xhaz, pop rok dhe të vallëzimit etj. Kënga që i la dhënë titullin albumit paraqet historinë e një të riu që ka humbur dashurinë.

Një këngë tjetër e Jiang Liçit është "Lulet Zhi Zi". Le ta dëgjojmë këtë këngë.

Në këtë këngë thuhet "Në lulet Zhi Zi ka ëndrra të bardha. Në këto ëndrra ka njerëz që këndojnë. Këto lule kanë aromë të këndshme."

Ia vlen të përmendet që në këtë album ka një këngë të publikuar në albumin e parë "Të dua jo për shkak të bukurisë tënde".