dëgjoni

Distrikti Shan i provincës që ndodhet në pjesën lindore të Kinës, është një bazë e rëndësishme e prodhimit të pambukut në Kinë. Në fund të vitit të kaluar, këtu u ndërtua centrali i parë me energji biologjike në Kinë. Ky central prodhon energjinë elektrike, duke shfrytëzuar energji të ripërdorura. Ai jo vetëm ka nxitur zhvillimin e ekonomisë vendore, por edhe ka kursyer energjinë dhe ka mbrojtur mjedisin.

Energjia biologjike është energjia e 4-t në botë pas qymyrgurit, naftës dhe gazit natyror. Lëndët djegëse të energjisë biologjike janë kryesisht kashtërat dhe kërcejtë e grurit, pambukut, misrit, dhe kashtërat e kulturave të tjera bujqësore. Qeveria kineze e konsideron shfrytëzimin e energjisë biologjike si përmbajtje të rëndësishme për zbatimin e strategjisë energjetike të zhvillimit të vazhdueshëm.

Drejtori i Zyrës së energjisë pranë Drejtorisë Bujqësore të Distriktit Shan, z. Zhou Tingying tha se Distrikti Shan është një distrikt i madh i prodhimit të drithërave dhe të druve. Fshatarët vendas kanë mbjellë në përmasa të mëdha grurin, pambukun, kikirikun dhe kultura të tjera bujqësore. Kjo i ka dhënë prodhimit të energjisë elektrike burime të pasura të kërcejve, kashtërave dhe druve.

"Popullsia e përgjithshme e distriktit Shan është 1 milionë e 170 mijë, sipërfaqja e tokave të punueshme është 100 mijë hektarë. Sipërfaqja e mbjellë me pambuk është 20 hektarë. Burimet e energjisë biologjike janë shumë të pasura."

Zv/drejtori i Shoqërisë me përgjegjësi të kufizuar të prodhimit të energjisë elektrike me energji biologjike, z. Liu Chengjiang është i mendimit se këto lëndë djegëse kanë plotësuar mirë kërkesat e prodhimit të energjisë elektrike. Ai tha: "Lëndët djegëse të këtij centrali janë kryesisht kërcejtë e pambukut dhe të misrit. Pylltaria e këtij distrikti është shumë e zhvilluar, dhe cilësia e lëndëve të para është shumë e mirë."

Vendasit thanë se para ndërtimit të centralit të prodhimit të energjisë elektrike me energji biologjike, kashtërat konsideroheshin si plehra. Pas inaugurimit të këtij centrali, vendasit kanë shfrytëzuar plotësisht burimet e pasura vendore, duke i konsideruar kashtërat dhe kërcejtë e grurit, pambukut etj., si lëndë djegëse të prodhimit të energjisë elektrike. Kjo u ka sjellë fshatarëve vendas të ardhura të përshtatshme. Drejtori i degës pranë kësaj Shoqërie me përgjegjësi të kufizuar, z. Liu Guangqiang tha: "Nëpërmjet blerjes së këtyre plehrave, fshatarët vendas mund të fitojnë 40-50 milionë juanë në vit. Kjo është një shifër reale. Çdo vit neve na duhen 20 lëndë të para."

Për sa i përket distriktit të vogël që prodhon kryesisht drithëra, këto të ardhura janë shumë të përshtatshme. Tani teknologjia e energjisë biologjike e mbarë botës ndodhet në fazën fillestare të zhvillimit. Përqindja e fitimeve të objekteve të shumta të prodhimit të energjisë elektrike është e ulët.

Por në krahasim me efektivitetin ekonomik të centralit, mjedisi rreth distriktit Shan është përmirësuar në mënyrë të dukshme. Lëndët djegëse të energjisë biologjike jo vetëm kanë zëvendësuar qymyrgurin dhe naftën, por edhe kanë pakësuar shkarkimin e dioksidit të karbonit dhe të gazit serrë. Kjo tregon se kashtërat dhe kërcejtë janë lëndë shumë të pastra djegëse.

Njëkohësisht, ripërdorimi i plehrave bujqësore ka përmirësuar mjedisin e fshatrave. Duke folur për këtë, zv/drejtori i përgjithshëm i kësaj Shoqërie me përgjegjësi të kufizuar, z. Liu Chengjiang tha: "Mund të prodhohet vati i parë i "energjisë elektrike të gjelbër për vendin tonë, si ndërtues, ne jemi shumë të gëzuar."

Siç mësohet, Kina ka hartuar shumë politika për të inkurajuar zhvillimin e energjive të ripërdorura. Në një sfond të tillë, zhvillimi i energjive të ripërdorura do të shpejtohet shumë. (Sihai)