dëgjoni

Nga 13 deri më 16 shtator u zhvillua në pallatin sportiv të Universitetit të Shkencës dhe të Inxhinierisë të Pekinit turneu i kroketit për të verbër 2007. Punimet e transformimit të këtij pallati përfunduan në gusht të këtij viti dhe vitin e ardhshëm këtu do të zhvillohen ndeshjet e volejbollit të Lojërave Olimpike si dhe ndeshjet e kroketit të të verbërve të Lojërave Paralimpike. Për të organizuar si duhet dhe veçanërisht për t'u dhënë shërbime të mira sportistëve e shikuesve me aftësi të kufizuar fizike, pala organizative, Komisioni Organizativ i Lojërave Olimpike 2008 dhe grupi i funksionimit të këtij pallati sportiv kanë menduar shumë.

Në ditën e parë të turneut, kur korrespondenti i radios sonë mbërriti në portën e pallatit sportiv të Universitetit të Shkencës dhe të Inxhinierisë të Pekinit, ai ndjeu menjëherë projektimin e saktë për kalimin pa pengesë. Organizatorët morën parasysh se karrocat e invalidëve ose vegla të tjera ndihmëse të njerëzve me aftësi të kufizuar fizike prodhohen me materiale metalike, të cilat do të prishin procesin e zakonshëm të kontrollit të sigurimit. Kështu organizatorët projektuan në veçanti kanalin pa pengesë dhe dërguan persona të posaçëm për të zbatuar kontrollin e sigurimit me dorë, në vend të aparatit automatik.

Pastaj, kur korrespondenti hyri gradualisht brenda pallatit, zbuloi se shumë shkallë ishin transformuar në pjerrësi dhe në shumë zona kishte shkrime me alfabetin Brej. Menaxheri i grupit të funksionimit të këtij pallati sportiv, z. Wang Changhe tha:

"Në të gjitha zonat ku kalojnë sportistët ka kanale për të verbrit. Krahas kësaj, në zonat kryesore të veprimeve të tyre, ka të shënuara simbole kineze dhe angleze me alfabetin Brej."

Një pjesë e të verbërve mund të shohin pak dritë. Për këta të verbër me shikim të dobët, në çdo kënd dhe kthesë të pallatit ka të ngjitur tabeta të ndritshme, që të paralajmërojnë këta të verbër të kenë kujdes dhe të mos përplasen me muret. Krahas këtyre, gjatë këtij turneu vullnetarëve iu kërkua të mbajnë në kyçin e dorës një shirit të prodhuar me materiale të ndritshme. Menaxheri Wang na tregoi:

"Vullnetarët tonë mbajnë në kyçin e dorë një shirit të tillë që në rrethanat e erësirës, të verbrit me shikim të dobët të gjejnë lehtë vullnetarët dhe të kërkojnë ndihmë nga ata."

Projektimi më i mirë vë gjithmonë në plan të parë ndjenjat e njeriut. Në pallatin sportiv të Universitetit të Shkencës dhe të Inxhinierisë të Pekinit, korrespondenti i radios sonë pa edhe një lloj tualeti pa ndalim gjinie e seksit dhe kjo pasqyron gjithashtu kujdesin e saktë e projektuesit. Tualeti publik pa ndalim gjinie mund të përdoret paralelisht nga meshkujt dhe femrat, por me izolim efikas në shikim. Në fillim, korrespondenti nuk e kuptoi veçantinë e një tualeti të tillë. Pse duhet një tualet i tillë në pallatin sportiv? Menaxheri Wang shpjegoi arsyen:

"Personat me të meta të rënda fizike, si ata me paralizë serioze, p.sh. nuk mund të shkojnë vetë në tualet dhe duan shoqërues, që ndoshta janë femra, ose asanjellas mund të jenë meshkuj, prandaj duhet një tualet i tillë, pa pengesë dhe pa ndalim gjinie."

Për një edicion të mirë të veprimtarisë sportive, përveç instalimeve të duhura, nuk duhet të mungojnë entuziazmi dhe përkrahja e vullnetarëve. Personat me aftësi të kufizuar fizike janë zakonisht me shpirt të fortë, por njëkohësisht me ndjenja delikate. Që t'u shërbejnë këtyre personave, nga vullnetarët kërkohet të tregojnë entuziazëm dhe, njëkohësisht të mos ndërhyjnë tepër në punët e tyre. Sigurisht, kujdesi është i domosdoshëm. Menaxheri Wang na dha një shembull të saktë:

"P.sh. gjatë shërbimit të drejtimit të të verbërve, kur vjen në vendin e uljeljes, nuk mund t'i thuash të verbrit 'Uluni këtu'! sepse të verbrit nuk shikojnë. Në këtë kohë, duhet të rrahësh karrigen dhe t'i thuash 'Kjo është karrigia'! Kështu i verbri di si të veprojë."

Duke folur për përmirësimin e shërbimit, menaxheri Wang tha se më pas grupi i tij do të bëjë një gjykim të gjithanshëm për punët e këtij turneu dhe do të përmirësojë pikat me të meta, që të përmbushen me kërkesat e Lojërave Olimpike dhe të atyre Paralimpike të Pekinit. (Wang Lei)