Jiang Xin është një këngëtare e shquar e tipit krijues në qarqet muzikore moderne. Këngët e saj janë kryesisht të stilit pop rok.

Jiang Xin njihet nga adhuruesit kinezë me albumin e parë të nxjerrë në vitin 1996 "Lulet çelin". Ky album s'mund të emërtohet një album i një rryme kryesore ose të veçantë. Megjithëse, në atë kohë, ky album nuk u mirëprit, ai u vlerësua lart nga personazhet e qarqeve muzikore.

Po dëgjoni tani këngën "Lulet çelin". Me zërin e lirshëm dhe melodinë e ngadaltë, Jiang Xin na tregon për dashurinë me keqardhje. Në këtë këngë thuhet "Ty do të të jap lotët e mi. Sonte zemra ime dhemb. Lulet çelin, drita më ndriçon. Zemra ime është e ngrohtë. S'mund të më kuptosh."

Jiang Xin, që është në moshën 37-vjeçare, ka lindur në qytetin bregdetar Qing Dao të Kinës lindore. Në moshën 6 vjeçare, ajo ndoqi prindërit që shkuan në Pekin. Kur ishte e vogël, ajo këndonte dhe vallëzonte mirë. Në vitin 1988, Jiang Xin u pranua në degën e kontabilitetit të Institutit Ekonomik të Pekinit. Por ajo shpesh herë qëndronte në konvikt për t'i rënë kitarës.

Në një rast, Jiang Xin njohu disa këngëtarë të stilit rok. Nën ndikimin e tyre Jiang Xin filloi të dëgjojë muzikë të stileve, të periudhave dhe të fraksioneve të huaja të ndryshme. Në atë kohë, ajo dëshiroi të linte shkollën dhe të këndojë e të krijojë muzikë. Ajo u tha prindërve se duhej ta zgjidhte vetë rrugën e zhvillimit.

Pas daljes nga shkolla, në moshën 19 vjeçare, Jiang Xin filloi të këndojë në klube. Megjithëse ishte e zënë, Jiang Xin ndiente kënaqësi sepse ishte rritur me forcën e vet. Në atë kohë, vajzat këndonin këngët popullore të Hong-Kong-ut dhe të Tajvanit në klube. Por Jiang Xin këndonte këngët e stilit pop rok në gjuhën kineze, kështu ajo u bë menjëherë fokusi i klubeve. Në vitin 1995, Jiang Xin u regjistrua në kompaninë e disqeve "Kultura Akrepi" dhe mbaroi jetën 7-vjeçare në klube.

Në vitin 2000, miku i Jiang Xin-it, muzikanti Zhu Xiaomin krijoi një studio muzikore. Atje, ai prodhoi albumin e dytë të Jiang Xin-it "Maji". Jiang Xin krijoi të gjitha meloditë dhe tekstet e këngëve të këtij albumi. Ky album është i stilit pop rok.

Po dëgjoni tani këngën e këtij albumi "Nuk është parë", e cila përshkruan të dashurit që nuk dëshirojnë të takohen përsëri pas humbjes së dashurisë. Në këtë këngë thuhet "E kam kuptuar mendimin tënd. Mos më trego! Nuk dëshiroj të takohemi."
Në vitin 2002, Jiang Xin u regjistrua në kompaninë e disqeve "Qielli modern" dhe pas dy vjetëve nxori albumin e tretë "Pastërtia".

Tani le të shijojmë këngën e krijuar dhe të kënduar nga Jiang Xin "Pluhuri".

Në këtë këngë thuhet "Herët në mëngjes, pashë një grimcë të vogël pluhuri në dritën që orienton shikimin tim. Vetëm e pashë. Më pëlqen gjithnjë e më shumë. E dua."

Me melodinë dhe të kënduarin e thjeshtë, Jiang Xin ka shënuar dashurinë dhe ëndrrat. Sinqeriteti i saj ndaj muzikës ka prekur shumë adhurues

Po dëgjoni tani këngën "Pastërtia". Në këtë këngë thuhet "Vendet ku ka dritë qiellore kanë kërkim të vazhdueshëm. Fytyrat e pastra mbledhin dhe formojnë detin e arit."