dëgjoni

Pas Lojërave të 5-ta Olimpike të Stokholmit të vitit 1912, u dukën qartë ndikimi dhe fuqia e tyre tërheqëse. Prandaj, 6 qytete iu lutën për organizimin e Lojërave të 6-ta Olimpike në vitin 1916. Çdo gjë po ecte mirë. Kubertani dhe kolegët e tij ishin optimistë për perspektivën e lojërave olimpike. Por, një luftë e paparë shkatërruese theu ëndrrat e të gjithëve.

Lojërat e 6-ta Olimpike ishin planifikuar të organizoheshin në vitin 1916 dhe 6 qytetet që kishin paraqitur lutje kishin interes të madh për to. Në mbledhjen e 15-të plenare të Komitetit Olimpik Ndërkombëtar në vitin 1912, Berlini i Gjermanisë u caktua si qyteti i organizimit të Lojërave të 6-ta Olimpike. Kur lajmi mbërriti në Berlin, qarqet e ndryshme u gëzuan shumë. Qyteti Berlin filloi të përgatitej për këtë edicion të lojërave olimpike. Ata ndërtuan fusha sportive, hartuan disa plane të ndeshjeve, zgjodhën sportistë të shkëlqyeshëm për stërvitje të posaçme etj. Të gjitha këto u përputhën plotësisht me dëshirën origjinale të Kubertanit dhe ai shpresonte që, nëpërmjet organizimit të lojërave olimpike me frymën e paqes, gjermanët do të hiqnin dorë nga plani i luftës militariste.

Por, Kubertani e kishte mbivlerësuar rolin e lojërave olimpike moderne për nxitjen e paqes. Në qershor të vitit 1914, shpërtheu çështja e atentatit në Sarajevë. Kështu ,Gjermania dhe Austro-Hungaria provokuan Luftën e Parë Botërore. Shpërthimi dhe përhapja e shpejtë e kësaj lufte shkatërruan plotësisht vullnetin e bukur të Kubertanit. Më vonë, ai dhe kolegët e tij u detyruan të merrnin vendimin që të anulohej organizimi i Lojërave të 6-ta Olimpike në Berlin. Sipas traditës kulturore të Greqisë së Lashtë, Lojërat të 6-ta Olimpike u konsideruan si të zhvilluara, megjithëse nuk u zhvilluan faktikisht. Prandaj, në historinë e lojërave moderne olimpike, ato prapë u quajttën Lojërat e 6-ta Olimpike, edhe pse nuk u organizuan. Meriton vëmendje fakti se në Greqinë e Lashtë, lufta midis qytet-shteteve të Greqisë u ndërpre për arsye të organizimit të lojërave olimpike, gjë që u quajt "Armëpushimi i Shenjtë". Por tani, organizimi i një edicioni lojërash olimpike u anulua për shkak të luftës botërore. Kjo nuk mund të mos quhej një goditje e rëndë për lojërat olimpike moderne që ende ndodheshin në periudhën fillestare.

Lufta e Parë Botërore, që zgjati 4 vjetë, solli plagë, gjak dhe lot. Por dëshira e njerëzve për synimin e paqes u bë më e fortë. Pas përfundimit të Luftës së Parë Botërore, lojërat olimpike nuk e humbën vitalitetin e tyre për shkak të ndërprerjes. Përkundërazi, pas luftës lojërat olimpike u ringjallën. Me përpjekjet e Kubertanit dhe të të tjerëve, zhvillimi i lojërave olimpike hyri shumë shpejt në një periudhë të re. (Shy Guan)