Në vitin 2006, këngëtarja tajvaneze Xiao Xiao nxori albumin e ri "I'm", që tërhoqi vëmendjen e qarqeve muzikore.

Po dëgjoni këngën "E liruar". Në këtë këngë përzihen stilet e vallëzimit dhe pop rok. Në këngë thuhet "Me mashtrimin e bukur, çfarë do të bësh? Duhet të zgjohem. Do të largohem, më liro. Bota është zgjeruar."

Në të kaluarën, Xiao Xiao ishte modele, ndërsa në vitin 2003 filloi karrierën në qarqet muzikore. Për shkak të paraqitjes së bukur të saj, talenti muzikor i Xiao Xiao-s u harrua nga adhuruesit. Gjithashtu ajo u quajt nga mediat "Vazo". Në janar të vitit 2006 Xiao Xiao nxori albumin e ri "I'm" dhe mbaroi krijimin e 5 këngëve.

Tani le të shijojmë këngën "Harrohet" të krijuar nga Xiao Xiao. Me melodinë me ndjenjën e keqardhjes dhe me zërin e ngrohtë të saj, kjo këngë na prek shumë.

Në këtë album, përveç 5 këngëve të krijuara nga Xiao Xiao, ka edhe 6 të tjera të muzikantëve të famshëm, si Li Zongsheng, Lin Junjie, Xu Changde etj. Këto këngë kanë melodi si poezi dhe tekste të thjeshta, që tërheqin njerëzit.

Po dëgjoni tani këngën e krijuar posaçërisht për Xiao Xiaon nga muzikanti singaporas Lin Junjie "Ai i pakapur", e cila është kënga kryesore e dramës televizive jug-koreane "Quhem Kim Sam Soon".

Në këtë këngë thuhet "Në dashuri ka jo vetëm trëndafila, por edhe ndëshkim. Gëzimi dhe keqkuptimi do të shtohen dita ditës. Do ta liroj atë. Zemra ime duhet të pushojë."

Këngët e këtij albumi janë kryesisht me stilet pop rok, si edhe popullore dhe të vallëzimit etj. Me këto këngë fantastike, mund të gjesh qetësi kur je i zënë me punë.

Do të dëgjoni tani këngën lirike "Dua të harroj".

Në këtë këngë thuhet "Në dhomën me vetëm një njeri është pak ftohtë. Rrahja e zemrës është e pakontrolluar. Të dhemb plaga. Nuk dua të qaj. Lotët janë në sy. Dua ta harroj dashurinë, por s'mund."

Në fund të programit të sotëm, do të dëgjoni këngën e stilit pop rok "Zogu i trashë". Në këtë këngë thuhet "Zogu më pyeti pse në dimër nuk fluturoj te ideali me të. I thashë kam shumë mall. Zogu më pyeti se pse këndoj me hidhërim. I thashë kam shumë pakënaqësi."