Tibeti i Kinës jugperëndimore ka jo vetëm peizazhe të bukura natyrore, si male me dëborë, liqene të shenjta etj., por ai është i njohur edhe për kulturën e shumëllojshme, si pallati madhështor "Potala", tempulli Tazhao dhe pamje të tjera kulturore, si edhe poemat historike të heronjve, opera tibetiane e trashëguar prej mijëra vjetësh etj., të gjitha këto kanë një forcë të madhe dhe të veçantë tërheqëse. Në emisionin e sotëm, ne do t'ju çojmë për një vizitë në Lhasa, për të parë gjendjen e mbrojtjes së kulturës aty.....

Kënga që po dëgjoni është kënduar nga punëtorët tibetianë gjatë punës për riparimin e pallatit "Potala". Në gjuhën tibetiane, kjo punë quhet "Aga". "Aga" do të thotë dhe veshtullor, duke e shtrirë atë në çatinë e tipit tibetian ose në tokë dhe ngjishet për një kohë të gjatë me vegla prej druri ose guri derisa të bëhet shumë i lëmuar si mermeri. Kjo teknologji e lashtë tradicionale përdoret akoma edhe tani për riparimin e pallatit "Potala".

Pallati "Potala" u ndërtua në shekullin e 7-të nga mbreti i Tibetit Songtsen Gampo për të pritur nusen nga Dinastia Tang, princeshën Ven Cheng, pastaj u bë banesa e dalaive të brezave të ndryshme. Gjatë më se një mijë vjetësh, pallati "Potala" ka qenë jo vetëm vendi i shenjtë i budizmit tibetian, por edhe vetë ai ka vlera të mëdha artistike dhe historike, si dhe koleksione të pasura të objekteve arkeologjike, duke u bërë simbol i rëndësishëm i kulturës tibetiane.

Shefi i zyrës së administrimit të pallatit "Potala", 65- vjeçari Jampa Kelsang, është specialist i njohur i mbrojtjes së objekteve arkeologjike dhe ka më se 20 vjet që merret me administrimin e këtij pallati. Ai tha se në këtë pallat, çdo dhomë ka një histori dhe çdo pikturë muri është një tregim historik, ruajtja e tyre është punë e rëndësishme e specialistëve të mbrojtjes së objekteve arkeologjike dhe e qeverisë. Qysh nga vitet '80 të shekullit të kaluar, qeveria kineze ka investuar më se 200 milionë juanë për riparimin e pallatit "Potala" dhe riparimi i dytë i madh i filluar nga qershori i vitit 2002 shërben kryesisht për të forcuar bazën e kësaj ndërtese të lartë dhe për të mbrojtur pjesët e jashtme të dhomave. Ai tha :"Ky riparim nuk është riparim i pallatit, por forcimi i bazës dhe pjesëve të jashtme të ndërtesës. Nëse nuk forcohet baza, një ndërtesë aq e lartë si pallati "Potala" nuk mund të ruhet mirë. Prandaj forcimi i bazës është puna jonë kryesore. Pas forcimit të bazës, duhet të riparojmë edhe pjesët e jashtme të pallatit. Përndryshe, kur bie shi, pikat e shiut do të prishin pikturat murale".

Për të parandaluar ndikimet negative të sjella nga numri i madh i vizitorëve, duke filluar nga 1 maji i vitit 2003, pallati "Potala" filloi të kufizojë numrin e vizitorëve sipas orarit, për arsye se vizitorët vijnë në mënyrë të përqendruar paradite. Duke filluar nga viti i kaluar, numri i vizitorëve në pallatin "Potala" u kufizua në 2300 veta në ditë, orari i vizitave të grupeve turistike kufizohet brenda një ore dhe për vizitën e grupeve duhet paraqitur kërkesë më parë. Songtsen Gampo tha se qeveria ka marrë masa të ndryshme për të garantuar sigurimin e pallatit "Potala", këtu bëhet ruajtja e nivelit të parë botëror. ( Zhai)