dëgjoni

"Tregimet e maskotëve gjatë vizitave në Lojërat Olimpike" është xhiruar në bazë të marrjes së plotë të zgjuarsisë së masave popullore. Para disa vjetëve, pala prodhuese, Televizioni i Pekinit, filloi të mblidhte në sferën e gjithë vendit skenarin dhe mendiomet për krijimin e këtij filmi, duke mbledhur më se 200 skenarë të plotë. Megjithëse këta skenarë nuk janë përdorur drejtpërsëdrejti në këtë film vizatimor, ata kanë zgjeruar mendimet e autorëve kryesorë. Ata kanë zgjedhur edhe aktorë e këngëtarë të njohur kinezë për incizimin e zërit për këtë film, si këngëtarja e re Zhang Liangying që incizoi zërin e maskotit "Yingying". Yingying preferon shumë sportin e atletikës dhe recitimet. Zhang Liangying e incizoi me gëzim zërin e Yingying-it, duke shprehur mendimin se kjo është një punë shumë interesante.

"Në të kaluarën nuk kam incizuar asnjëherë zërin për personazhet e filmave vizatimorë. Ky është një rast shumë i mirë, unë përpiqem të nxjerr një zë sa më të dashur për fëmijët."

Drejtori i përgjithshëm i kanalit të filmave vizatimorë të Televizionit të Pekinit Shuai Min është i mendimit se ky film vizatimor, që ka tërhequr vëmendjen e gjerë të publikut për arsyen kryesore të një projektimi të pasur krijues, me formë të gjallë dhe humoristike, përputhet me prirjen estetike të spektatorëve të sotëm dhe është me karakteristika kineze. Ai bëri të ditur se gjatë krijimit të këtij filmi, autorët kanë ftuar karikaturistë të njohur të pjesës kontinentale të Kinës, të Hong-Kongut, Tajvanit dhe Makaos për të paraqitur figurat dhe mendimet  krijuese. Ndër ta, disa piktorë preferojnë shumë pikturën tradicionale me bojë kineze, ndërsa disa të tjerë janë të njohur për vizatimin e karikaturave humoristike me temë aktuale. Idetë dhe mendimet e tyre janë përfshirë në krijimin e këtij filmi vizatimor.

Vitet e fundit, edhe koncepti i punonjësve të filmave vizatimorë po ripërtërihet, ata kuptuan gradualisht se metodat e kaluara monotone me përralla dhe tregime historike nuk kanë një forcë të madhe tërheqëse. Krijimi i filmave vizatimorë duhet të lidhet me jetën e tanishme shoqërore. Z. Shuai Xinmin tha se filmi vizatimor "Tregimet e maskotëve gjatë vizitave në Lojërat Olimpike" ka rishikuar kërkesat e fëmijëve dhe ka sjellë risi nga ana e formës dhe e përmbajtjes.

"Niveli i tanishëm i njohurive të fëmijëve i ka kaluar përfytyrimet tona të mëparshme. Ata kuptojnë shumë, kurse krijuesit nuk kanë arritur në atë nivel. Fëmijët kanë nevojë për filma vizatimorë që përputhen me psikologjinë dhe njohuritë e tyre. Prandaj në zhvillimin e ardhshëm të filmave vizatimorë duhet të marrim parasysh zgjerimin e temave, pasurimin e përmbajtjeve. Në konceptin e krijimit, duhet t'i konsiderojmë fëmijët si shikues me njëfarë niveli admirimi, kështu këta filma do t'u përshtaten më mirë kërkesave të tregut".

Tani pala prodhuese e filmit vizatimor "Tregimet e maskotëve gjatë vizitave në Lojërat Olimpike" ka nënshkruar kontrata transmetimesh me afro njëqind televizione vendës, e po ashtu edhe disa institucione të huaja televizive kanë treguar interesim të madh për këtë film. ( Zhai)