Dëgjoni

Gjatë disa vjetëve të fundit, ekonomia kineze ka ruajtur një zhvillim të shpejtë, por kontradikta midis zhvillimit ekonomik dhe mjedisit është shfaqur nga dita në ditë. Për ta zgjidhur këtë kontradiktë, Kina hartoi objektivin afatmesëm për kursimin e energjisë dhe pakësimin e shkarkimit të gazit, për të realizuar zhvillimin e vazhdueshëm ekonomik e shoqëror. Si forca kryesore e nxitjes së ekonomisë kineze, ndërmarrjet e mëdha shtetërore të Kinës kanë shpejtuar hapat për kursimin e energjisë dhe pakësimin e shkarkimit të gazit.

Sipas objektivit të parashtruar nga qeveria kineze, deri në vitin 2010, konsumi i energjisë për njësi të GDP-së do të ulet 20 % në krahasim me vitin 2005, ndërsa sasia e përgjithshme e shkarkimit të ndotjeve kryesore do të pakësohet 10 %. Për ta arritur këtë objektiv, Kina ka ndërmarrë një veprim të gjithë popullit për kursimin e energjisë dhe pakësimin e shkarkimit të gazit.

Kohët e fundit, në një Forum për kursimin e energjisë dhe pakësimin e shkarkimit të gazit, zv/drejtori i Komisionit shtetëror të zhvillimit dhe të reformës të Kinës, z. Xie Zhenhua tha se tani masat e ndryshme që janë marrë për kursimin e energjisë dhe pakësimin e shkarkimit të gazit po luajnë rolin e tyre, por gjendja e kursimit të energjisë dhe e pakësimit të shkarkimit të gazit është ende serioze. Ai është i mendimit se ne duhet t'i konsiderojmë kursimin e energjisë dhe pakësimin e shkarkimit të gazit si detyrë të rëndësishme për koordinimin e strukturës ekonomike dhe ndryshimin e mënyrës së rritjes, dhe të forcojmë më tej punën në këtë fushë.

"Kohët e fundit, ne duhet të forcojmë disa punë kryesore: së pari, duhet të forcojmë sistemin e administrimit dhe të kontrollit për kursimin e energjisë dhe pakësimin e shkarkimit të gazit; së dyti, duhet të frenojmë me vendosmëri rritjen tepër të shpejtë të sektorëve me konsum të lartë të energjisë dhe me shkarkim të madh të gazit; së treti, duhet të hiqim pajisjet e prapambetura etj."

Xie Zhenhua është i mendimit se ndërmarrjet kineze duhet të bëhen forca kryesore në kursimin e energjisë dhe pakësimin e shkarkimit të gazit. Ai bëri të ditur se në këtë muaj do të zhvillohet mbledhja kombëtare e 1000 ndërmarrjeve kryesore për kursimin e energjisë dhe pakësimin e shkarkimit të gazit, për të nxitur punën e këtyre ndërmarrjeve në këtë fushë. Ai është i mendimit se në qoftë se këto ndërmarrje do të kryejnë detyrën e kursimit të energjisë dhe të pakësimit të shkarkimit të gazit, 50 % e detyrave të përgjithshme të ndërmarrjeve industriale për kursimin e energjisë dhe pakësimin e shkarkimit të gazit do të kryhen në përgjithësi.

Kohët e fundit, kryetari i Komisionit shtetëror të kapitaleve të Kinës, z. Li Rongrong bëri të ditur se Komisioni shtetëror i kapitaleve do të zbatojë seriozisht masat ndëshkimore për punën e ndërmarrjeve të mëdha shtetërore në kursimin e energjisë dhe pakësimin e shkarkimit të gazit. Ai tha gjithashtu, se ky sektor do ta pranojë gjendjen e kryer të kursimit të energjisë dhe të pakësimit të shkarkimit të gazit në vlerësimin e suksesit të administrimit të përgjegjësve të ndërmarrjeve të mëdha shtetërore. Në qoftë se nuk kryhet detyra e tyre në këtë fushë, ata do të ndëshkohen nga ana ekonomike ose do të hiqen nga posti.

"Në qoftë se sistemi ndëshkimor nuk ka tërhequr vëmendjen e përgjegjësve të këtyre ndërmarrjeve, mund të thuhet se ata nuk kanë përgjegjësinë për këtë punë. Prandaj ata duhet të largohen nga posti i tyre."

Në fakt, shumica dërrmuese e ndërmarrjeve shtetërore u kushtojnë rëndësi të madhe kursimit të energjisë dhe pakësimit të shkarkimit të gazit. Shoqëria e industrisë së aluminit e Kinës është ndërmarrja më e madhe industriale e metaleve me ngjyrë në Kinë. Ajo ka marrë teknologjinë e përparuar, duke pasur efektivitet të mirë në trajtimin e ujërave të përdorura industriale.

"Në vitin 2006, përqindja e rishfrytëzimit të ujërave industriale të ndërmarrjeve pranë kësaj shoqërie arriti në 88 %. Sivjet, shumë ndërmarrje kanë kryer mosshkarkimin e ujërave të përdorura industriale."

Specialistët vunë në dukje se punët e ndërmarrjeve të mëdha shtetërore për kursimin e energjisë dhe pakësimin e shkarkimit të gazit kanë dhënë kontribut të madh jo vetëm për përmirësimin e mjedisit të burimeve, por edhe për ngritjen e efektivitetit jetik në uljen e kostos dhe forcimin e potencialit të konkurrencës ndërkombëtare. Zv/drejtori i Shoqërisë së industrisë së aluminit të Kinës tha se ndërmarrjet kineze kanë pasur rezultate të dukshme në zhvillimin e punëve të kursimit të energjisë dhe të pakësimit të shkarkimit të gazit.

"Zhvillimi i thellë i punëve të kursimit të energjisë dhe të pakësimit të shkarkimit të gazit ka nxitur kursimin e energjisë dhe mbrojtjen e mjedisit të ndërmarrjeve. Në procesin e reformës së vazhdueshme, ndërmarrjet kanë ngritur nivelin e administrimit të tyre. Njëkohësisht cilësia e produkteve është ngritur në mënyrë të qëndrueshme."

Shoqëria e industrisë së aluminit do të japë së bashku me ndërmarrjet e tjera shtetërore kontribut për kursimin e energjisë dhe pakësimin e shkarkimit të gazit. (Sihai)