Dëgjoni

Sportisti amerikan Jim Thorpe ishte sportisti më i shkëlqyer në Lojërat Olimpike të Stokholmit në vitin 1912. Në këtë edicion, ai fitoi dy medalje të arta në pesëgarësh dhe dhjetëgarësh. Të dy këto displina kërkojnë që i njëjti sportist të kryejnë shumë gara të ndryshme atletike. Ato janë dy disiplinat ku nevojiten më shumë qëndrueshmëri dhe forcë fizike. Në historinë e mëparshme të Lojërave Olimpike Moderne, asnjëri nuk mund të merrte pjesë në këto dy disiplina në të njëjtën kohë. Jim Thorpe jo vetëm mori pjesë në to, por edhe arriti fitore në të dyja. Prandaj, kur mbreti i Suedisë Gustav V i dha medaljet e arit Thorpes, e vlerësoi që ai ishte sportisti më i madh i epokës sonë.

Por, të dy medaljet e arta më të çmuara olimpike nuk i sollën Thorpes lumturinë, por tragejdinë e jetës. Pas një periudhe të shkurtër nga fitimi i dy medaljeve të arta, Federata Amerikane e Atletikës mohoi statusin e tij si sportist amator. Komiteti Olimpik Ndërkombëtar i hoqi titujt e kampionit dhe i mori dy medaljet e arta. Kjo u bë padrejtësia që vazhdoi për kohën më të gjatë në historinë e lojërave olimpike.

Jim Thorpe lindi në vitin 1888 në një familje të varfër indiane. Jeta e vështirë e tij i dhuroi talentin e shkëlqyer sportiv.

Në vitin 1909, kur ishte në universitet, Jim Thorpe kishte luajtur për një skuadër bejzbolli gjysmëprofesioniste, me një rrogë të vogël prej 15 dollarësh në javë. Në atë kohë, shumë studentë amerikanë me talent sportiv luanin në skuadra profesioniste për të zgjidhur vështirësitë e jetës. Por ata përdornin emra të rremë, që të mos ndikohej statusi i tyre si sportistë amatorë. Por, Thorpe ishte një djalë i sinqertë dhe nuk e dinte këtë mënyrë. Ai merrte pjesë në ndeshjet e bejzbollit profesionist me emrin e vërtetë, gjë që shkaktoi tragjedinë e tij në të ardhmen.

Pas afro gjysmë viti nga përfundimi i lojërave olimpike, një gazetar zbuloi që Jim Thorpe kishte luajtur për një skuadër profesioniste. Ky gazetar shkroi një artikull, ku thuhej që Thorpe nuk ishte një sportist amator dhe nuk duhej të merrte pjesë në lojërat olimpike. Në atë kohë, Komiteti Olimpik Ndërkombëtar kishte përcaktuar që nëse një sportist kishte fituar para nëpërmjet sportit, ai nuk mund të merrte pjesë në lojërat olimpike. Prandaj, zbulimi i këtij gazetari shkaktoi ndikime shumë të forta, Federata Amerikane e Atletikes zhvilloi një hetim të veçantë për këtë gjë. Thorpe e ndershëm pranoi në mënyrë të hapur që ai kishte luajtur në ndeshje profesioniste dhe nuk e dinte këtë rregull. Megjithatë, Federata Amerikane e Atletikës dhe Komiteti Olimpik Amerikan ia hoqën statusin sportistit amator. Pas një kohe të shkurtër, Komiteti Olimpik Ndërkombëtar ia mori edhe medaljet e arit.

Jim Thorpe që u largua nga atletika, u bë më vonë një sportist i njohur profesionist i bejzbollit e i futbollit amerikan. Por, me kalimin e viteve, nderi i tij u pakësua. Më në fund, ai u largua nga sporti profesionist dhe kaloi një jetë shumë të varfër.

Lojërat Olimpike të vitit 1932 u zhvilluan në Los Anxhelos, ku jetonte Thorpe. Por Thorpe i varfër nuk ia nxinte xhepi të blinte një biletë. Në hyrjen e stadiumit, një gazetar e njohu Thorpen, i cili po ecte lart e poshtë portës, dhe i dhuroi një biletë për ceremoninë e hapjes së lojërave olimpike. Kur spektatorët mësuan që ai kishte ardhur në ceremoninë e hapjes, ata duartrokitën shumë gjatë. Pas 20 vjetëve, amerikanët e kishin pranuar këtë hero olimpik, i cili ishte trajtuar në mënyrë të padrejtë. Në këtë moment, syret e Thorpes u mbushën me lot.

Në maj të vitit 1953, Thorpe 65 vjeçar vdiq. Në fund të jetës së tij, ai ia tregoi të birit dëshirën e fundit të tij, kthimin e medaljeve të tij nga Komiteti Olimpik Ndërkombëtar.

Pas përpjekjeve të shumë personaliteteve të ndershëm, në vitin 1983, komiteti olimpik rivendosi nderin e tij dhe ua ktheu fëmjijëve tij dy medaljet e arta të para 71 vjetëve. Më në fund, Jim Thorpe rimori statusin e tij të merituar në sportet olimpike. (Shy Guan)