Në fillimin e shekullit të 20-të, Anglia, Gjermania dhe Suedia quheshin 3 mbështetëset të mëdha për sportet moderne në botë. Prandaj, qysh në kohën e formimit të Komitetit Olimpik Ndërkombëtar, Suedia shfaqi dëshirën për organizimin e lojërave olimpike, por nuk pati rast të përshtatshëm. Deri sa në vitin 1912, Stokholmi i Suedisë u ngarkua me detyrën e organizimit të Lojërave të 5-të Olimpike.

Me stilin e tyre praktik, suedezët punuan me shumë zell për të përgatitur Lojërat e 5-ta Olimpike. Gjatë kohës së përgatitjes, ata shpërndanë një sasi të madhe kartolinash me temën olimpike. gjë që ishte hera e parë në historinë e lojërave olimpike.

Stadiumi kryesor i Lojërave Olimpike të Stokholmit ishte i bukur dhe praktik. Nga jashtë, ky stadium dukej si një kala të mesjetare. Shkallët e tij për shikuesit ishin ndërtuar me pllaka graniti, të cilat janë shumë të forta. Ky stadium mund të mbante mbi 30 mijë shikues.

Në këtë edicion të lojërave olimpike, morën pjesë vetëm pak më shumë se 2000 sportistë. Ky vjen nga që Suedia kishte kufizuar numrin e pjesëmarrësve të delegacioneve të ndryshme. Në këtë edicion, edhe Japonia e Azisë dërgoi për herë të parë dy sportistët për të marrë pjesë, gjë që realizoi edhe një herë takimin e sportistëve nga të 5 kontinentet.

Në këtë edicion, u bënë rregullime në strukturën e shumë disiplinave sportive. U hoqën disa disiplina të rrezikshme dhe ato të papërhapura gjerësisht. Në të njëjtën kohë, u shtuan disa disiplina, si noti për femra. Në edicionet e mëparshme të lojërave olimpike, vajzat merrnin pjesë në garë së bashku me djemtë, se nuk kishte ndonjë garë posaçërisht për femra.

Në garat e atletikës të këtij edicioni, u përdor për herë të parë ora elektronike për të ndihmuar gjykimin e garave. Saktësia e matjes së kohës arriti në 1/10 e sekondës. Prandaj, u shmangën grindjet për sa u përket vendimeve të gjyqtarëve. Për shkak të saktësisë së matjes së kohës, disa rezultate të shkëlqyera të shënuara në garat e atletikë të këtij edicioni, u shënuan si rekordet e para botërore nga Federata Ndërkombëtare e Atletikës. Kjo ishte hera e parë që një mjet teknik u përdor në përcaktimin e rezultateve, gjë që pati rëndinë e gurit themeltar.

Disa sportistë që morën pjesë në Lojërat Olimpike të Stockholmit të vitit 1912 u bënë persona shumë të njohur. Për shembull, në vitin 1952, sportisti amerikan Arery Brundage, që mori pjesë në pesëgarëshin e dhjetëgarëshin e këtij edicioni dhe zuri vendin e 5-të në pesëgarësh, u bë kryetari i Komitetit Olimpik Ndërkombëtar me një mandat 20 vjet. Në vitin 1959, sportisti i njohur anglez Filip J.Noel-Baker që gjithashtu mori pjesë në garat e atletikës të këtij edicioni, fitoi Çmimin "Nobel" të Paqes për kontributin e tij në çëshjten e çarmatimit. Mund të theme se ky është një edicion i lojërave olimpike nga i cili dolën shumë persona të njohur. (Shy Guan)