Dëgjoni

Duke filluar nga 1 shtatori, çdo të shtunë në orën 17: 27 minuta sipas orës së Pekinit, në kanalin e parë të CCTV-së do të transmetohet për 6 javë rresht seria prej 6 programesh e rubrikës "Magjia e filmave artistikë" mbi disa filma të vjetër shqiptarë: "Ngadhënjim mbi vdekjen", "I teti në bronz", "Oshtimë në bregdet", "Rrugë të bardha", "Njësiti gueril" dhe përmbledhja e tre filmave për fëmijë: "Beni ecën vetë", "Mëngjese lufte" dhe "Guximtarët".

Të dielën në orën 9: 10 dhe të hënën në orën 11:10 sipas orës së Pekinit, ky program do të përsëritet në kanalin e lajmeve të CCTV-së.

Programi do të ritransmetohet edhe 2-3 muaj më vonë në orën 23.00 sipas orës së Pekinit në kanalin e lajmeve të CCTV-së. ??

Ju flet Radio e Jashtme e Kinës, të dashur dëgjues, pas dy vjetësh pune të palodhshme të gazetarëve, redaktorëve dhe teknikëve të rubrikës "Magjia e filmave artistikë" të CCTV-së, u realizua seria prej 6 programesh mbi disa filma të vjetër shqiptarë dhe më 1 shtator të këtij viti filloi transmetimi i kësaj serie. Programi i parë titullohet "Në pranverë dalim partizane" dhe i kushtohet filmit shqiptar "Ngadhënjim mbi vdekjen"..

Këtë të shtunë në mbrëmje dhe të dielën e të hënën paradite, shumë adhurues kinezë të filmave të vjetër shqiptarë panë me interes programin e parë të kësaj serie dhe ritransmetimet e tij.

Ideja për krijimin e një serie mbi filmat e mirëpritur shqiptarë ka lindur qysh 3 vjet më parë në mendjen e producentit dhe prezantuesit shumë të njohur dhe të mirëpritur kinez, z. Cui Yongyuan, sepse ai është rritur me filmat e vjetër kinezë dhe të huaj.

Siç tha z. Cui Yongyuan: "Unë dhe moshatarët e mi, që kemi lindur në vitet '60 të shekullit të kaluar, jemi ndikuar shumë nga filmat artistikë, sidomos në formimin e botëkuptimit tonë."

Para 3 vjetësh, gjatë një takimi me ambasadorin e atëhershëm të Shqipërisë në Kinë, z. Kujtim Xhani, z. Cui Yongyuan i tregoi idenë e tij : "Mua më pëlqen shumë heroina e filmit shqiptar 'Ngadhënjim mbi vdekjen'. Ajo është shumë e bukur, veçanërisht në skenën e tarracës, duke shprehur mallin që kishte për vendlindjen e saj, Gjirokastrën, me flokët që ia frynte era, para se të ekzekutohej nga gjermanët."

'Sa herë ndodhesha përpara joshjes me para, me karrierë të lartë, me grada, me daljen për vizitë jashtë shtetit etj., sapo kujtoja heroinën me flokë të fryrë bukur nga era, gjithçka bëhej e papërfillshme për mua".

Z. Cui i njeh kaq mirë këta filma të vjetër kinezë dhe të huaj, sepse i ka parë kushedi sa herë. Kështu, filmin 'Ngadhënjim mbi vdekjen' për shembull, e ka parë të paktën me dhjetëra herë, sepse ka jetuar në garnizonet e reparteve ushtarake dhe gjithmonë ka shkuar pas grupeve që shfaqnin filma nëpër reparte. Ai ka pasur raste që e ka parë edhe tri here në natë filmin 'Ngadhënjim mbi vdekjen'. Atij i ka bërë përshtypje shumë të thellë parulla e këtij filmi 'Vdekje fashizmit, liri popullit !'.

"Në vitet '70 të shekullit të kaluar, filmat shqiptarë për ne ishin jetësorë e të bukur, me metodë bashkëkohore xhirimi, si filmat evropianë."

Z. Cui Yongyuan e ka filluar rubrikën e tij "Magjia e filmave artistikë" qysh në vitin 2002. Deri tani në këtë rubrikë janë intervistuar më se 1500 kineastë veteranë, gjatësia e historive të rrëfyera nga këta kineastë ka arritur në më se 110 mijë minuta, ndër kineastët e intervistuar mbi 50 janë ndarë nga jeta. Prandaj kjo rubrikë ka mbledhur të dhëna shumë të çmuara mbi historinë e kinematografisë kineze.

Gjatë bisedave me gazetarë të mediave të krahinave të ndryshme të vendit dhe me teleshikuesit kinezë, ata e pyesnin shpesh Z. Cui Yongyuan se përse ai nuk kishte intervistuar realizuesit e disa filmave të huaj, si të filmit të ish-Jugosllavisë "Mbrojtja e Sarajevës nga Valti", të filmave japonezë "Ndjekja", "I drejtohemi vendlindjes" etj., si dhe të filmave shqiptarë "Ngadhënjim mbi vdekjen", "I teti në bronz" etj. Në mendjet e këtyre shikuesve këta filma duket sikur janë një pjesë përbërëse e filmave kinezë, sepse në vitet '70 e '80 të shekullit të kaluar, kur Kina ndodhej në periudhën e mungesës së filmave artistikë, një numër filmash të huaj artistikë, si shqiptarë, koreanë, vietnamezë, të ish-Jugosllavisë dhe japonezë, e plotësuan këtë mungesë, duke pasuruar jetën shpirtërore të njerëzve të asaj kohe.

Për këtë arsye, z. Cui Yongyuan vendosi ta zgjeronte sferën e rubrikës së tij "Magjia e filmave artistikë" nga programe vetëm mbi filmat artistikë kinezë në programe edhe për filma të huaj artistikë.

Si rezultat, u realizua grupi i parë i serive mbi filmat ish-jugosllavë, japonezë, shqiptarë dhe rumunë prej 4 serish me 26 programe. Transmetimi i këtyre serive filloi qysh më 9 qershor të vitit 2007. Pas transmetimit të serive mbi filmat ish-jugosllavë dhe japonezë, tani ka filluar transmetimi e serisë së programeve mbi filmat artistikë shqiptarë.

Transmetimi i këtyre programeve kanë ngjalluar interesim të madh te teleshikuesit, sidomos te teleshikuesit e moshës mbi 40-vjeçare.

Ata thanë se duke parë këto programe me filma të vjetër, iu kujtuan jo vetëm vetë filmat, por edhe vendet ku i kanë parë ata, në një shesh të madh në një fermë të Kinës verilindore, në mes të dëborës, nga mbrapa perdes se shfaqjes sw filmit etj. Kështu këta filma u sollën edhe kujtime të paharrueshme të kohës së rinisë së tyre.

(Zhai)