dëgjoni

Kryetari i Shoqatës së Miqësisë me Botën e Jashtme të Popullit Kinez dhe i Shoqatës së Bashkimit Evropian të Kinës Chen Haosu u ftua të bëhet drejtor nderi i Institutit të Gjuhëve dhe të Kulturës Evropiane. Ai shkroi posaçërisht dy fjali për të uruar krijimin e institutit: Gjuha është ura e njerëzimit, kultura është mbështetësja e botës së re. Në ceremoninë e krijimit, Chen Haosu mbajti një fjalim të zjarrtë:

"Jam shumë i gëzuar që marr pjesë në ceremoninë e krijimit të Institutit të Gjuhëve dhe të Kulturës Evropiane të Universitetit të Gjuhëve të Huaja të Pekinit. Jam marrë me shkëmbimet kulturore e popullore midis Kinës e Evropës për shumë vjet dhe e kuptoj thellë rëndësinë e zhvillimit të bashkëpunimit miqësor kino-evropian. Jam i mendimit se në të ardhmen bashkëpunimi kino-evropian do të bëhet pjesë e rëndësishme përbërëse e shkëmbimeve dhe e bashkëpunimit botëror."

Në fjalimin e mbajtur në ceremoninë e krijimit, rektori i Universitetit të Gjuhëve të Huaja të Pekinit Hao Pin i hodhi një sy së pari historisë së mësimdhënies dhe të studimit të gjuhëve evropiane në universitet. Ai vuri në dukje se krijimi i Institutit të Gjuhëve të Kulturës Evropiane është për përputhjen më të mirë me kërkesat e zhvillimit të situatës brenda e jashtë vendit:

"Së pari, Kina po ndërton aktivisht shoqërinë harmonike e komode socialiste dhe duhet të mësojë nga të gjitha rezultatet e shkëlqyera të qytetërimeve njerëzore; së dyti, forcimi i studimeve për Bashkimin Evropian dhe zhvillimi i marrëdhënieve miqësore kino-evropiane janë detyrat e rëndësishme të vendit; së treti, shkëmbimet kulturore janë bërë përmbajtja e rëndësishme e veprimtarisë diplomatike."

Sekretarja e parë e ambasadës së Shqipërisë në Kinë Margarita Nathanaili shprehu urime për krijimin e Insitutit të Gjuhëve dhe të Kulturës Evropiane të Universitetit të Gjuhëve të Huaja të Pekinit dhe shpresoi se instituti do të nxitë miqësinë e shkëmbimet midis Kinës e Evropës.

Mësimdhënia dhe studimi i gjuhëve evropiane në Universitetin e Gjuhëve të Huaja të Pekinit filluan në vitet '50 të shekullit të kaluar. Në vitin 1954, u krijuan së pari dy specialitete i gjuhës polake dhe i gjuhës çeke. Gjatë mbi gjysmë shekulli, fakulteti i gjuhëve evropiane i universitetit ka përgatitur shumë talente të gjuhëve evropiane, specialistë dhe studiues. Këto talente punojnë kryesisht në fushën diplomatike, ushtarake, ekonomiko-tregtare, kulturore, arsimore, të medias etj. duke luajtur rol të rëndësishëm për shkëmbimet me jashtë të Kinës.

Instituti i Gjuhëve dhe i Kulturës Evropiane i Universitetit të Gjuhëve të Huaja të Pekinit përfshin 15 gjuhë evropiane si gjuhën shqipe, gjuhën greke, gjuhën finlandeze etj. dhe është institucioni i mësimdhënies dhe i studimeve me gjuhët më të shumta evropiane në Kinë. (Fani)