Dëgjoni

Hong-Kongu është një rajon ku ndërthuren kultura kineze e kultura perëndimore dhe muzeu historik i Hong-Kongut është një dritare për shfaqjen e historisë dhe të kulturës së Hong-Kongut. Sot do t'ju flasim për drejtorin e këtij muzeu Tom Ming.

Tom Ming lindi në Hong-Kong dhe mbaroi studimet e aspirantit të historisë në këtë rajon. Tom Ming tha se studimi i historisë është ideali i tij:

"Kam interes të madh për historinë. Jam i mendimit se njerëzit e sotëm mund të mësojnë shumë nga historia."

Pas mbarimit të studimeve në universitet, në vitin 1986, Tom Ming gjeti punën e parë të tij në Drejtorinë e Relikteve të Hong-Kongut. Atë kohë në këtë drejtori kishte vetëm 4 punonjës që përgjigjeshin për arkeologjinë dhe mbrojtjen e relikteve dhe të ndërtesave të lashta të Hong-Kongut. Kjo punë e ndihmoi Tom Mingun të vizitojë të gjitha ndërtesat e lashta të Hong-Kongut. Vitet e fundit, Hong-Kongu i ka kushtuar më shumë rëndësi mbrojtjes së relikteve, edhe hongkongasit kanë filluar t'i kushtojnë vëmendje kësaj çështjeje. Tom Ming tha:

"Në këta 7 a 8 vjetët e fundit, çështja e mbrojtjes së relikteve në Hong-Kong është zhvilluar shpejt. Më shumë hongkongas e kanë kuptuar se ndërtesat e lashta përfaqësojnë historinë e Hong-Kongut dhe kanë vlerë të madhe. Tani mbrojtja e relikteve është bërë një temë e ditës në Hong-Kong."

Në vitin 1995, Tom Ming mori pjesë në punën përgatitore të ndërtimit të muzeut kulturor të Hong-Kongut. Pas 5 vjetëve, u hap muzeu kulturor i Hong-Kongut. Ky është një muze i përgjithshëm që shfaq historinë, artin dhe kulturën e Hong-Kongut. Nga viti 2002 deri në vitin 2006, Tom Ming u bë drejtori i muzeut. Tom Ming është i mendimit se Hong-Kongu është një qytet emigrantësh, kultura kineze dhe kultura perëndimore ndërthuren këtu duke krijuar kulturën e veçantë të Hong-Kongut. Për të shfaqur këtë kulturë, ai organizoi shumë ekspozita në lidhje me jetën e Hong-Kongut:

"Shumë zakone të jetesës të hongkongasve janë rezultati i përzierjes së kulturës kineze dhe të kulturës perëndimore. Prandaj kur isha drejtori i muzeut kulturor, organizova shumë ekspozita në këtë fushë."

Në fillim të vitit 2007, Tom Ming u bë drejtori i muzeut historik të Hong-Kongut. Ky muze i krijuar në vitin 1962 është një nga muzetë me historinë më të gjatë në Hong-Kong. Ekspozita "Tregimet e Hong-Kongut" në këtë muze është shumë e famshme ajo shfaq plotësisht historinë e Hong-Kongut para 6000 vjetëve deri sot. Tom Ming shpreson se kjo ekspozitë do t'i ndihmojë shikuesit ta njohin plotësisht Hong-Kongun.

Tom Ming ka hartuar një sërë planesh të ekspozitës. Tani ai po organizon ekspozitën "Tregimet e 3 qyteteve". Tom Ming është i mendimit se qyteti Shangai dhe qyteti Guangzhou të pjesës së brendshme i ngjajnë shumë Hong-Kongut, 3 qytetet kanë shumë karakteristika të njëjta si për shembull përzierja e kulturës kineze e asaj perëndimore, lulëzimi ekonomik e kulturor etj.

Tom Ming ka kontakte dhe shkëmbime të shpeshta me muze të pjesës së brendshme. Shumë ekspozita të organizuara nga ai kanë fituar përkrahjen e pjesës së brendshme. Tom Ming u shpreh se para kthimit të Hong-Kongut në gjirin e atdheut në vitin 1997, këto kontakte nuk ishin të shumta, por tani në Hong-Kong zhvillohen shpesh ekspozita të mëdha të pjesës së brendshme dhe shikuesit e Hong-Kongut mund të shohin shumë relikte të çmuara kineze. Për shembull ekspozita "Zbulimet e reja arkeologjike të Kinës" e zhvilluar në muzeun historik të Hong-Kongut shfaqi rezultatet e fundit të arkeologjisë kineze në 20 vjetët e fundit.

Tom Ming vlerëson lart reliktet e çmuara të pjesës së brendshme dhe ka besim të plotë për bashkëpunimin me pjesën e brendshme:

"Ne kemi krijuar marrëdhëniet e bashkëpunimit me muze të pjesës së brendshme si Muzeu Kombëtar, Muzeu i Kryeqytetit etj. Në të ardhmen, bashkëpunimi midis nesh do të jetë më i ngushtë." (Fani)