Dëgjoni

Kohët e fundit u zhvilluan në qytetin bregdetar të Kinës Juglindore, Siamen, bisedimet e 11-ta tregtare ndërkombëtare të investimeve të Kinës. Sipas të dhënave statistikore të publikuara në uebsajtin zyrtar të bisedimeve të investimeve, delegacionet e mbi 100 vendeve ose rajoneve të botës morën pjesë në këto bisedime tregtare. Në këtë platformë, delegacionet e ndryshme arritën rezultate të dukshme. Zv/kryeministrja e Kinës, zj. Wu Yi tha se pas zhvillimit 10-vjeçar, bisedimet tregtare ndërkombëtare të investimeve të Kinës janë bërë një platformë e bashkëpunimit global.

Bisedimet tregtare ndërkombëtare të investimeve të Kinës u krijuan në vitin 1997, dhe janë një ekspozitë vjetore ndërkombëtare e organizuar nga Kina për nxitjen e investimeve, që organizohet në shtator të çdo viti në Siamen. Bisedimet e këtij viti kanë tërhequr ndërmarrjet dhe institucionet e mbi 100 vendeve ose rajoneve të botës të marrin pjesë në to. Numri i biznesmenëve të huaj i kaloi 10 mijët. Përmasat e pavijoneve janë më të mëdhatë në histori. Turqia, vendet e Detit të Karaibeve, Kanada-ja dhe vende ose rajone të tjera kanë vendosur pavijone të posaçme për të shfaqur objektet e investimeve të tyre.

Përgjegjësi i zonës industriale të Ankarasë të Turqisë, z. Fatih Erbaz i tha gazetarit se bisedimet në Siamen janë platforma më e mirë e investimeve.

"Përmasat e bisedimeve në Siamen janë shumë të mëdha. Ti mund të shohësh investuesit e ndërmarrjeve të shumta të vendeve të ndryshme. Ne kemi ardhur këtu, për të gjetur investues për të cilët ka interes Turqia."

Ai tha gjithashtu, se në qoftë se investuesit dëshirojnë të vijnë në zonën industriale të Ankarasë për investime, ata mund të zhvillojnë biznesin e vet, duke shfrytëzuar epërsinë e Ankarasë si kryeqytet i Turqisë.

Delegacioni i përbërë nga 150 funksionarë dhe biznezmenë turq, mori pjesë në këto bisedime, duke sjellë 60 objekte investimesh me një vëllim të përgjithshëm prej 15 miliardë dollarësh amerikanë. Një funksionar turk tha se kjo është hera e parë e pjesëmarrjes së tyre në bisedimet tregtare ndërkombëtare të investimeve të Kinës, për të tërhequr më shumë ndërmarrje të shkojnë në Turqi për investime.

Edhe shumë vende ose rajone kanë shfaqur magjinë e tyre në këto bisedime. Mbi 20 vende të Detit të Karaibeve i kanë paraqitur botës burimet turistike të rajonit të Karaibeve në këto bisedime, për të tërhequr investuesit e mbarë botës.

Në bisedime janë organizuar aktivitete të shumëllojshme, si Forumi ndërkombëtar i investimeve, simpoziumi për nxitjen e investimeve etj., duke u krijuar institucioneve dhe ndërmarrjeve pjesëmarrëse shumë raste për shfaqjen e tyre. Sipas të dhënave statistikore, delegacionet e ndryshme nënshkruan gjithsej 1070 objekte të ndryshme investimesh. Vëllimi i përgjithshëm i investimeve arriti në 23 miliardë dollarë amerikanë.

Zv/kryeministrja e Kinës, zj. Wu Yi tha se pas zhvillimit 10-vjeçar, bisedimet janë bërë një takim ndërkombëtar për nxitjen e investimeve me ndikim global.

"Gjatë 10 vjetëve të fundit, bisedimet janë bërë një platformë bashkëpunimi e krijuar nga vendet e ndryshme të botës për nxitjen e investimeve. Mbi 13 mijë objekte të ndryshme bashkëpunimi janë nënshkruar këtu. Investimet e drejtpërdrejta të biznesmenëve të huaj me vlerë prej 70 miliardë dollarësh amerikanë kanë hyrë në Kinë nga këtu. Një grup ndërmarrjesh kineze kanë gjetur partnerë bashkëpunimi me investime të huaja. Ndërmarrjet e shumë vendeve ose rajoneve të botës kanë gjetur raste të investimeve dhe të zhvillimit. Bisedimet janë bërë një takim ndërkombëtar për nxitjen e investimeve me ndikim global." (Sihai)