Provinca Guizhou e Kinës Jugperëndimore është një nga zonat kryesore të vendburimeve të mineralit fosforik në Kinë. Vitet e fundit, krahas shpejtimit të zhvillimit të industrisë së mineralit fosforik, ndërmarrjet përkatëse në këtë provincë tregojnë më shumë kujdes për mbrojtjen e mjedisit.

Shoqëria aksionare "Hongfu" e Guizhout, që gjendet në qytezën Maçangping pranë qytetit Fuquan të kësaj province, prodhon kryesisht diamoniumin fosfatik, monoamoniumin fosfatik dhe lëndë të tjera, që janë produkte të markave të njohura kineze. Kjo shoqëri zotëron mjaft arritje dhe patenta të të novacionit teknik dhe të shpikjes me përparësi brenda dhe jashtë vendit. Por më parë, efektiviteti i mirë ekonomik shkaktoi ndotjen e mjedisit. Drejtori i filialit të diamoniumit fosfatik të fabrikës së plehrave fosforike pranë kësaj shoqërie, zoti Yang Yi thotë se dikur në procesin e prodhimit të plehrave fosforike, ndërmarrja e tij shkarkonte një sasi të madhe gazesh helmuese që mbanin fosfor dhe amonium. Këto gaze mund të formojnë "shiun e amoniumit fosforik", që mund të sjellë pasoja të rënda për mjedisin në këto zona.

"Në atë kohë, nga ekzaminimi mjekësor doli se shumë punëtorë të ndërmarrjes sonë vuanin nga pezmatimi i rrugëve të frymëmarrjes. Aq më tepër, për një kohë, uji në rrjedhën e poshtme të lumit mbante amoniak dhe azot jashtë standardit. Si pasojë, shumëzoheshin shpejt qeniet organike, sidomos algat e gjelbra, që shkaktuan ngordhjen e kafshëve ujore."

Kurse sot, në njërën prej fabrikave pranë kësaj shoqërie, pamë gjelbërim, lëndina, drurë të gjatë e të shkurtër dhe peshq të artë që notojnë në ujin e kulluar të hauzit. Këtu nuk vumë re tym në ajër, nuk nuhatëm erë që dikur na ngacmonte hundën, dhe nuk dëgjuam gjëmime të makinerive. Po të mos qëndronin gjigante makineritë moderne, nuk do të besonim se këtu është një bazë e madhe e industrisë kimike fosforike që zë një pozitë të rëndësishme në Kinë. Zv-drejtori i filialit të trajtimit të ujit pranë fabrikës së plehrave fosforike Hongfu, Li Zhi-gjan thotë se, për të zgjidhur problemin e shkarkimit të gazeve, shoqëria e tyre, në bashkëpunim me Universitetin e Siçuanit, krijuan me sukses një teknologji të shfrytëzimit të gazeve të dala gjatë prodhimit të diamoniumit fosfatik dhe monoamoniumit fosfatik. Si rezultat, u pakësua në masë të madhe sasia e shkarkimit të gazit amoniak, u kursye energjia dhe u bë më i qëndrueshëm procesi i prodhimit.

"Shoqëria jonë i kushton shumë rëndësi mbrojtjes së mjedisit. Tani në fabrikën e plehrave fosforike nuk shihet më shiu acid. Lulishtet tona vaditen me ujë të trajtuar."

Sot në këtë ndërmarrje, në saje të kërkimeve shkencore dhe të zbatimit të arritjeve të reja teknologji, një sasi e madhe gazesh të padobishme, ujërash të përdorura dhe zgjyrash, të dala në procesin e prodhimit, kthehen në lëndë të para të prodhimit të pllakave të gjipsit fosforik, acidit sulfurik, jodit dhe produkteve të tjera, gjë që i sjell kësaj shoqërie më shumë përfitime ekonomike. Kryetari i Këshillit të Shoqërisë Aksionare Hongfu, zoti Hë Hao-ming, thotë se shoqëria e tij zotëron të paktën një vendburim minerali fosforik që mjafton të nxirret për 100 vjet, por në rrethanat kur konsumohen gjithnjë e më shumë vendburimet e mineraleve, fokusi i konkurrencës industriale do të jetë se kush mund të shfrytëzojë më me efikasitet vendburimet e pasurisë natyrore.

"Nuk duhet të keqpërdorojmë dhe të shfrytëzojmë jashtë masës pasurinë natyrore, megjithëse zotërojmë vendeburime të pasura. Përndryshe, do të jetë një qëndrim i papërgjegjësisë për shtetin, për shoqërinë dhe për brezat e ardhshëm."

Shoqeria Aksionare Hongfu zotëron një mal me mineral fosforik që është mali më i madh i këtij lloji në Kinë dhe që ka një sasi minerali të rezervuar prej 600 milionë tonësh, por një pjesë e mineralit fosforik të rezervuar është i kategorisë së ulët. Pas kërkimeve përkatëse shkencore, u krijua një teknologji e re e pasurimit të mineralit fosforik. Si rezultat, një sasi e madhe minerali fosforik të kategorisë së ulët ka filluar të shfrytëzohet si duhet. Sasia e mineralit fosforik të kategorisë së ulët, që shfrytëzohet me këtë teknologji të re, është baras me sasinë e mineralit fosforik të nxjerrë nga një minierë e mesme. Sipas planit të mëparshëm, minerali fosforik në këtë mal do të shfrytëzohej për 80 vjet, por me këtë teknologji të re mund të shfrytëzohet për 100 vjet.

Në bashkëpunim me disa shkolla të larta dhe institute studimore, Shoqëria Aksionare Hongfu ka krijuar 10 teknologji të përparuara të nxjerrjes, pasurimit e përpunimit të fosforit dhe të mbrojtjes së mjedisit, duke dhënë kontribut në kërkimet shkencore për shfrytëzimin e mineralit fosforik. (Zheng)