dëgjoni

Në fillim të këtij muaji u mbyll në kryeqendrën e provincës Jilin të Kinës, Changchun, ekspozita e 3-të tregtare e investimeve e Azisë Verilindore. Në këtë ekspozitë 4-ditore, pjesëmarrësit zhvilluan diskutime aktive për "nxitjen e bashkëpunimit të rajonit të Azisë Verilindore" dhe "rigjallërimin e bazës së vjetër industriale të krahinave verilindore të Kinës". Ata thanë se 6 vendet e Azisë Verilindore do të nxitin më tej zhvillimin e bashkëpunimit të rajonit të Azisë Verilindore, duke u mbështetur te platforma e ekspozitës tregtare të investimeve të Azisë Verilindore.

Rajoni i Azisë Verilindore përfshin 3 provinca të Kinës Verilindore e pjesën lindore të Rajonit Autonom të Mongolisë së Brendshme, rajonin e Lindjes së Largët të Rusisë, Gadishullin Korean, Japoninë dhe Mongolinë. Sipërfaqja e këtij rajoni është 17 milionë kilometra katrorë. Në këtë ekspozitë zv/kryeministri i Kinës Zeng Peiyan tha se historia e lidhjeve dhe kontakteve miqësore midis popujve të vendeve të ndryshme të Azisë Verilindore është shumë e gjatë. Në procesin e thellimit nga dita në ditë të ekonomisë globale dhe të integrimit rajonal, vendet e ndryshme të Azisë Verilindore dëshirojnë të forcojnë bashkëpunimin ekonomik.

"Plotësimi reciprok ekonomik midis vendeve të ndryshme të saj është shumë i fortë. Disa vende kanë potencial të fortë ekonomik, disa kanë burime të pasura e krahë pune dhe disa të tjera kanë teknologji të përparuara të prodhimit dhe përvojë administrimi, prandaj zhvillimi i mëtejshëm i bashkëpunimit rajonal ka një bazë të mirë."

Vitet e fundit, me rritjen e qëndrueshme ekonomike të vendeve të ndryshme të Azisë Verilindore, tregtia dhe përmasat e investimeve brenda këtij rajoni janë zgjeruar gradualisht. Marrëdhëniet e plotësimit reciprok ekonomik midis këtyre vendeve janë thelluar më tej.

Njëkohësisht, gjatë disa vjetëve të fundit, nxitja e krijimit të platformës së bashkëpunimit ekonomik të këtij rajoni është shpejtuar pandërprerë. Tani rajoni i Azisë Verilindore ka krijuar platformën e bashkëpunimit ekonomik me forma të shumëllojshme dhe me përmbajtje të pasura. Ekspozita tregtare e investimeve e Azisë Verilindore është një veprim pozitiv që ka ndërmarrë qeveria kineze për nxitjen e lidhjeve dhe bashkëpunimit ekonomiko-tregtar brenda këtij rajoni. Për këtë platformë të mirë, funksionarja e UNDP-së, zj. Natalija Jaçistova dha një vlerësim të lartë.

"Ekspozita tregtare e investimeve e Azisë Verilindore u ka dhënë ndërmarrjeve pjesëmarrëse të vendeve të ndryshme një platformë të mirë. Biznesmenët pjesëmarrës mund të shfaqin produktet e tyre në këtë ekspozitë, të krijojnë bashkëpunim dhe të nënshkruajnë kontrata. Ekspozita tregtare do të nxitë zhvillimin harmonik të ekonomisë së këtij rajoni."

Me zhvillimin e shpejtë ekonomik të Kinës, zhvillimi ekonomik e shoqëror i bazës së vjetër industriale të krahinave verilindore të Kinës ka pasur një prirje të mirë. Sidomos qysh nga zbatimi në vitin 2003 i strategjisë për rigjallërimin e bazës së vjetër industriale të këtij rajoni, Kina ka hartuar një sërë politikash dhe ka marrë një sërë masash për të ndihmuar ndërmarrjet e krahinave verilindore në daljen nga vështirësia dhe për të inkurajuar pjesëmarrjen e investimeve të huaja në reformimin e transformimin e ndërmarrjeve shtetërore të këtij rajoni dhe në zhvillimin e tregtisë kufitare. Gjatë zbatimit 4 vjeçar të kësaj strategjie, reforma dhe hapja e këtij rajoni janë shpejtuar në mënyrë të dukshme, ndërtimi i infrastrukturës e koordinimi i strukturës industriale kanë arritur progres të madh dhe jetesa e popullit është përmirësuar pandërprerë.

Rigjallërimi i krahinave verilindore i ka krijuar bashkëpunimit të rajonit të Azisë Verilindore raste të reja dhe vendeve të ndryshme të këtij rajoni raste të shumta tregtare. Biznesmeni i Mongolisë materialeve të ndërtimit nga Mongolia Otgon Batar tha se ai dëshiron të zhvillojë bashkëpunimin tregtar me ndërmarrje të krahinave verilindore.

"Unë mora vesh se qeveria kineze ka parashtruar disa politika të privilegjuara për zhvillimin e krahinave verilindore. Për ne ky është një rast shumë i mirë. Unë dëshiroj të gjej partnerë bashkëpunimi në Kinë jo vetëm në fushën e ndërtimit, por edhe në fushën tregtare."

Megjithëse bashkëpunimi ekonomiko-tregtar midis vendeve të ndryshme të Azisë Verilindore është zhvilluar shumë shpejt, diferenca e nivelit të zhvillimit të vendeve të ndryshme të këtij rajoni është relativisht e madhe, niveli i bashkëpunimit midis tyre është ende i ulët dhe sistemi i bashkëpunimit nuk është i përmirësuar. Për të përballuar sfidat e reja, zv/kryeministri kinez Zeng Peiyan tha se Kina është e mendimit se vendet e ndryshme duhet të forcojnë shkëmbimet dhe bashkëpunimin për të nxitur zhvillimin e përbashkët të këtij rajoni.

"Pala kineze dëshiron të shpejtojë me vendet përkatëse ndërtimin e rrugëve automobilistike, të hekurudhave dhe porteve, të forcojë lidhjet ekonomike, të zgjerojë pandërprerë përmasat e tregtisë dhe të ngrejë nivelin e investimeve. Kina shpreson se vendet e ndryshme të Azisë Verilindore do të vazhdojnë të nxitin liberalizimin tregtar."

Provinca Jilin e Kinës që ndodhet në qendër të Azisë Verilindore, ka zhvilluar për një periudhë të gjatë bashkëpunimin me vendet e tjera të këtij rajoni në fushat ekonomiko-tregtare, tekniko-shkencore etj. Në një intervistë për gazetarët, kryetari i kësaj province Han Changbin tha se në të ardhmen, provinca Jilin do të vazhdojë të forcojë shkëmbimet dhe bashkëpunimin në këto fusha për të nxitur më tej bashkëpunimin e rajonit të Azisë Verilindore.

"Provinca Jilin do të përmirësojë pandërprerë mjedisin e shkëmbimeve dhe të bashkëpunimit dhe do të zgjerojë lidhjet dhe kontaktet ekonomiko-tregtare me vendet e tjera të Azisë Verilindore për të realizuar zhvillimin e përbashkët." (Sihai)