Sipas njoftimit të Televizionit Qendror të Kinës, kohët e fundit, Shoqëria e përgjithshme televizive ndërkombëtare e varur nga Televizioni Qendror i Kinës nënshkroi zyrtarisht me kanalin shtetëror gjeografik të SHBA kontratën për dërgimin e serialit dokumentar "Pallati Perandorak i Dimrit" në tregun ndërkombëtar.

Seriali dokumentar "Pallati Perandorak i Dimrit " që i filloi përgatitjet për xhirim qysh në fillim të vitit 2003, është një vepër madhështore e Televizionit Qendror të Kinës kushtuar 80- vjetorit të krijimit të Muzeut të Pallatit të Dimrit. Viti 2005 është 80 vjetori i krijimit të Muzeut të Pallatit të Dimrit dhe ky film dokumentar televiziv me l00 seri i xhiruar bashkarisht nga Muzeu i Pallatit Dimror dhe Televizioni Qendror i Kinës, pasqyron në mënyrë të gjithanshme arkitekturën e ndërtesave, sendet arkeologjike dhe historinë e Pallatit Perandorak të Dimrit. Ky film dokumentar televiziv duke u nisur nga kënvështrimi shkencor, duke e shkrirë vërtetësinë historike në shpjegimet objektive dhe në vlerësimet shkencore do t'u japë teleshikuesve, në mënyrë artistike, pamjet madhështore të këtij pallati perandorak. Siç mësohet, në dhjetë vjetët e ardhshëm, në Pallatin Perandorak të Dimrit nuk do të organizohen xhirime të filmave të tjerë me të njejtën temë.

Pjesët e zgjedhura nga ky film dokumentar televiziv ndahen në l2 seri që zgjatin 50 minuta, të cilët dhe do të transmetohen, gjatë vitit 2005, në orët e arta të kanalit të parë të Televizionit Qendror të Kinës. Pjesët e tjera do të shiten në tregun ndërkombëtar pas redaktimeve dhe përpunimit të mëtejshëm në bazë të kërkesave të tregut ndërkombëtar. Filmi dokumentar televiziv "Pallati Perandorak i Dimrit " i përbledhur në dy seri me gjatësi prej 60 minutash për së cilën seri, me pjesëmarrjen e punonjësve të kanalit shtetëror gjeografik të SHBA-së, janë me më shumë karakter legjendar dhe dëfrues.

Zv-drejtori i përgjithshëm i sektorit të biznesit në Kinë i kanalit shtetëror gjeografik të SHBA-së, Ve Jingyi shprehu bindjen e tij se ky film dokumentar televiziv do të shitet mirë në tregun ndërkombëtar.

Gjatë xhirimit të këtij filmi, të dyja palët, e Muzeut të Pallatit të Dimrit dhe e Televizionit Qendror të Kinës, që bashkëpunuan për herë të parë, i kanë kushtuar një rëndësi të madhe xhirimit të këtij dokumentari. Gjatë xhirimit të këtij filmi janë mbledhur një numër specialistësh me autoritet në njohurinë e Pallatit Perandorak të Dimrit dhe regjisorë, operatorë, prodhues, kompozitorë si dhe teknikë dixhitalë me përvojë krijuese në fushën e filmave dokumentarë në xhirim, redaktim dhe në muzikim filmash.

Në këtë film dokumentar me shumë seri janë pasqyruar edhe shumë kuriozitete perandorake, fatet e personave përkatëse, ngjarje historike dhe jetë perandorake.

Siç mësohet, gjatë transmetimit në kanalin shtetëror gjeografik të SHBA-së në fund të këtij viti ose në fillim të vitit të ardhshëm, filmi dokumentar televiziv i përmbledhur në dy seri do të shitet edhe në tregun botëror. (zhai)