dëgjoni

"Maskotët" e Lojërave të 29-ta Olimpike të Pekinit po priten nxehtësisht në Kinë dhe në botë. Duke filluar nga 8 gushti, televizioni i Kinës filloi transmetimin e filmit vizatimor me njëqind seri me maskotët si figura kryesore, duke popullarizuar njohuritë e Lojërave Olimpike. Ky film vizatimor është pritur nxehtësisht jo vetëm nga të rinjtë dhe fëmijët, por edhe nga një grup të rriturish. Specialistët janë të mendimit se ky film vizatimor, me një formë të re dhe përmbajtje të re krijuese, i ka sjellë një përvojë të re prodhimit të filmave vizatimore të Kinës.

Filmi vizatimor "Tregimet e maskotëve gjatë vizitave në Lojërat Olimpike" është një film me një investim me 50 milionë juanësh nga Televizioni i Pekinit. Ky film ka 100 seri dhe çdonjëra prej tyre zgjat 11 minuta, duke bërë që ky të jetë filmi më i gjatë vizatimor me maskotë të Lojërave Olimpike si personazhe kryesore. Në këtë film shtjellohen historitë e ndodhura në një familje të thjeshtë pekinase në prag të Lojërave të 29-ta Olimpike të vitit 2008. Djaloshi 8-vjeçar Da You mori një dhuratë për ditëlindje nga prindërit ? një komplet maskotësh të Lojërave Olimpike. Me episodet interesante të ndodhura midis djaloshit Da You dhe 5 maskotëve, filmi pasqyron në mënyrë të gjallë tregimet klasike të historisë së Lojërave Olimpike, si dhe prejardhjen, zhvillimin, hartimin e rregulloreve dhe përmirësimin e këtyre Lojërave.

Qysh nga fillimi i transmetimit të tij më 8 gusht të këtij viti, me rastin e 1-vjetorit nga hapja e Lojërave Olimpike, ky film vizatimor është pritur shumë mirë dhe numri i teleshikuesve ka zënë gjithmonë vendin e parë në krahasim me atë të programeve të përafërta televizive. Këtë film vizatimor e ndjekin jo vetëm fëmijët, por edhe të rriturit. Teleshikuesi nga Pekini, z. Ding Yimin, e vlerësoi lart përhapjen e idesë së Lojërave Olimpike me anën e kësaj forme.

"Ky program, në formën e filmit vizatimor dhe me anën e 5 maskotëve, u jep shikuesve shumë njohuri për Lojërat Olimpike. Me anën e këtij filmi vizatimor, shikuesit jo vetëm kënaqen me humorin e tij, por kanë shtuar shumë edhe njohuritë për Lojërat Olimpike."

Shumë shikuesve u pëlqejnë karakteristikat e artit tradicional kinez të mishëruar në këtë film vizatimor. Zonjusha Lin Lu tha se këto elemente kineze e bëjnë këtë film më interesant dhe më tërheqës.... "Unë i kam parë disa seri të filmit vizatimor 'Tregimet e maskotëve gjatë vizitave në Lojërat Olimpike'. Më pëlqen shumë, sepse ky film nuk është vetëm për fëmijë, por edhe për ne të rriturit. Pamjet e këtij filmi janë shumë të bukura, me përmbajtje të pasura, por të vizatuara në mënyrën karakteristike kineze, dallohet shumë nga filmat vizatimorë të vendeve të tjera, prandaj më duket shumë interesant dhe shumë tërheqës."

Filmat vizatimorë tradicionalë kinezë shpesh marrin zakonisht artin e pikturës me bojë tradicionale kineze si bazë, pastaj xhirohen në bazë të pikturave të vizatuara dhe  pastaj prodhohen  në një film vizatimor. Zakonisht për prodhimin e një filmi vizatimor duhen disa vjet. Temat e përmbajtjet e këtyre filmave janë marrë nga tregimet popullore e folklorike ose nga përralla të ndryshme.

Disa filma vizatimorë kinezë, si "Trazirat e Nuzas në det", "Trazirat në pallatin qiellor" etj. kanë fituar edhe çmime botërore. Gjatë afro dhjetë vjetëve të fundit, filmat vizatimorë të importuar nga Japonia, vendet evropiane dhe amerikane janë pritur nxehtësisht nga spektatorët kinezë. Këta filma, me mjetet e teknologjisë së re dhe të lartë, janë shumë modernë dhe të gjallë, duke ushtruar një ndikim të madh mbi rritjen e të rinjve kinezë. Por personalitetet e qarqeve të filmave vizatimorë të Kinës kuptuan gjithnjë e më shumë rëndësinë e karakterit kombëtar dhe të krijimit në prodhimin e filmave vizatimorë. Duke e lidhur teknologjinë e re dhe përvojën e administrimit tregtar të filmave të huaj vizatimorë me kulturën tradicionale kineze, të prodhojnë filma vizatimorë me karakteristika kombëtare.(Zhai)